Әлмәттә сайлау участоклары эшли башлады

Иртәнге 8 дә әлмәтлеләр дә бердәм булып сайлау участокларына килде һәм киләчәк өчен тавыш бирә башлады. Бүген Әлмәт шәһәрендә 62, районда 54 сайлау участогы эшли. Медсанчастьта һәм үзәк район шифаханәсендә дәваланучылар өчен дә участоклар ачылды.

Сайлауларда тавыш бирү хокукына 148 мең әлмәтле ия. Аларның 111 меңе шәһәрдә яши, 37617 кеше авыл җирлекләрендә тавыш бирәчәк. Сайлаучыларның 37617 се 60 һәм аннан да өлкәнрәкләр. 80 яшьтә һәм аннан өлкәнрәкләр 3832 кеше тәшкил итә, 100 яшь чиген узган 8 сайлаучы илебезнең киләчәге өчен тавыш бирәчәк.

Төбәгебезнең иң өлкән кешесе – 103 яшьлек Зарига Гөлбай кызы Шәйдуллина да сайлауларда катнашачак. Ул бүген улы белән Түбән Мактама бистәсендә гомер кичерә. Шулай ук 11107 инвалид сайлаучы буларак теркәлгән.

18 сентябрьдә шәһәр һәм район буенча беренче тапкыр 1753 егет һәм кыз гражданлык бурычын үтәячәк. Аларның дүртесенә кичә, 17 сентябрьдә 18 яшь тулды. Аларны сайлау участокларында бүләкләр белән каршы алачаклар.

Ә менә Колшәрип авылында яшәүче сугыш ветераны Нәгыймулла Гәрәев бүген, 18 сентябрьдә 100 яшен тутыра. Аның өчен бу көн икеләтә бәйрәм.

Бүгенге көннең тагын бер үзенчәлеге – сайлау участокларына килеп тавыш биргән һәр әлмәтле беләзеккә ия булачак. Бу көнне ул җәмәгать транспортында – шәһәр автобус һәм троллейбус маршрутларында бушлай йөрү мөмкинлеге бирә.

Татарстан нефтенә 60 ел исемендәге шәһәр паркында беләзек иясенә аттракционнарга сатып алган бер билетка өстәп, шундый ук бәядәге икенче билетны бушлай бирү каралган. Нефтьчеләр мәйданында иртәдән үк әлмәтлеләрне авыл хуҗалыгы ярминкәсе, концерт программалары, интерактив балалар мәйданчыклары көтә.

10.00 сәгатьтә “Яшел фитнес”, “Альметьевск рулит” балалар программасы башланып китәчәк.

10.00-17.00 сәгатьтә мәйданда туры эфирда “Желанное” радиосының күчмә студиясе эшли. Бер үк вакытта “КидСпейс” балалар белем бирү интерактив мәйданчыгы җәелдерелә. Керү бушлай, беләзеге булганнарга – чиратсыз да әле. Шәһәр һәм район фольклор коллективлары чыгышы белән беррәттән кече сәхнәдә 14.30 дан 16.30 сәгатькә кадәр төрле бию юнәлешләре буенча мастер-класслар үтәчәк, 16.30 сәгатьтә мәйданга “Танцы на ТНТ” проектында катнашучылар чыга.

Беләзек хуҗаларын 18.00 сәгатьтә Айдар Галимов һәм “Евровидение – 2008” җиңүчесе Дима Билан концерты көтә. 

чыганак - http://tatar-inform.tatar/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 29 октябрь 2020 - 12:06
    Без имени
    Алланын кахаресе тошкэн нэрсэ ул сихерчелэр йорэк бэгерлэргэ утте алар ..тэмуг кисэулэре..узлэре ясый белмэгэне ясатып кайта белмэгэне улэ бетэ интт..ан ойрэнэ ..
    «Сихер бозды...»
  • 29 октябрь 2020 - 09:35
    Без имени
    Әдәби. Әсәр шундый була ул. Кайберәүләр көнаралаш гаибәт язалар да, оялмыйча хикәя дип куялар. Укыган, талантлы кеше язган әдәби әсәр ичмасам. Рәхәтләнеп укыдым. Ике авыл хатыны көтү куганда сөйләшеп торган гаибәт тибындагы нәрсәләрне чыгармасагыз яхшы булыр иде. Менә шушындый әсәрләр чыгарыгыз!
    Умырзая
  • 29 октябрь 2020 - 17:45
    Без имени
    Уйлый белмилэрдер, Уйлый белсэлэр энилэре бауга менмэс иде.
    Үкенечләр - урман...
  • 29 октябрь 2020 - 20:22
    Без имени
    Аллага тапшырдык донья ни кадэр рэхэт булса да кешелэр каты бэгъерле
    Үкенечләр - урман...
  • 29 октябрь 2020 - 21:32
    Без имени
    Сез нигэ балаларын гына гаеплисез олы кешенен акылыда китергэ момкин бит Белмичэ кешегэ гаеп ташламагыз елауларында гаепкэ алмагыз узегезне алар урыны на куеп карагыз башта
    Үкенечләр - урман...
Реклама
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...