​«Халык контроле»нә ышаныч арта


Быел әлеге системага килгән мөрәҗәгатьләр саны узган елның шушы чоры белән чагыштырганда 27 процентка арткан. Димәк, югарыдагылар халык авазын ишетә.  

Торак-коммуналь хуҗалыгы өлкәсенә багышланган утырыш вакытында Россия президенты Владимир Путинга да «Халык контроле» системасы  тәкъдим ителде. Ул халык мөрәҗәгатьләре өчен иң нәтиҗәле интернет-мәйдан дип бәяләнеп, бу тәҗрибәне башка төбәкләргә дә тарату бурычы куелды. Татарстанда халык контроле инде җиденче ел эшли. Системада 60 мең кулланучы теркәлгән. Көн саен 263 мөрәҗәгать килә. Быелның беренче ярты еллыгында 39 меңнән артык халык гозере килгән. Аларның 28 меңе хәл ителгән.  

Дөрес, килгән мөрәҗәгатьләрнең 32 проценты кире кагылган. Бүген Министрлар Кабинетында узган брифинг вакытында Татарстан Республикасы элемтә һәм мәгълүматлаштыру министры урынбасары Илнур Зарипов моның сәбәбен хаттагы фотоларның сыйфаты начар булуы, шул ук проблеманың икенче кат җибәрелүе яки бер хатта  берничә тема күтәрелүе белән аңлатты. Аның сүзләренчә, системага дәгъвалар җибәрү буенча республика шәһәрләре актив. Ә менә Теләче, Кайбыч, Әтнә, Апас, Спас районнарыннан мөрәҗәгатьләр бик сирәк килә икән. Моны Татарстандагы кеше хокуклары буенча вәкаләтле вәкил Сәрия Сабурская мәсьәләләрнең урыннарда ук хәл ителүе белән аңлатты. Халыкны борчыган иң көнүзәк проблемалар төзекләндерү, юллар, торак-коммуналь хуҗалыгы өлкәләренә кагылышлы. Шулай ук законсыз алкоголь сату буенча мөрәҗәгатьләр дә еш килә.  

Системада яңа бүлекләр дә булдырылган. Хәзер цифрлы телевидение, диспансеризация, социаль куркыныч хәлдә яшәгән гаиләләр буенча да мөрәҗәгатьләр җибәрергә була. Сәрия Сабурская белдерүенчә, килгән мөрәҗәгатьләрнең 71 проценты уңай хәл ителә. Дөрес, кайберләрен үтәү өчен берничә ел да таләп ителә. Бигрәк тә, юллар буенча. Бу финанслау белән бәйле дип аңлатты вәкаләтле вәкил.  

Килгән хатлардагы проблемаларны вакытында хәл итүне контрольдә тоту өчен тикшерү органнары хезмәткәрләре дә ярдәм итәчәк. Бу уңайдан прокуратура белән килешү төзелгән. Димәк, эшләрбез дип буш вәгъдәләр биргәнче, җирлектәге җитәкчеләргә  йөз тапкыр уйларга кирәк булачак.   

 

Реклама
Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 22 июль 2019 - 17:07
    Без имени
    Бу булган хәл.Берничә ел элек алар турында журналда басылып чыккан иде.Фатыйма белән Тәүфыйкның фотолары да бар иде.Икесе дә бик матурлар,Тәүфыйк озын буйлы егет,ә Фатыйма кечкенә буйлы иде.Язучыга рәхмәт!Тәүфыйкның язмышы гына билгесез.Үз илендә исән-имин гомер итүенә ышанасы килә.
    Акбалам
  • 22 июль 2019 - 17:07
    Без имени
    Эх, кеше хәлен кеше белми, үз башына төшмәсә. Ходай сабырлык бирсен. Сиңа әле яшәргә дә яшәргә. Үзеңне дә сакла бераз, балам.
    Ул яшәргә тиеш иде!
  • 22 июль 2019 - 17:07
    Без имени
    Тау белән тау очрашмаса да кешеләр очраша. Абыйсы бигрәк вак җан булган.
    Сатылган кыз
  • 22 июль 2019 - 17:07
    Без имени
    Бик начар эшлэгэн ана кеше, уз баласын ана булудан мэхрум иткэн. Устергэн булырлар иде, кеше сэйли дэ оныта бит ул. Э бала ятим кала, энисе эчен улгэнче йэрэк ярасы бит! Башка бала да алып кайта алмавы да бик кызганыч!
    Ул бик бәхетледер...
  • 22 июль 2019 - 17:07
    Без имени
    Рушания! Сезнен акыллы фикерегез мине хикэядэн дэ катырак тетрэндерде. Нинди акыллы сузлэр!!! Алла ярдэм итсен шул юлга тарыган хатын-кызларга, рэхмэтеннэн ташламасын, яраббым.
    Яшәү, үлем... икесе бер сукмак
Реклама
Балачак – уйнар чак...