Мәктәп укучыларын – заводларга



Быел Татарстанда  Эшче һөнәрләр елы дип игълан ителде. Билгеле булганча,  22-27 августа Казанда һөнәри осталык  буенча  WorldSkills бөтендөнья  чемпионаты уза.  «Моннан тыш, эшче һөнәрләрне популярлаштыру максатыннан ел дәвамында төрле проектлар гамәлгә ашырылачак. Быел аларны финанслау, өч тапкырга артып, 6,25 млн. сумга җитте», – дип хәбәр итте  бүген «Татар-информ» агентлыгында узган матбугат очрашуында Хезмәт, халыкны эш белән тәэмин итү һәм социаль яклау министры  Эльмира Зарипова.  

Мәктәп укучыларына һөнәр сайларга ярдәм итәчәк  «Сәнәгать туризмы» дип аталган проект территориясе аша тимер юл узган райондагы балаларга юнәлтелгән.  Ул «Содружество» пассажир компаниясе белән берлектә гамәлгә ашырыла.  Казан, Буа, Яшел Үзән, Биектау, Арча, Саба, Кукмара, Балтач, Кайбыч, Әтнә  мәктәп укучыларын бушлай  тимер юл транспортында  завод-предприятиеләргә экскурсиягә алып барачаклар.  Соңгы елларда республикада 32 районда  һөнәр сайларга ярдәм итәчәк 88 проект тормышка ашырылган. Нәтиҗәсе дә бар:  2009 елдан башлап дәүләт  вузларында техник белгечлек буенча кабул итү өчтән бер өлешкә арткан. 

Хезмәт, халыкны эш белән тәэмин итү һәм социаль  яклау министрлыгы башка ведомстволар белән берлектә алдагы 7 елда республикага кирәк булачак һөнәрләрне барлаган. Киләчәктә 85 мең белгечлек таләп ителә. Аларның 77 % ы эшче һөнәрләренә туры  килә. 



Матбугат очрашуында катнашкан  WorldSkills Kazan проекты башлыгы  Эмиль Гобәйдуллин белдерүенчә,  22-27 августта Казанда үтәчәк чемпионатта катнашу өчен рекордлы санда гариза килгән.  Бүгенге көндә исемлектә  – 67  ил.  Бәйгедә барлыгы 57 компетенция буенча көч сынашачаклар.   

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Мәмдәлнең катлаулы гаиләсе – Өйдә сигез көн авырып ятты. Температурасы төшмәде... Шул инде, коронавирус. Балалар Казанга алып киттеләр. Сыгылып кына төшеп калдым. Төяп алып кайтсалар дим... Бик курыктым! Аннан ике операция кичерде. Әй, берсе минеке инде аның... Барыбыз да рәхәтләнеп көлешәбез.  Әмма Гөлсия апа ялгышып әйтсә дә хагын әйтте: береңнең тәне авыртканда икенчеңнең җаны авырту шушы була инде. Сулар һаваң кебек кадерлегә әйләнгән кешең бит ул...
    2118
    10
    127
  • Гөр-гөр килеп яшәү «Бар әле...» дигән эш барлыгын беләсезме? Без белми идек, Актаныш районы Пучы авылында аңлаттылар.
    3851
    5
    125
  • Дуслыкның чиге бармы? Искән җил аның күлмәген тәненә сылады да, түгәрәкләнеп килгән корсагы сизелде. Ир моны күреп, тетрәнеп китте. Ул сүз әйтә алмаслык дәрәҗәгә җитте. Хатынының корсагыннан күзен ала алмады.
    6473
    1
    64
  • Көнче киленем Берничә көннән соң Алсу миңа үзе шалтыратты. «Әни, мин өй җыештырыр идем, Булат белән урамда йөрергә килә алмассыңмы», – диде. Ярты сәгать эчендә аларның ишек төбендә идем.
    4737
    1
    51
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан