Әлфия Авзалова: «Мин халкыма ачык»

20 сентябрьдә Яңа татар бистәсе зиратындагы күренекле татар җырчысы Әлфия Авзалова каберенә таш куелачак. Ачылу тантанасы — 10.00 сәгатьтә. Кабер өстенә куеласы таш сәхнә рәвешендә эшләнгән һәм анда җырчының образы сурәтләнгән. Һәйкәлнең скульпторы – Фәнил Вәлиуллин. Әлфия Авзалова яшәгән йортка куелган истәлек тактасын да ул ясаган иде.

Әлфия Авзалованың исемен мәңгеләштерүгә һәм иҗади мирасын саклауга юнәлтелгән эшчәнлек белән журналистларны җырчының кызлары һәм җырчы исемендәге фонд вәкилләре таныштырды. Әлфия Авзалованың иҗатын саклау һәм үстерү фонды легендар җырчының вафатыннан соң кызлары тырышлыгы белән оештырылган иде. Фондның президенты – Зөлфия Авзалова-Нигъмәтҗанова.

Зөлфия Авзалова-Нигъмәтҗанова әйтүенчә, кабер өстенә куеласы һәйкәл-таш җырчы үзе васыять итеп калдырганча итеп ясалган. «Әни 25 ел дәвамында мин Казанга кайткан саен табын артына утыргач җентекләп безгә васыятьләрен җиткерә иде. Кайткан саен озату мәрасимендә киертеләсе һаман да шул бер күлмәген күрсәтте. «Зиратта мин менә шулай басып тора торган урын табыгыз. Мине халкым күреп торсын. Мин халкыма ачык», – дия иде. Без әни сүзләренә туры килә торган, кешегә күренә торган урын сайладык. Әлегә барысы да ул әйткәнчә бара», – ди Әлфия Авзалованың кызы.

Реклама

Фондның тагын бер зур эшчәнлеге — «Әлфия Авзалова» дип аталган затлы китап чыгарылды. Хәзер ул рус һәм инглиз теленә тәрҗемә ителә.

Фонд тарафыннан Әлфия Авзалова исемендәге халыкара фестиваль дә үткәрелде. Октябрь аенда аның икенчесе старт алачак һәм ул Татарстан районнарына экспедиция форматында үткәреләчәк. Фестивальнең гала-концерты 2020 елның көзенә планлаштырылган.

Фондның киләчәк планнарына килгәндә, Казанда Әлфия Авзалова исемендәге сәнгать үзәге ачылырга мөмкин. «Без Әлфия Авзалова исемендәге мемориаль сәнгать үзәге турында хыялланабыз. Бу үзәктә мастер-класслар, тематик кичәләр уздырылыр иде. Үзәкнең бер өлеше музей булачак. Без анда әнинең костюмнарын, музыкаль аппаратурасын, ул җырлаган микрофоннарны куяр идек», — дип хыяллана җырчының кызы.

Фото: ТИ. Салават Камалетдинов

Ошый
Поделиться:
Комментарийлар (0)
Cимвол калды:
Хәзер укыйлар
  • 4811
    4
    159
  • ТУГАН ЙОРТ БУСАГАСЫ  Җиңел велосипедының бер як мөгезенә аскан авыр сумкасын йорттан-йортка йөри-йөри бушатып бетергәч, Гүзәлия өенә табан атлады. Замана үзгәрү белән, кеше белән кеше арасындагы элемтә чаралары арта бара...
    6476
    7
    148
  • 6709
    5
    114
  • Бәхет шәүләсе ​​​​​​​Тиранның төрлесе була. Кул күтәреп, җәберләп кенә торучыны түгел, кешене рухи яктан басып, иреген чикләп яшәүчеләргә карата да әйтелә ул. Карап торышка менә дигән ир, кайгыртучан әти дип уйларлык кешеләр дә гаиләдә тиран булып чыгарга мөмкин.
    5232
    4
    90
Соңгы комментарийлар
  • 19 гыйнвар 2020 - 13:10
    Без имени
    Мин татар телендэ укып чыктым! Бик эйбэт хикэя!!!
    Җизнәй
  • 19 гыйнвар 2020 - 13:10
    Без имени
    Ни русча ни татарча тугел анлап булмый
    Җизнәй
  • 19 гыйнвар 2020 - 13:10
    Без имени
    Миңә оҡшаны һеҙгә уңыштар.
    ТУГАН ЙОРТ БУСАГАСЫ
  • 19 гыйнвар 2020 - 13:10
    Без имени
    Биктэ дэрес эшлэгэн кыл булып ис Энлеген бетереп газап чигеп.
    Бәхет шәүләсе
  • 19 гыйнвар 2020 - 13:10
    Без имени
    Искиткеч
    Җизнәй
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...