Россия, Төркия лидерлары дәүләт мөнәсәбәтләрен кризискача дәрәҗәгә кайтару ниятен раслады

Бүгенге очрашу Россия - Төркия мөнәсәбәтләренең киләчәктәге язмышы өчен мөһим, дип билгеләп үтте Россия Президенты Владимир Путин төрек коллегасы белән бүген булган очрашуына карата матбугат конференциясен башлап.

Искәртеп үтәбез: Санкт-Петербургның Константинов сараенда бүген Россия һәм Төркия Президентлары илләр арасындагы мөнәсәбәтләрне нормальләштерү мәсьәләләрен карадылар. Очрашуда Татарстан Президенты Рөстәм Миңнеханов та катнашты. Очрашу "Россия 24" телеканалы тарафыннан онлайн режимында трансляцияләнде.

"Бөтен мәсьәләләр буенча конструктив сөйләшенде, - диде Владимир Путин. - Безнең дәүләтләр тарихында төрле чаклар булды. Ләкин нормаль мөнәсәбәтләр логикасы һәрчак өскә чыкты. Рәҗәп Тайип Эрдоган, Төркиядә вазгыять катлаулы булуына да карамастан, бирегә килү мөмкинлеге тапты. Һәм бу мөнәсәбәтләрне җайга салуга омтылыш", - дип өстәде ул.

"Бүген без минем кадерле дустым Владимир Путин белән төпле һәм эчтәлекле сөйләшүләр алып бардык, - диде Төркия Президенты Рәҗәп Тайип Эрдоган. – Мәгълүм вакыйгадан соң бу беренче сөйләшү һәм кискен борылыш ясау омтылышыннан соңгы тәүге тапкыр чит илгә чыгуым булуын билгеләп үтәсем килә. Һәм нәкъ менә Россиягә килдем. Без мөнәсәбәтләрне кризиска кадәрге дәрәҗәгә һәм аннан да югарыракка чыгарырга йөз тотабыз. Безнең халыклар шуны көтә", - дип басым ясап әйтте ул.

Россия Президенты, диалогны уңышлы булды дип әйтергә була, дип бәяләде. Яклар мөнәсәбәтләрне нормальләштерү һәм беренче урындагы бурыч-максатлар буенча гамәлләр алгоритмын билгеләде, диде. "Кризиска кадәрге дәрәҗәгә чыгуга йөз тотуга өстенлек бирәбез. Быел гына да илләребез арасындагы сәүдә-икътисади әйләнеш 43 процентка кимеде. Былтыр 20 проценттан артык кимеде. Мөнәсәбәтләрне җайга салу процессы башланды дип әйтә алам", - дип билгеләп үтте В.Путин.

"Аерым игътибар - инвестицияләрне, сәүдә агымнарын арттыруга, эре проектларны гамәлгә ашыруга. Бу омтылышта безне ике илнең дә эшлекле даирәсе хуплый. Төркиягә карата кабул ителгән чараларны этаплап бетерәчәкбез. Безнең тарафтан 2016-2019 елларга план төзелде", - дип хәбәр итте Россия Президенты.

Төркия Президенты дәвам иттереп: "Чартер авиарейсларны торгызырга, азык-төлек товарларны кертүгә һәм Төркиянең төзелеш һәм подряд оешмаларына Россиядә салынган тыюны гамәлдән чыгарырга, Россия туристларына Төркиядә ял итү мөмкинлеген кайтарырга кирәк. Бу юнәлештә без бергәләп адымнар ясаячакбыз", - диде.

"Туристик бизнеска кагылышлы мәсьәләдә болай: безнең таләпләрнең берсе Россиядән булган туристларны куркынычсызлык ягыннан тәэмин итүдә гарантия иде. Төркиядәге коллегалар шундый гарантияләр бирде. Безнең сәүдә-икътисади мөнәсәбәтләрдә төп өлешне энергетика алып тора. Без эре проектлар турында да фикерләштек. Төркия ягыннан кайбер адымнар инде ясалды да. Аерым алганда, Аккую атом электр станциясен һәм "Төрек агымы" газүткәргечен төзү буенча проектларны торгызу турында сүз барды. Беркадәр төзелеш проектлары буенча, дәүләтләр арасында мөнәсәбәтләр катлаулы булуына карамастан, хезмәттәшлегебез туктатылмады", - дип билгеләп үтте Владимир Путин.

"Төрек агымы" гамәлгә ашырылачак. Үз ягыбыздан без Россия газын Төркиягә һәм Европага китерүне тәэмин итү өчен барысын да эшләячәкбез, - дип вәгъдәләде Р.Эрдоган.

Аккую проектына без стратегик инвестиция статусы бирдек, төзелеш мөмкин кадәр әйбәт шартларда алып барылачак, дип хәбәр итте ул.

"Безнең хезмәттәшлек энергетика белән генә чикләнми. Безнең уртак мәнфәгатьләребез күп: машина төзелеше, авыл хуҗалыгы, сәүдә һәм башкалар", - дип басым ясап үтте Владимир Путин. Рәҗәп Эрдоган шуңа өстәп: "Безнең мөнәсәбәтләр кризисына кадәр үз алдыбызга илләребез арасындагы сәүдә-икътисади әйләнешне 100 млрд долларга җиткерү бурычы куйган идек. 35 млрд долларга җиткердек. Без тукталган урынга кайтып, алга таба барырга ниятлибез".

"Мөнәсәбәтләрне җайга салуда озак килештерүләр таләп итмәгән мәсьәләләр буенча карар якын атнада кабул ителәчәк, озак вакытка булганнары 2016-2019 елларга дигән программага кертелә. Безнең Хөкүмәтләребез туры элемтәдә эшләячәк", – дип өстәде Владимир Путин.

чыганак - http://tat.tatar-inform.ru/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    8421
    1
    113
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    7346
    1
    108
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5446
    4
    78
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4556
    6
    49
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    7973
    2
    48
Реклама
Соңгы комментарийлар
  • 5 март 2021 - 19:29
    Без имени
    Балага 40 конда юк,азырак саклау карактер ул
    Гүзәл Уразова сабые белән хастаханәдә
  • 5 март 2021 - 20:03
    Без имени
    Куз тиядер тугач та фотасын куя башлыйлар бит 40 консез чит кешегэ курсэтмилэр иде бит элек
    Гүзәл Уразова сабые белән хастаханәдә
  • 5 март 2021 - 21:25
    Без имени
    Нинди генә җуләрлекләр эшләми адәм баласы.
    Җиңгәм: «Чибәр ирләр уртак булалар», – диде...
  • 5 март 2021 - 10:20
    Без имени
    Минем кызым да кияүнең беренче хатыны 2 яшьтә ташлап киткәнбаласын тәрбияли (икенче баласын икенче иренә ташлап китте). Ташлап китсә дә интернет челтәрендәге сайтларда "Минем өчен иң кадерле кешеләрем -улларым. Алар өчен генә яшим",-дип яза. Ә үзе бер ирдән икенче иргә йөри. Менә шундый тормыш.
    Әллә?!
  • 5 март 2021 - 11:13
    Без имени
    Мокшы икенче торле эйткэндэ мордва буламы?
    Мокшыларда туйда булдык
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...