«Мисс Татарстан» кызлары Путинга кияүгә чыгарга хыяллана

Казанда «Пирамида»  мәдәни-күңел ачу үзәгендә Татарстанда елның иң матур туташын билгеләделәр. Сәхнәгә барлыгы 30 кыз чыкты. Алар Казан, Түбән Кама, Яр Чаллы, Арча, Балтач, Баулы, Бөгелмәдән иде. Иң яшь катнашучы – 14 яшьлек Казан кызы  Фәхретдинова Мәрьям. Ул буй-сыны белән генә түгел, визит карточкасында опера ариясе башкарып та, көчле тавышы белән тамашачыларны сокландырды. Мондый бәйгедә 14-15 яшьлек кызларның катнашуы матур күренеш түгел дип кабул иттем шәхсән үзем. Шуны әйтергә кирәк: «Мисс Россия» бәйгесендә 16 яшьлекләр дә катнаша алмый. Финалистлар арасында иң өлкәннәренә 22 яшь иде. Кызлар барысы да диярлек музыка, бию, спорт белән шөгыльләнгән, сәнгать мәктәбендә укыган, араларында, яшь булуларына карамастан, парашюттан сикерүчеләр дә бар. 

Сәхнә буйлап купальниктан дефиле күрсәткәннән соң, жюри иң матур буй-сынлы 10 кызны сайлап алды. Татарстан чибәре озын аяклы гына түгел, акыллы, зирәк тә булырга тиеш. Финалга чыккан туташлар бердәнбер сынау үтте. «Әйдәгез, сөйләшик» дип аталды ул. Юк, һич тә Ньютон законнары, математика-әдәбият хакында түгел иде. Ләкин читләтеп кенә сәясәтне кыстырмый калмадылар, билгеле. Бәйгедә беренче кыздан ук: «Син Порошенко, Трамп йә Путин хатыны булыр идеңме?» – дип сорады алыштыргысыз алып баручылары Михаил Волконадский. «Әлбәттә, Путинныкы. Ул – янымда күрергә теләгән ир-ат эталоны. Батыр, һәрвакыт матур киенә. Берничә тел белгәч, мин аны бик акыллы да дип уйлыйм», – диде туташ. Әнә шундый сораулар бирелде кызларның зирәклеген ачыклар өчен. Дөрес, икенче бер туташка бераз уңайсыз хәлгә калырга туры килде. Аның өлешенә төшкән сорау, кызганыч, кияүгә чыгу буенча түгел, ә Лев Лещенко җырларына кагылышлы иде. Ул: «Мин дәреслекләр белән күп утырам, җыр тыңларга вакыт юк», – дип акланды. Бәйгедә катнашучы кызларны жюри әгъзалары да сынап карады. Туризм буенча дәүләт комитеты башлыгының урынбасары Лиана Сәетова аларга анекдот сөйләргә кушса, La Primavera дәүләт камера оркестры сәнгать җитәкчесе Рөстәм Абязов музыка тирәсендәге сораулар биреп карады. Кызлар сынатмады. 

Әлеге бәйгедән соң нәтиҗәләр ясалды. Шулай итеп, «Мисс Татарстан» титулын 19 яшьлек Казан кызы Ралина Арабова яулады. Ул Казан дәүләт энергетика университетында PR белгечлеге буенча белем ала, бу бәйгедә икенче тапкыр көчен сынап караган. (Финалда беренче дефиле вакытында ук итәге төшеп кала язган кыз да шул иде. Тамашачы карап торуга карамастан, берни булмагандай, елмаюдан туктамыйча, җайлап кына итәген эләктерергә тырышкан кызга карата соклану туган иде миндә.) Ташлар белән бизәлгән таҗдан кала, аның иңенә кеш тун салдылар, кулына исемле сәгать тактылар. Моннан кала, Ралина март аенда «Мисс Россия» бәйгесендә Татарстан данын яклаячак. «Мисс Казан» титулын 21 яшьлек Дарья Лебедева алды. Ул – Казан дәүләт медицина университеты студенты. Сүз уңаеннан, залда иң күп җанатарлар да Дарьяныкы иде. Кич буе «Син иң яхшысы» дип язылган алсу төстәге зур баннер күтәреп тордылар алар. «Беренче вице-мисс» Бөгелмәдән Миләүшә Галимова, «Икенче вице-мисс» Казаннан Анастасия Торгашова булды. «Мисс тамашачылар мәхәббәте» титулын Елизавета Шлягина яулады. Шунысы кызык: ул финалга да үтмәгән туташ булып чыкты. 

Конкурсның кунагы артист, пародияләр остасы Андрей Баринов һәм музыкант, җырчы, Казан кызы, хәзер Австриядә яшәп иҗат итүче Айгюл булдылар. Михаил Волконадский: «Айгюл – бәйге сәхнәсенә чыккан беренче хатын-кыз җырчы», – дип игълан итте аны. 

Быелгы бәйгедә залда буш урыннар бик күп иде, тамашачылар кул чабарга да иренеп утырдылар. Әллә бәйге кызык булмый башлаган, әллә инде килгәннәре, кызларның чибәрлегенә карап, өнсез калып утырдылар. 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    9775
    5
    124
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    5653
    1
    77
  • 6707
    2
    46
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    7904
    1
    44
Реклама
Соңгы комментарийлар
  • 18 сентябрь 2020 - 10:15
    Без имени
    Бик матур хикэя !!! Укыйсы да бик кунелле булды !!! Эйдэ бергэлэшеп устерсеннэр инде сабыйларын .... Лэйлэ узе дэ югалтуны кичергэн бит !!!Бэхет елмайган димэк .... Бэхетлэре булсын барча балаларнын да .... Кеше бэхет очен туа,бэхетле булсын hэркем ....
    Син минем балам!
  • 18 сентябрь 2020 - 14:00
    Без имени
    Бик яхшы эсэр,бик азлар гына анлый шул язмышнын кисэтуен.Яшь чагымда ирем бн ачуланышкач,сойлэшмим дип уземэ-узем суз биреп,ярты кон сойлэшмэсэм,ике улымнын берсе нык итеп авырый башлый иделэр,температуралар бн.Шуннан сойлэшэ башлыйсын инде,уртак борчу килгэч.Купме сынадым,гел шулай була иде,аннары тэкэбберлегемне читкэ куеп,элэгешсэк тэ,сойлэшмичэ йормэдем,мин хаклы булсам,ярар,Аннан минем Бер жирем жэ кимеми дип,уземне тынычландыра идем.Бер тирэ,аерылыйм микэн эллэ дигэн уйлар да кергэлэде,аннары уйладым,этилэре балаларга минем шикелле ук якын,бигрэк тэ ир балага,этилэреннэн аерып алсам,барыбер мине гаеплэрлэр,алар да бит ир кешелэр,алга таба узем генэ доес тэрбия бирэ алырмынмы дип,барысын уйлап торып калдым.Аллага шокер,хэзер шуна соенеп бетэ алмыйм,инде 45-ел яшибез.Балалар да гаилэле,аларга гел тигезлектэ уз балаларын узлэренэ устерулэрен телим.Балалар бэхете эти-энидэн тора.
    Бала хакы
  • 18 сентябрь 2020 - 14:47
    Без имени
    Шуннан ни булды?
    Яңгыр 
  • 18 сентябрь 2020 - 15:05
    Без имени
    Фото, фото, купме хатирэ саклый. Ойгэ кайткач, экрен генэ фотоальбом алып, карап утырырга яратам. Менэ балачак, менэ усмер чак, менэ мин инде усеп житкэнмен. Бу ваеыт аралыгында ни генэ булмады, ни генэ тормышта алышынмады. Сагынып искэ аласын. Тагын бер кайтыр идем дип эченнэн генэ хыялланасын.
    Фотолар дәвалый? 
  • 17 сентябрь 2020 - 09:00
    Без имени
    БИК шэп кинэшлэр.Истэ калдырырга кирэк эле.
    Әни кешенең өйләнгән улына киңәшләре
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...