Кәрим Тинчурин исемендәге Татар дәүләт драма һәм комедия театры режиссеры Резидә Гарипова 2015 ел нәтиҗәләре буенча Россия Федерациясе хөкүмәтенең мәдәният һәм сәнгать өлкәсендә талантлы яшьләргә бирелә торган стипендиягә лаек булды.
Яшь режиссер хәзерге вакытта Рөстәм Мингалимнең «Өченче бүлмәдә эт яши» пьесасы буенча спектакль куярга җыена.
Резидә Гарипова Казан дәүләт мәдәният һәм сәнгать университетының, режиссура һәм актерлык осталыгы факультетын 2010 елда тәмамлый (Россиянең атказанган артисты, Татарстанның атказанган сәнгать эшлеклесе Рәшит Заһидуллин курсы).
2012 елдан башлап Казан театр училищесында актерлык осталыгы буенча дәресләр алып бара.
Резидә Кәрим Тинчурин исемендәге Татар дәүләт драма һәм комедия театрында 7 спектакль сәхнәләштерде: К.Тинчурин «Сүнгән йолдызлар», Х.Вахит «Туй алдыннан», Дж.Родари “Чиполлино маҗаралары», Э.М.Ремарк «Без барыбыз да кешеләр», Р.Габделхакова «Өзелгән яфраклар», И.Юзеев «Гашыйклар тавы», Ш.Хөсәенов «Чулпан».
сылтама:
http://intertat.ru/tt/madaniyat-tt/item/49444-rezid%D3%99-garipova-rossiya-stipendiyase-laureatyi.html
Комментарий юк