Кем җиңәр: чын футболчылармы, әллә халыкмы?

Футбол яратучы ике тәвәккәл егет – Эдуард Әхмәдов белән Никита Якушов быел җәй, «Безнең илдә футбол барлыгын барыбер раслаячакбыз!», – дип, «Халык командасы» дигән проект башлаган: гади халыкны футбол буенча Россия җыелма командасына каршы уйнарга чакыралар алар.

Егетләрнең бу видеомөрәҗәгатен бер атна эчендә 7 миллион кеше карый! Социаль челтәрләрдә аларны хатка күмәләр! Эдуард белән Никитаның үзләре өчен дә көтелмәгән хәл була бу.

Инде проект бик зур вакыйгага әйләнергә тора. Әлегә сайлап алу турлары бара. Аның беренчесе Волгоград шәһәрендә узган. Һәм анда 200ләп кеше катнашкан! Экспертлар төркеме иң яхшы 22 футболчыны сайлап алган – алар халык җыелма командасында уйнаячак кандидатлар исемлегенә кергән. Экспертларның берсе – атаклы тренер Равиль Сабитов: «Футбол кырына чыккан егетләрнең күзләре янып, очкынланып тора. Сөендем! Мондый хәл зур спортта нигәдер соңгы вакыт күренми», – дигән.

«Халык командасы» бу көннәрдә Казанга да килеп җитте: проектта катнашырга теләк белдерүчеләр арасында казанлылар да шактый. 14-16 октябрь көннәрендә сайлап алу турлары Татарстанның башкаласында, «Трудовые резервы» стадионында узачак. 14 яше тулган һәркем үзенең осталыгын, җитезлеген күрсәтә алачак.

«Кечкенәдән туп тибәргә яратып, футбол белән чын-чынлап мавыгып та, зур спортка кереп китә алмаган егетләргә үзләрен күрсәтергә менә дигән мөмкинлек бу!» – диләр проект авторлары. Футбол буенча Россия җыелма командасының уены аларга түләнгән хезмәт хакына тәңгәл килми дип саный алар. «Ил данын якларлык талантлар исә бездә, һичшиксез, бар», – ди Никита белән Эдуард.

Ә җыелма команда – профессиональләр яңа проект турында ни диләр? «Алар безнең белән уйнарга каршы түгел», – ди егетләр.

Сайлап алу турлары унга якын шәһәрдә узарга тиеш. Февраль ахыры-март башында беренче тренировкалар башланыр дип көтелә. Калганын – киләчәк күрсәтер! 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    7993
    1
    110
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    6599
    1
    101
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5130
    4
    76
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4295
    6
    47
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    7567
    2
    45
Реклама
Соңгы комментарийлар
  • 2 март 2021 - 22:12
    Без имени
    Гомер ул бер генэ, Килми ул гел генэ. Син анын, кадерен бел генэ.! Марат С.Н.
    Карындашым – көндәшем 
  • 2 март 2021 - 20:39
    Без имени
    Деградациянең аргы ягы.Ир күрдем дип балаларыңны ничек эт көненә төшерергә мөмкин.
    ​ Кире кайтарып булса...
  • 2 март 2021 - 21:14
    Без имени
    И бала китапларга язар лык.нилэр кылдынн?!? БИК яшьсен,...
    Ришат Төхвәтуллин турында китап чыгачак
  • 2 март 2021 - 12:28
    Без имени
    Икесенең дә беренче никахлары булган ир белән хатын гына кавыша диләр шул ахирәт дөньясында.
    Вәгъдә йөзеге
  • 2 март 2021 - 15:10
    Без имени
    Әйе, шөкер, Рәисә исән-сау. Карап торырга бер дә көчлегә охшамаган ул... Әмма тормышта аңа бик күп сынаулар узарга туры килә... Уза ул аларны... Лаеклы уза... Сабыр, көчле, тәвәккәл ул бүген дә...
    Буран эчләрендә буран
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...