Казанда «Сәнгатьләр төне» акциясе уздырыла

3 ноябрьдә Казанда «Сәнгатьләр төне»/«Ночь искусств» Бөтенроссия акциясе уздырыла. Аның кысаларында берьюлы берничә мәйданда төрле күргәзмәләр, мастер-класслар, иҗади очрашулар, квестлар һ.б. мәдәни чаралар оештыру ниятләнә.
Аерым алганда, бу көнне Татарстан Республикасының Милли музее ишекләре 10.00дән 22.00гә кадәр ачык була. Музейга килүчеләрнең күңелен башкаланың җыр һәм бию коллективлары күрәчәк. Н.И.Фешин исемендәге Казан сәнгать училищесы педагогларының күнчелек сәнгатенә багышланган «Милли бизәкләр» дигән темага мастер-класс үткәрүе көтелә. Шулай ук Милә Нуруллинаның «Россия чәчәкләре» мастер-классында катнашу мөмкинлеге бар. 14.00дә татар шигъриятен сөючеләр өчен шагыйрь Роберт Әхмәтҗановның тууына 80 ел тулуга багышланган әдәби салон ачыла. 18.00дә исә «Ожившая экспозиция» дип аталган театральләштерелгән экскурсия оештырыла.

Шул ук көнне 18.00дә «Сәнгатьләр төне» бөтенроссия акциясе кысаларында «Казан Кремле» музей-тыюлыгының «Эрмитаж» үзәгендә «Ночные байки рыжего кота» чарасы уздырыла. Аның программасы проза, шигърият, җыр, бию кушылмасыннан гыйбарәт. 19.00дә «Кол Шәриф» мәчетендәге Ислам мәдәнияте музеенда исә мөселман киемнәре коллекциясе тәкъдим ителә.

сылтама: http://tat.tatar-inform.ru/news/2015/11/02/115178/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан