Миңнеханов: Кырыс көрәш көннәре ерагайган саен, Җиңүнең әһәмиятен аңлау арта

 Гөлнар Гарифуллина

Казанда Җиңү парады узды.

Кырыс һәм рәхимсез көрәш көннәре ерагайган саен, күңелләрдә Бөек Җиңүнең әһәмиятен аңлау хисе арта. Татарстан Президенты Рөстәм Миңнеханов Казанның Меңъеллык мәйданында Бөек Ватан сугышында Җиңүнең 74 еллыгы уңаеннан тантаналы парадта шулай дип белдерде.

Иң элек, тантанада катнашучылар РФ Президенты Владимир Путинның Җиңү көне белән котлавын туры эфирдан күзәтте. Ул күпләрнең сугышка мәктәп баскычыннан ук китеп, гаилә кору, балалар туу бәхетен күрә алмаганын билгеләп узды. Илбашы чыгышыннан соң, яу кырында ятып калган солдатлар рухына бер минут тынлык игълан ителде. Аннан соң Россия Федерациясе гимны яңгырады.
 
Җиңү бәйрәме белән тәбрикләп, ТР Президенты Рөстәм Миңнеханов мөрәҗәгать итте. “Хөрмәтле парадта катнашучылар, ветераннар, тыл хезмәтчәннәре, Казан гарнизоны гаскәрләре хәрбиләре! Сезне халкыбызның олы бәйрәме – Бөек Җиңү көне белән чын күңелдән тәбрик итәм. 9нчы май - илебезнең даны һәм горурлыгы, иң якты һәм мөһим бәйрәмнәрнең берсе, шул ук вакытта мәңгелек хәтер көне. Бәйрәм асылында халкыбызның батырлыгы, сынмас рухы, какшамас ышанычы, Ватанга, туган җиренә булган чиксез мәхәббәте ята", - диде.

Ул 74 ел элек фашизмның совет халкы бердәмлеге һәм каһарманлыгына каршы тора алмаганлыгын ассызыклады. "Җиңүгә юл бик озын һәм авыр булды. Ачы югалтулар, әрнүле үкенечләр һәр гаиләгә кагылды, йөрәкләргә мәңгелек яра салды. Без сугыштан кайтмаганнарның якты истәлеге алдында баш иябез, аларны сагынабыз. Сугыш геройлары безнең йөрәкләрдә, "Үлемсез полк" сафларында, һәйкәлләрдә һәм мемориалларда", - диде Миңнеханов.

Ул Бөек Җиңүнең 75 еллыгына Җиңү паркында Җиңүче-сугышчыга иң яхшы һәйкәл проектына конкурс игълан ителгәнен әйтте. Президент чыгышыннан соң өч тапкыр "Ура!" кычкырып, Казан гарнизоны гаскәрләре парады бшланды. Аны Казан Суворов хәрби училищесында тәрбияләнүчеләр ачып җибәрде.

Алар артыннан мәйдан буйлап Бөек Ватан сугышы фронтлары штандартларын күтәргән хәрбиләр, Казан югары хәрби команда училищесы курсантлары һәм офицерлары, РФ ЭЭМның Казан юридик институты курсантлары, кадет мәктәп-интернатларында тәрбияләнүчеләр, ТР буенча эчке эшләр органнары хезмәткәрләре һәм башкалар марш белән атлады. Парадта барлыгы 2 меңгә якын кеше, 17 берәмлек хәрби техника катнашты.

Соңыннан мәйдан буйлап ретро автомобильләр үтте. Бөтен мәйдан күмәкләшеп сугыш тематикасына җырлар башкарды. Бәйрәм балалар коллективларының чыгышлары белән дәвам иттерелде.

Казаннан Людмила Абуталипова Җиңү парадын килеп карар өчен бүген махсус бакчага бармаганнарын әйтте. "Сәламәтлек булганда, балалар, оныклар белән әле бу бәйрәмгә озак еллар килергә иде", - диде ул.

Сугыш инвалиды Гали Гарифуллин сугышка 20 яше тулыр-тулмас киткәнен әйтте. "Ярты Европаны йөреп чыктым, ике тапкыр яраландым, ләкин исән калдым. Бүген күзгә яшьләр килде", - диде ул "Татар-информ" хәбәрчесенә.

Бүгенге бәйрәм чараларына сәгать кичке 10да бәйрәм салюты нокта куячак. Һавага җибәреләчәк залплар һәммәбезгә Бөек Җиңүнең югары бәһасен искә төшерәчәк. 

Фото: Рамиль Гали

Бу хакта тулырак: https://tatar-inform.tatar/news/2019/05/09/185989/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Мәмдәлнең катлаулы гаиләсе – Өйдә сигез көн авырып ятты. Температурасы төшмәде... Шул инде, коронавирус. Балалар Казанга алып киттеләр. Сыгылып кына төшеп калдым. Төяп алып кайтсалар дим... Бик курыктым! Аннан ике операция кичерде. Әй, берсе минеке инде аның... Барыбыз да рәхәтләнеп көлешәбез.  Әмма Гөлсия апа ялгышып әйтсә дә хагын әйтте: береңнең тәне авыртканда икенчеңнең җаны авырту шушы була инде. Сулар һаваң кебек кадерлегә әйләнгән кешең бит ул...
    2119
    10
    127
  • Гөр-гөр килеп яшәү «Бар әле...» дигән эш барлыгын беләсезме? Без белми идек, Актаныш районы Пучы авылында аңлаттылар.
    3851
    5
    125
  • Дуслыкның чиге бармы? Искән җил аның күлмәген тәненә сылады да, түгәрәкләнеп килгән корсагы сизелде. Ир моны күреп, тетрәнеп китте. Ул сүз әйтә алмаслык дәрәҗәгә җитте. Хатынының корсагыннан күзен ала алмады.
    6475
    1
    64
  • Көнче киленем Берничә көннән соң Алсу миңа үзе шалтыратты. «Әни, мин өй җыештырыр идем, Булат белән урамда йөрергә килә алмассыңмы», – диде. Ярты сәгать эчендә аларның ишек төбендә идем.
    4739
    1
    52
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан