Латвия башкаласы Рига шәһәрендә Сабан туе үтте

Ригадагы Сабан туена Латвиянең үзеннән, Эстония һәм Литвадан 200ләп кеше җыелган иде. 

Сабан туе мәйданын Латвиянең милли-мәдәни җәмгыятьләр ассоциациясе бинасы янәшәсендәге паркта оештырганнар. “Бәйрәм милли рухта үтте, җыелган халык бик теләп уеннарда катнашты, аралашты. Бәйрәмгә 200ләп кеше җыелды, шуларның дүрттән бер өлеше Эстониядән һәм Литвадан килгән кунаклар иде. Казаннан да кадерле 2 кунагыбыз бар иде – Татарстанның халык артисткасы Римма Ибраһимова һәм якташыбыз, Халыкара конкурслар лауреаты Лилиана Газизова”, - дип хәбәр итте Латвия татарларының “Идел” җәмгыяте рәисе Ринат Ахун. Шунысын да искәртү кирәк: татар халкының милли бәйрәмендә җирле латыш халкы да теләп катнашкан. 

Ригада быелгы Сабан туе Татарстан һәм Латвия республикаларының Мәдәният министрлыклары, Латвия татарларының “Идел” җәмгыяте, Башкорт корылтае көче белән оештырылган.

Латвиягә татарлар Бөек Ватан сугышыннан соң килеп туплана башлый. Аларны бирегә Россиянең үзәк төбәкләреннән чакырталар һәм аларга Балтыйк буеннан Себергә сөрелгән крестьяннарның җир биләмәләрен бирәләр. Татар кешеләре шулай ук Латвиянең төрле сәнәгать предприятиеләренә эшкә килгән белгечләр арасында да күп була. Татарлар биредә үз җәмгыятьләрен төзиләр, рәсми рәвештә ул 1988 елда теркәлә. Хәзерге вакытта Латвиядә 3 меңләп татар кешесе яши.

Фотоларда — Сабан туе мәйданына чакыру баннеры; Татарстанның халык артисткасы Римма Ибраһимова һәм Латвия татарларының халык ансамбле кызлары.

сылтама

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    7848
    0
    81
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7149
    2
    72
  • Кайту Безне ташлап киткән иремнең сөяркәсе шалтыратты...
    6033
    2
    39
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3431
    1
    38
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    3792
    1
    37
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда