ТР Президенты Указы белән һөнәри эшчәнлекләрендәге югары уңышлары, күпьеллык нәтиҗәле эшләре өчен Казан (Идел буе) федераль университеты Физика институтының теоретик физика кафедрасы профессоры Борис Кочелаев, Татарстан Республикасы Язучылар берлеге әгъзасы, язучы Мәдинә Маликова, ТР Сәламәтлек саклау министрлыгы Республика клиник онкология диспансерының эндоскопик бүлек мөдире – табиб - эндоскопист Владимир Муравьев, «Просто молоко» Идарәче компаниясе ҖЧҖ генераль директоры Марат Моратов, «Татнефть» ААҖнең В. Д. Шашин исемендәге «Әлмәтнефть» 3 нче нефть-газ чыгару идарәсенең цех операторы Илдар Суниев, «Ак Барс Буа» ҖЧҖ нең 2 нче филиалы бозау караучысы Роза Хусаинова «Татарстан Республикасы алдындагы казанышлары өчен» орденының медале белән бүләкләнделәр.
Искәртеп үтик, «Татарстан Республикасы алдындагы казанышлар өчен» ордены Татарстан Республикасының иң югары дәүләт бүләге булып тора. Аның белән гражданнар Татарстан Республикасының дәүләтчелеген үстерүдәге, гражданнарның хокукларын һәм ирекләрен тәэмин итүдәге, икътисадны, мәдәниятне, фәнне, мәгарифне, сәламәтлек саклауны, сәнгатьне һәм спортны үстерүдәге аерым казанышлары өчен, җәмәгать тәртибен саклауда батырлык һәм түземлек күрсәткән өчен бүләкләнәләр. «Татарстан Республикасы каршындагы казанышлары өчен» орденына лаек булган затлар аны күкрәкнең сул ягына тагып йөриләр, бүләкләнүчеләрнең Россия Федерациясе, СССР орденнары һәм медальләре булганда, алардан соң урнаштыралар.
сылтама:
http://tat.tatar-inform.ru/news/2015/07/08/111098/
Комментарий юк