Мәдәният министы челтәрле бизнеста эшләгән җырчыларны яклап чыкты

Соңгы вакытларда матбугатта татар җырчыларының челтәрле бизнеста эшләүләре хакында   җәмәгатьчелек төрле фикерләр әйтә башлады.  Берләре аларны якласа, икенчеләре  бирелгән дәүләт исемнәрен алырга кирәк дип белдерде. Мәдәният министры Ирада Әюпова  бу вазгыятькә бәйле үз карашын  белдерде. 
«Бар җырчылар  да ирекле йөзүдә.  Артистлар рекламада да  төшә бит. Аның өчен генә аларга бирелгән дәүләт исемнәрен алырга  кирәкми. Алар ышаныч, популярлык яулаганнар, шул ышанычларын  кулланалар», – дип белдерде министр. 
Ирада Әюпова артистларның төрле товар тәкъдим итүләрен тыюны сорап министрлыкка мөрәҗәгатьләр килгәнен әйтте.  Дәрәҗәле исемнәр җырчыларның  иҗат өлкәсендәге казанышлары өчен бирелә дип белдерде. 
«Әгәр дә сүз нинди дә булса финанс пирамидасы турында бара икән,  моның өчен тиешле органнар бар, министрлыкка түгел, аларга мөрәҗәгать итәргә кирәк», – ди Ирада Әюпова.  Ул партия чикләүләре булган заман үткәннне, бары тик артистларның үзләрендә әхлакый чикләүләр булырга тиешлегенә басым ясады. «Моның өчен артистларда әхлакый кыйммәтләр булырга тиеш», – диде. 
«Реклама күргәч,  иң элек уйларга, ә торып йөгерергә кирәк түгел», – дип  киңәш итте халыкка министр. Ул артистларның авыр чор үтүләрен, аларга да акча эшләргә кирәклеген  искәртте. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    7862
    1
    101
  • 8484
    2
    56
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9500
    1
    54
Реклама
Соңгы комментарийлар
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...