Рафаэль Сәхәбиев: Татарстанга музыкаль театр кирәк!

Татарстанда профессиональ җырчылар эшләрлек музыкаль театр ачарга кирәк. Бу хакта “Татар-информ” мәгълүмат агентлыгы хәбәрчесенә Татарстанның халык артисты, озак еллар М.Җәлил исемендәге опера һәм балет театрында эшләгән солист, Казан консерваториясе доценты Рафаэль Сәхәбиев әйтте.
 
“Консерваториядә музыкаль спектакльләрдә җырлау өчен махсус кадрлар әзерләнә, - ди Рафаэль Сәхәбиев. – Тик менә әлеге бүлекне тәмамлаган студентлар кая барачак икән? Үзем дә әйтә алмыйм. Чыннан да Казанда музыкаль театр кирәк. Белемле, зәвыклы, югары мәдәниятле җырчылар сәхнәгә менәргә тиеш. Ә хәзер нәрсә, барысы да бер төрле җырлый торган җырлаучылар дөньяны басты. Нота танымаган, авызын дөрес ача да алмаган, сәхнәдә үзләрен тотышы турында әйтеп тә тормыйм. Халык зәвыгы бозыла. Ә консерватория тәмамлаган талантларны читкә озатабыз. Шәхсән миндә укыганнар арасында да Лондонга кадәр китеп барган талантлар бар. Уфа, Самара, Чабаксар, Саранскиларга һ.б. шәһәрләргә китеп бара". 
 
Кичә С.Сәйдәшев исемендәге Зур концерт залында Н.Җиһановның Н.Исәнбәт либреттосына иҗат ителгән “Түләк” операсы тәкъдим ителде. Казан консерваториясенең Әлфия Җаббарова җитәкчелегендәге Опера студиясе әзерләгән опера премьерасы быел апрель аенда узган иде. 
 
  
Спектакльдә Казан консерваториясен тәмамлаган Татарстанның атказанган артисты Айгөл Хәйри, М.Җәлил исемендәге Татар дәүләт опера һәм балет театры солисты Артур Исламов, шулай ук бүгенге студентлар – опера студиясе солистлары Айгөл Гардисламова, Илгиз Мөхетдинов, Сөмбел Ситдыйкова, Руслан Закиров, Айрат Ганиев, Ирек Фәттахов, Илнар Дәүләтшин һәм башкалар катнашты. Оркестр Казан консерваториясенең берьюлы ике иҗат коллективы артистлары: "Tatarica" халык уен кораллары оркестры һәм симфоник оркестрны берләштерде, дирижеры Ринат Халитов. Спектакльдә шулай ук Казан музыка көллиятенең Катнаш хоры һәм “Сәйдәш” бию театры да катнашты.
 
Сәхнәдә чыгыш ясаган талантлы яшьләр тагын бер кат Татарстанга музыкаль театр кирәклеген раслады. 
 
 
Белешмә: “Түләк” операсы сюжеты нигезендә мәхәббәт һәм хыянәт тасвирлана. Батыр егет Түләкнең җир өстендәге һәм күл төбендәге тормышы һәм мәхәбәтләре чагылыш таба. Илгә куркыныч янаганда егет мөһим карарга килә. Н.Җиһановның “Түләк” операсы Татар опера театры сәхнәсендә 1945 һәм 1967 елларда куелган. Музыкаль әсәрнең “Түләк һәм Су-Сылу” дип аталган икенче редакциясе композиторның опера жанрындагы соңгы хезмәте, ди сәнгать белгечләре.

чыганак: http://tatar-inform.tatar/news/2017/10/04/149582/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9041
    10
    105
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9109
    8
    74
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4848
    4
    57
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6070
    2
    26
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан