Россиягә килергә курыкмагыз!

Чемпионат төгәлләнергә санаулы гына көннәр калды. Казан урамнарын тутырып, күтәренке кәеф бүләк итеп йөрүче җанатарларның да күбесе үз илләренә кайтып китте инде. Нинди зур чараның шаһитлары булуыбызны без үзебез дә аңлый алмый калмадык микән әле? 

Сүз дә юк, бик зур эш эшләнде, чөнки дөньякүләм зур чараларны уздыру биниһая хезмәт. Инде килгән кунаклар да илебез турында, мондагы халык, безнең мәдәниятләребез турында берникадәр белеп, хәтта фикерләре дә үзгәреп киткәндер. 

Бүген чемпионатны кабул итүче шәһәрләрнең барысын да берләштергән видеокүпердә сүз әнә шул хакта барды.

«Россия сегодня» мәгълүмат агентлыгының баш мөхәррире Маргарита Симоньян әйтүенчә, чемпионат башланыр алдыннан Европа матбугаты футбол җанатарларын Россиягә бармаска үгетләп, берсеннән-берсе тузга язмаганрак хәбәрләр бастырган булган. Имештер, Россиядә казакълар урамда тотып камчы белән кыйный, анда юк кына нәрсә өчен дә төрмәгә ябып, кешеләрне урта гасырда кулланылган җәза ысуллары белән газаплыйлар, анда кибетләрдә бернәрсә дә юк... BBC каналы да үз тамашачыларын «коточкыч» Россия белән таныштыру өчен аз көч куймаган булып чыкты. 

«Ә без менә җанатарларга бөтенләй башка Россияне күрсәтә алдык. Чемпионат үз эшен эшләде: чит ил матбугатында илебез турында сокланып та, шаккатып та язылган язмалар күренә башлады. «Әнекәем лә! Монда шундый матур! Кибетләре бай, халкы көләч. Безне камчы белән кыйнамадылар, төрмәләргә утыртмадылар! Халык, Россиягә килергә курыкмагыз!» Без чит ил халкына Россия турында аларга җиткерелүче мәгълүматның дөреслеккә туры килмәвен аңлаттык. Кеше иң беренче кемгә ышана? Әлбәттә, үзенә, үзе күргәнгә. Аннары дуслары, туганнары сөйләгән сүзгә. Ә матбугат бу очракта кайдадыр арткы рәттә генә», – диде мөхәррир ханым журналистларга.

Чемпионатны оештыру эшендә җитешмәгән һәм мактарга лаек, дип, нәрсәләрне аерып әйтер идегез һәм чемпионатны уздыруны ничәгә бәялисез, дигән сорауга, Маргарита Симоньян эшне «плүс бишлек» дип бәяләде. «Мактарга лаек нәрсәләр дигәндә, мин иминлекне кайгыртуны беренче урынга куям. Полиция үз эшен искиткеч яхшы башкарды. Аларга кемнәр генә ярдәм сорап мөрәҗәгать итмәгәндер бу көннәрдә. Үзләре салмыш, өстәвенә рус телен һәм шәһәрне белмәгән җанатарлар да, бер-берсен югалткан төркемнәр дә, адашып калучылар да... Алар аңлаганын үзләре аңлап, аңламасалар, ярдәмгә башкаларны чакырып, югалганнарны табыштырды, адашканнарга юлын күрсәтте. Алар мактауга бик тә лаек, дип саныйм мин. Ә көендерде, дигәнгә?.. Туган җиремдәй күргән Сочида узган матчларны үз күзләрем белән тамаша кыла алмавым гына көендерсә инде. Ә болай бар да иң югары дәрәҗәдә үтте», – диде ул. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9460
    10
    114
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9594
    8
    78
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    5276
    4
    62
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    4060
    0
    44
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6475
    2
    30
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан