Муса Җәлилнең язу машинкасында Ижевск шагыйрәсе Гөлфия Исхакова беренче шигырьләрен җыйган

200 дән артык җыр, 6 китап авторы, Татарстан һәм Удмуртиянең Язучылар берлеге әгъзасы, шагыйрә Гөлфия Исхакова үзенең беренче шигырьләрен Муса Җәлилдән калган язу машинкасында җыйган. Бу хакта хатирәләре белән Гөлфия Исхакова үзе уртаклашты.

Удмуртиянең бөек композитор Петр Ильич Чайковский исеме белән танылган Воткинск шәһәрендә республикабыз татарларына шактый билгеле талантлы шәхес Гөлфия Исхакова яши. Белеме белән мәдәният хезмәткәре булганлыктан, аның гомере җәмгыять эшләрендә үтә. Күп еллар эшләгән Чайковский исемендәге бакча каршында “Тургай” халык татар җыр ансамблен җитәкли, әдәби һәм мәдәни кичәләр уздыра. Моннан тыш Гөлфия Исхакова шигырьләр яза.

Гөлфия Исхакова иң беренче шигырьләрен “Яңарыш” газетасына юллый. Заводта контролер булып эшләүче яшь иҗатчыны шагыйрь Риза Шәфи эзләп таба. Үзе яшәгән татарлар бармак белән генә санарлык шәһәрдә татар телендә тагын да бер каләм тибрәтүче кеше барлыгын белеп, Гөлфия Исхакованы махсус эзләп табуын әйтә. “Каләмең өметле, яз Гөлфия”, - дип аны иҗатка тагын да дәртләндереп җибәрә. Балалар шагыйре Риза Шәфи, үткен каләмле автор буларак, ул елларда Удмуртиядә генә түгел, Татарстан язучылар берлегендә дә билгеле шәхес була. 

“Риза абый минем остазым булды. Шигырьләремне язу белән башта аңа күрсәтә идем. Ул укып бәя бирә, кайберләрен күзгә бәреп тәнкыйтьләп тә ата: “Бу шигыреңдә табыш юк, Гөлфия, һәр язган әсәр нинди дә булса яңалык алып килергә тиеш. Ә мондый шигырьне сиңа кадәр дә язганнар, синнән соң да әле бик күп язарлар”, дип миңа иҗади дәресләр бирде ул. – дип искә ала Риза Шәфи турында Гөлфия Исхакова. - Дөрестән дә, бик күп нәрсәгә өйрәтте ул мине. Миңа гына түгел, кызым Гүзәлгә дә төпле киңәшләрен бирде. Рус теленнән татарчага ике китабын тәрҗемә итеп, Казан нәшриятендә бастырырга ярдәм итте. Риза абыйга булган рәхмәт хисләрем һәм матур истәлекләрем һәрвакыт йөрәк түрендә. Риза абый үзе дә һәр яңа иҗат иткән шигырен минем белән бүлеште. Шулай үзара иҗади аралашып бик күңелле яшәдек. Риза абый өлкәнәеп, аңа йөрергә авыр була башлагач, соңгы ике калын китабын мин бастырырга ярдәм иттем.

Бервакыт ул безгә бастыру машинкасы алып килгән иде. “Бу гади машинка гына түгел, Гөлфия. Ул зур истәлеккә ия. Мин аны сиңа бүләк итәм”, - диде. Әлеге кулдан кулга күчеп миңа килеп җиткән серле бүләк – бөек шагыйрь Муса Җәлилнең бастыру машинкасы булган.Риза абыйга аны бер туган абыйсы бүләк итә, ә аңа исә хатыны - кайчандыр Муса Җәлилнең икенче хатыны булган ханым бүләк итә. Аңарда Муса Җәлилнең бастыру машинкасы калган була. Аларга ул машинка кирәк булмагач, абыйсы аны Риза абыйга тапшырган”.

"Шул рәвешчә, Муса Җәлилнең бастыру машинкасын язмыш җилләре Воткинск каласына кадәр алып килүе бер могҗиза булса, әле аннан соңгы хуҗалалары да шигърият илендә биеклекләргә күтәрелүләре – икенче могҗиза. Хәзер дә ул машинка ике талант иясенең Муса Җәлилнең һәм Риза абыйның төсе булып миндә саклана”, - дип сөйләде Гөлфия Исхакова.

