Куркыныч «незамерзайкалар»

Үзегезнең дә игътибар иткән бардыр: көннәр суыта башлау белән, юл буйларына әрдәнәләп 5 литрлы пластик шешәләр өеп куялар. Шешедәге зәңгәр төсле сыекча – салкында машиналарның тәрәзәсен юу өчен кулланылучы сыеклык. Бәясе дә арзан гына – 100-150 сум. Автомобиль йөртүчеләр бик рәхәтләнеп сатып ала аларны. Яратмыйча, исе дә артык кискен түгел, арзан да.

Ә бит составында метил спирты булган бу сыекчаларны Россиядә сату гомумән дә тыелган. Метил спирты – организм өчен бик көчле агу санала. Аның тагын бер мәкерле үзлеге – ул организмда туплана килә. 50 мл метанол эчкән кеше сукырая, ә инде организмга 100 мл метанол керсә, ул үләчәк. Машинасына метаноллы сыекча салган кеше озак вакыт дәвамында аның парын иснәп, сәламәтлегенә зыян китерә.

Россиянең Татарстан буенча кулланучылар күзәтчелеге органы тикшергән бериш үрнәкләрдә метанол күләме тиешле нормадан 58, ә кайсыбер очракларда 902 (!) тапкырга артык булып чыккан.

Мәсәлән, «Super Tech» -30°С (яшел төстә, этикеткасында җитештерүче адресы: 601108, Владимир өлкәсе, Петушки районы, Новое Аннино авылы, Центральная урамы, 22 нче йорт) сыеклыгында метанол нормадан 902 тапкыр артык дип табылган. Аны Апастагы хосусый эшмәкәр Н. В Фәйзуллинның «Автозапчасти» кибетендә сатканнар.

Инде хәзер нинди сыеклык сатып алырга, яхшысын ничек аерырга дип сорау бирүчеләргә җавап шул: сатып алганчы, составын ныгытып укырга кирәк. Анда метил спирты түгел, изопропанол булырга тиеш. Дөрес, аның исе үтә дә зәһәр, бәясе дә бар (5 литрлы сыеклыкта метанолның үз бәясе 25-30 сум булса, изопропанолның шундый ук шешәдәге үз бәясе генә дә 100-150 сум). Искә һәм тәмгә дә этил спиртыннан берни белән да аерылмаган метил спиртыннан үзгә буларак, изопропанолны ни тәҗрибәле эчкечеләр дә эчә алмый, коточкыч тәмсез.

Фотода: Татарстан территориясендә сатудан алынган иң куркыныч тәрәзә югычлар.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    8426
    1
    108
  • 8872
    2
    58
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9837
    1
    55
Реклама
Соңгы комментарийлар
  • 30 сентябрь 2020 - 09:42
    Без имени
    Шамсия ярата белмэгэн,анламыйда яратунын ничек булганын.
    Парлы ялгызлар
  • 30 сентябрь 2020 - 15:34
    Без имени
    Аңлашылмады. Ире белән язылышмыйча яшәгәннәрмени? ЗАГСка барабыз дигән.
    Күз белән каш арасы...
  • 30 сентябрь 2020 - 16:46
    Без имени
    Ике тиле...
    Парлы ялгызлар
  • 29 сентябрь 2020 - 20:37
    Без имени
    Шундый матур язылган!Укыйсы да укыйсы гына килэ!
    Яшел кар
  • 28 сентябрь 2020 - 10:18
    Без имени
    Гел белмэсэ бик эйбэт. Бер ачуланышканда йорэк озгеч сузлэр ишетэсегез килмэсэ белдермэгез. Иргэ таянган иделгэ таянган дилэр. Таяк та бер ата. Гомер озак.
    Аналыгыңны алганнарын иреңә әйтергәме, юкмы?
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...