Әлмәттә балалар әдәбиятын пропагандалый торган урам чарасы үтә

6-10 июньдә Әлмәттә “Бяки Буки” урам әдәби фестивале үткәрелә. Бу хакта Әлмәт муниципаль районының рәсми сайты хәбәр итә.
Урам фестивален “Счастливые истории” хәйрия фонды ТР Мәгариф һәм фән министрлыгы ярдәме белән оештыра. Күренекле язучылар, шагыйрьләр катнашындагы бу мәдәни чара балалар һәм яшүсмерләргә дип каралган.Фестивальнең беренче көне Әлмәтнең балалар хастаханәсе территориясендәге паркта башланды. Биредә сабыйларга әкият сөйләделәр. Аквагрим мәйданчыгы һәм аниматорлар эшләде.
Фестивальне уздыруның икенче урыны – “Голубое озеро” санаторий-прафилакторие. Анда әдәби смена эшли башлады.
Россиянең күренекле балалар язучысы һәм шагыйрәсе Анна Игнатова билгеләп үткәнчә, фестивальдә катнашкан баланың киләчәктә каләм әһеле булып китү-китмәве мөһим түгел. “Бу – менә дигән нигез. Мин, мәсәлән, бу әдәби сменада катнашучылардан ак көнләшү белән көнләшәм, чөнки без бәләкәй вакытта мондый чаралар бөтенләй оештырылмый иде”, – диде ул.
Фестиваль кысаларында Татарстанның халык шагыйре Роберт Миңнуллин һәм язучы Артур Гиваргизов белән очрашулар, иллюстраторлар, сөйләм техникасы белгечләре катнашындагы мастер-класслар планлаштырыла. 10 июньдә Әдәбият скверында Язучылар аллеясы ачыла. “Счастливые истории” хәйрия фонды директоры Ирина Хөснетдинова сүзләренчә, конкурсларда катнашучыларның барысы да бүләкләнәчәк.
“Грамоталы булу өчен күп һәм төрле әдәбият укырга кирәк. Язучылар, шагыйрьләр белән аралашу исә китапка карата мәхәббәт тәрбияләүнең бер ысулы булып тора”, – дип билгеләп үтте ул.
Күренекле татар шагыйре Роберт Миңнуллин “Татар-информ” МА хәбәрчесенә билгеләп үткәнчә, телне, әдәбиятны, бигрәк тә балалар әдәбиятын пропагандалый, укучыларга җиткерә торган чараларның барысы да мөһим. Аларның формасы төрле булырга мөмкин. Урамда уздырыламы ул, бинадагы залдамы – анысы алай ук мөһим түгел. Балалар файдасына булса, - уздырырга кирәк, дип саный ул.
“Без яшь чакта районнарга, авылларга бик еш бара идек. Иң элек фермага барып, савымчылар, терлекчеләр белән, җәен кырга чыгып, комбайнчылар, механизаторлар белән очрашабыз. Мәктәпләргә барып, укучылар белән дә аралашырга өлгерәбез”, – дип искә алды шагыйрь яшьлек елларын.
Роберт Миңнуллин әйтүенчә, халык арасында әдәбиятны популярлаштыруга юнәлтелгән чаралар элек тә бар иде, хәзер дә еш уздырылып тора. Мисал итеп ул Казанда үткәрелгән “Әдәби ишегалды” проектын китерде. “Аларның берсенә үземнең дә барып кайтканым бар. Әмма мин анда чыгыш ясамадым, читтән күзәтеп кенә тордым. Халык бу чарага күпләп җыела. Тыңлыйлармы-юкмы – анысы инде икенче мәсьәлә”, – диде агентлык әңгәмәдәше.
чыганак
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
Гомеркәйләр бик кыска (хикәя)
-
Галош язмышымны хәл итте Балачактан ук әкиятләр яратмыйм. Ышанмыйм да. Әмма тормышың әкият сценариесе ,буенча баргач, ышанмый хәл юк икән...
-
Җандагы төер Мәрйәм кебек быел зарыгып кыш килгәнен көткән кеше бар микән? Юктыр!
-
Ирем ярым түгел... Ашыгып кияүгә чыкканыма иманым камил иде. Иремә барысын да әйтәм дә, аерылам...
Соңгы комментарийлар
-
18 гыйнвар 2021 - 10:47Без имениЗур рәхмәт хикәямне яратып укыганыгыз , фикерләрегез өчен! Сөембикә журналына шушы форсатны биргән өчен икеләтә рәхмәт!Җандагы төер
-
18 гыйнвар 2021 - 05:24Без имениУпкынга бер адым.Ихтирамга лаеклы гаилә.Сабырлык һәм аң.гаилә җылы оя гына түгел.Аның тәлабе-һәр әгъза үзенең өстендә ныклап эшләү.Ирем ярым түгел...
-
18 гыйнвар 2021 - 07:00Без имениАвыр кайгыларны кутарерга Аллах туземлек бирсен, жанкайлары жаннат а булсынӘнвәр Нургалиев гаиләсендә зур кайгы
-
18 гыйнвар 2021 - 07:37Без имениӘнвәрне бәхетле итәр өчен үзеңне аның өчен саклый белергә кирәк иде.Тиң ярым һәрвакыт янымда булган
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.