Гөлфия Исхакова бүгенге көндә алты китап авторы, 200дән артык шигыренә композиторлар тарафыннан көй язылган һәм аларны бүгенге татар эстрадасында танылган җырчылар башкара.

“Президент булам” дип аталган китабы махсус балалар өчен генә язылган шигырьләрдән тора. Балалар бакчалары, татар сыйныфларында укучы балалар ул шигырьләрне бәйрәмнәрдә, шигъри бәйгеләрдә сәхнәләрдән сөйли. 

чыганак: http://tatar-inform.tatar/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кайгыда да, шатлыкта да бергә без Мин иң бәхетле хатын идем. Яраткан ирем, кызыбыз туды. Әмма Аллаһы Тәгалә безгә сынау әзерләгән булган икән. Ирем түзәр микән дигән сорау белән башланды һәр көнем ул вакытта...
    16708
    3
    105
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    5482
    7
    57
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    4927
    3
    44
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    3803
    0
    39
  • «Ә мәхәббәт гомерләрдән озын...» Хәдичә хәзрәтләре үлем түшәгендә ятканда, Мөхәммәд пәйгамбәребез аның янына килә һәм хәл-әхвәлен сораша, аннан болай ди: «Хәдичә! Анда баргач, синең кыямәттә көндәшең булачак – фиргавен кызы Асия белән Мәрьямне күрерсең... Аларга миннән сәлам әйт!»
    3498
    0
    37
Реклама
Реклама
Соңгы комментарийлар
  • 24 ноябрь 2022 - 13:01
    Без имени
    Ирегез чыгып кит дигэн сузне котеп кенэ торган инде, анын чыгып китергэ дигэн уе куптэн булган, сез тизлэткэнсез генэ. Всё равно китер иде, икенче жае чыгар иде. Сез, узем куып чыгардым диеп узегезне гаеплэп яшисез. Ирегезгэ шулай жайлы булган балалар алдында да.
    «Иреңне берәүгә дә бирмә!»
  • 24 ноябрь 2022 - 09:46
    Без имени
    Хыянәтне бернәрсә белән дә аклап булмый. 40 ел үтте хыянәтенә, менә кичә булган кебек кенә. Йөрәктән китми. Кабат бәрепләр үтерәсе килә. Сез ханым, ялгыз калгансыз хәзер, шуңа кичерәсе калган, дип уйлыйсыз. Ләкин кире кайтара торган хәл түгел бит инде. Гел уйлап тагын психушкага китәсез бит. Вакытыгыз күп мени шулай?
    «Иреңне берәүгә дә бирмә!»
  • 24 ноябрь 2022 - 11:41
    Без имени
    Мин балаларым алдында нык гаеплемен шундый атай белән үскәннәренә. Аерылышу элек оят иде.
    «Иреңне берәүгә дә бирмә!»
  • 25 ноябрь 2022 - 00:24
    Без имени
    Ғәфү итергә булыр ине, әгәр ҙә ирегеҙ ғәфү һораһа, бик үкенһә,башҡа ҡабатланмаясаҡ тип һүҙ бирһә, ант итһә. Алдығыҙҙа торҙомо тубыҡланып, баш эйеп. Юҡ. Юҡ бит!!! Ул ғүмер буйы йөрөр ине, һеҙ ғүмер буйы яфаланыр инегеҙ, әле һеҙ бер ауырып алғанһыҙҙа һауыҡҡанһығыҙ, ә ирегеҙ менән йәшәһәгеҙ сәләмәтлегегеҙ ҡаҡшар ине, йөрәк ауырыулы булып ҡалыр инегеҙ. Балаларығыҙ әтиһеҙ, әммә тыныслыҡта үҫкән. Көн һайын талашлы- ыҙғышлы өйҙә йәшәү тамуҡҡа тиң булыр ине барығыҙ өсөн дә. Был осраҡта ғаиләне һаҡлап ҡалыу дөрөҫ булмаҫ ине.
    «Иреңне берәүгә дә бирмә!»
  • 23 ноябрь 2022 - 18:41
    Без имени
    Хатыннар ирлэрне кичерерхэ тиешме!
    Мин хыянәт иттем... 
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда