17 декабрьдә Татарстанда беренче тапкыр республика күләмендәге ата-аналар җыелышы уздырыла. Анда яшь татарстанлыларның ата-аналары, республика мәктәпләре укытучылары һәм директорлары чакырылган.
Җыелышны Талантлар Университетының фәнни җитәкчесе, педагогия фәннәре докторы Сергей Гиль алып бара. Чараны оештыруның максаты республика мәктәпләренең иң яхшы стратегияләрен һәм белем бирү тәҗрибәсен бер урынга туплау. Ата-аналар да, укытучылар да белем бирү системасын нәтиҗәлерәк итү өчен нәрсә эшләргә кирәклеге турында үз фикере белән уртаклаша алачак. Җыелышта дүрт сорауга җавап табу ниятләнелә:
Балагыз белем генә түгел, иң яхшы тормышчан белем алсын өчен нәрсә эшләргә?
Бала үзенең көчле сыйфатларын күрә һәм аңлый белеп, кайсы сыйфатларын үстерергә кирәклеген аңласын өчен нишләргә?
Бала тәҗрибә тупласын һәм аны тормышта куллансын өчен нәрсә эшләргә?
Баланы тормыштагы ролен һәм урынын аңларга ничек өйрәтергә?
Ата-аналар җыелышы IT-паркта уза. Онлайн-трансляцияне теләге булган һәркем интернеттан карый алачак. Тулырак мәгълүмат алу өчен телефоннар: 8 800 222-20-38 һәм +79083484860.
Белешмә: Талантлар Университеты балаларның һәм яшьләрнең нәтиҗәле проектлары һәп стартаплары өчен башлангыч мәйдан. Университет ТР Президенты Рөстәм Миңнеханов башлангычы белән ачылган иде.
Следите за самым важным и интересным в Telegram-каналеТатмедиа
Комментарий юк