Казанлылар кан тапшырды

Казанның бер күңел ачу үзәге янындагы мәйданда һәр теләгән кеше кан тапшыра алды. Биредә килеп туктаган махсус мобиль комплекс янында иртәдән үк шактый кеше тезелгән иде. Әлеге чараны оештыруда “Президент белән бергә” хәрәкәте активистлары да катнашкан. Чиратта торган арада халык күңелле уеннарда һәм конкурсларда катнашты, җанлы музыка ритмнарына хәрәкәтләнде,  кайберсе хәтта сәхнәгә менеп биеде, җырлады да.

14 июнь көнне Бөтендөнья донор көне билгеләп үтелә. Казанда шәһәркүләм акцияне бераз иртәрәк уздырырга булганнар. Әлеге чара – “Президент белән бергә” хәрәкәтенең чираттагы инициативасы.

- Хәрәкәт активистлары мондый чараларны беренче генә тапкыр оештырмый. Шул исәптән без күп кенә хәйрия, социаль мөһим акцияләр уздырдык. Бүген һәр татарстанлы бирегә килеп “Мин-Донор” проектына үз өлешен кертә ала. Моның өчен берничә шарт үтәлүе генә кирәк иде – кан бирүче үзе белән паспорт алырга, аңа 18 яшь тулган булырга тиеш, - дип сөйләде “Мин - ТР доноры” проекты җитәкчесе, “Президент белән бергә” хәрәкәте әгъзасы Марат Исмәгыйлов.

Мобиль станция — стационардагы кебек үк кан тапшыру өчен барлык мөмкинлекләр тудырылган комплекс. Татарстанда ул 2009 елдан бирле эшли һәм Татарстанның барлык районнарын колачлый. Кан алучы шәфкать туташлары сүзләренчә, машина бер дә эшсез тормый: төрле предприятиеләрдә һәм оешмаларда бик еш булалар икән.  Кечкенә генә “бүлмә”ләрдә кан тапшырырга килүчеләр башта табиб тикшеренүе уза, анализлар бирә һәм шуннан соң гына чикләүләр булмаса, алардан кан алына. Барлыгы исә бүгенге акциядә 100гә якын кеше донор булыр дип ниятләнгән иде.

Кан тапшырырга килүчеләрнең күбесе яшьләр, нигездә, студентлар булды. Күбесе өчен бу - беренче донорлык тәҗрибәсе. Әмма араларында балалары, оныклары белән килгән өлкән кешеләр дә бар иде. Шул рәвешле алар үз үрнәкләрендә үсеп килүче буынны да тәрбиялиләр.

- Мин үз гомеремдә бүген беренче тапкыр кан тапшырам. Дусларым бу бик куркыныч дип, кисәтеп куйган иде. Әмма барысы да бик әйбәт узды. Кан тапшыргач хәтта үз-үземне тагын да яхшырак хис итә башладым, кәефләр күтәрелеп китте.  Акцияне оештыручылар күңел ачу чараларын да кайгырткан бит. Дусларым белән рәхәтләнеп аралашабыз, бу көн истә калсын өчен фотобудкада фотога да төштек, өстәвенә бүләкләр дә бирделәр. Кан биреп карарга теләк инде күптән бар иде, әмма моңа кадәр бу шүрләтә иде. Моннан соң барлык акцияләрдә катнашырга ниятлим, - дип сөйләде Икътисад, идарә һәм хокук институтында белем алучы Расил Гәрәев.

Һәр кан бирүчегә йөрәк формасындагы шарлар өләштеләр, шулай ук алар йөрәкле сувенир брелоклар иясе булды. Һәм инде,әлбәттә, алар өчен чып-чын бәйрәм мохитенә чумып, өйләренә күтәренке кәеф белән таралышты.

сылтама: http://intertat.ru/tt/society-tt/item/45294-kazanlyilar-kan-tapshyirdyi.html

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    14062
    1
    83
  •  Гомер бер генә килә 8 6 нчы палатага күчтәнәчләр салган пакетын күтәргән таныш булмаган хатын-кыз килеп кергәч, барысы да тын калды. Бибиниса апа ятагына утырган килеш пычак белән кискәләп алма ашый иде. Палатага килеп кергән затлы ханым Бибиниса апада да гаҗәпләнү катыш кызыксыну уятты: бер мәлдә алма кабыгы тамагына тыгылды бугай, очкылык тота башлады.
    9086
    6
    68
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    10431
    1
    57
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    4997
    3
    45
Реклама
Соңгы комментарийлар
  • 26 гыйнвар 2023 - 11:48
    Без имени
    Рэхмэт сезгэ! Елый елый укыдым. Кире кайтмыйлар шул. Исэн чагында кадерен белеп бетереп булмады.
    Синсез рәхәт түгел, әни...
  • 26 гыйнвар 2023 - 14:53
    Без имени
    Тормышта нинди хэллэр очрамый! Рэхмэт!
    Сабырлык чиге 4
  • 26 гыйнвар 2023 - 17:37
    Без имени
    Танышым икенче баласын 40 тирэсендэ тапты. Тоже 1 яичнигы гына. Шатланып, яратып устерэлэр. Эгэр таба алсагыз табыгыз, баласы кеше чын яратуны белми дип уйлыйм.
    Бала кирәкме миңа?
  • 26 гыйнвар 2023 - 19:34
    Без имени
    Бик тә фәһемле,күңелләрне нечкәртерлек шигырьләрегез өчен сезгә зур рәхмәт.Иҗат чишмәгез саекмасын,киресенчә,язгы ташкыннардай ургылсын
    Җанымның бураннары
  • 25 гыйнвар 2023 - 10:45
    Без имени
    Балалар - ул яратып туймаслык Ходай бүләкләре, Аларның йомшак нәни куллары, матур елмаюлары, "әни, мин сине яратам" диюләре дә күңелгә әйтеп бетергесез рәхәтлек бирә бит, тормышка ямь өсти. Табыгыз бер бала, үзегезгә иптәш булыр, әти-әниегезнең ялгышларын кабатламыйча үстерегез, үзегезне шушы бәхеттән мәхрүм итмәгез.
    Бала кирәкме миңа?
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр