Казанда "Super Tatar" төркеменең тәүге альбомы киң җәмәгатьчелеккә тәкъдим ителде

Төркем Татарстан, Германия, Финляндиядә - өч илдә гомер итүче татарларны берләштергән


11.05.2016 Казанда "Смена" заманча мәдәният үзәгендә Россия, төгәлрәге, Татарстан, Германия, Финляндиядә - өч илдә гомер итүче татарларны берләштергән "Super Tatar" музыкаль төркеменең Финляндиядә яздырылган дебют альбомын тәкъдим итү чарасы булды.

Концерт кичке 7дә генә башланырга тиеш булса да, тамашачылар мәдәният үзәгенә инде 6 тулып киткәч үк күренә башлады. Күбрәк яшьләр җыела торган урында урта һәм олы яшьтәге тамашачыларны да күрү чарага булган кызыксынуның ни дәрәҗәдә икәнен дәлилләүче факт иде. Концертны карарга килүчеләр арасында җырчылар Зәйнәп Фәрхетдинова, Алия Исрафилова, Артур Минһаҗев, Чиләбе Татар конгрессы башкарма комитеты җитәкчесе Елена Колесникова да күренде. Шулай ук, төркем әгъзаларының берсе - Муса Маликовның әти-әнисе - танылган җырчылар Рөстәм һәм Гүзәл Маликовлар, энесе - 13 төр музыка уен коралында уйный белгән Гайсә дә тамашада кунак булды.

Альбомны тәкъдим итү "Yummy" төркеме чыгышы белән башланып китте. Алар башта инглиз телендә 3 җыр башкарганнан соң, Һади Такташ сүзләренә язылган "Урман кызы"н, Габдулла Тукайның "Иртә" шигыренә язылган җырны тамашачылар хозурына тапшырды. Һәм, ниһаять, сәхнәдә "Super Tatar" төркеме пәйда булды. Концерт программасын алар "Сөясеңме дип ник сорыйсын?" җыры белән башлады. Аннан соң яңгыраган "Әзерме син, туганым?" композициясе Аллаһтан аерылмаска, Аңа рәхмәт укырга өндәде. Җырчыларга кушылып, тамашачылар да "Лә иләһә илләллаһ, Мөхәммәде рәсүлуллаһ", дип кат-кат кабатлады.

Бу кичтә Финляндиядә яшәүче татарлар арасында 30-40 еллар буе җырланган күп җырлар яңгырады. Аларга музыкантлар заманча аранжировкалар ясаган. Шуларның берсе - "Ак каен" җыры. "Умырзая" җырын инструменталь башкару тамашачылар күңеленә аеруча хуш килеп, артистларны алкышларга күмделәр. Финляндия татарларында аеруча популяр булган "Сара" җыры, "Көтәрсеңме мине" композицияләре шулай ук тамашачы күңеленә хуш килде.

Муса Маликов мәшһүр җырчы, профессор Зилә Сөнгатуллинага багышлап язган "Китмә әле" җырын башкарды. Җырның сүзләрен Флера Тарханова язган. Халык кйләреннән поппури, "Еракта идек без" тамашачыларны тагын да "кыздырды". Төркем әгъзасы Дәниз Бәдретдин язган "Кызым Зарифә" җырын алар кызлары булган барлык  әтиләргә багышлады. "Эльмира" җырын ул, эротик җыр, дип тәкъдим итте.

Гомумән, артистларның һәр чыгышын тамашачылар көчле алкышлар белән каршы алды. Моңа кадәр төркемнең альбомы белән 9 майда Хельсинкида яшәүче милләттәшләребез танышкан иде. Казан тамашачысыннан соң, төркемнең альбомы Мәскәүдә дом на Патриарших дип йөртелгән Мәдәният үзәгендә 14 майда киң җәмәгатьчелеккә тәкъдим ителәчәк.

"Super Tatar"лылар инде клип та әзерләп өлгергән. "Бик еракта идек без" җырына язылган клип Хельсинки янындагы урманнарда, сулыкта төшерелгән, режиссеры - Илшат Рәхимбай. "Клипны Габдулла Тукайга һәм, төрле сәбәпләр аркасында, моңлы сазларыннан китеп, еракта яшәргә мәҗбүр калган, бөтен дөнья буенча таралып яшәүче милләттәшләремә багышлыйм", - дип, И.Рәхимбай үзенең фейсбуктагы битендә теркәп куйган.

Аерым алганда, төркемне Финляндия татары Дәниз Бәдретдин җыйган, составында клавишалы музыка уен коралларында һәм саксафонда уйнаучы казанлылар Муса Маликов, скрипкачы Иркә Гайнемөхәммәтова, бас-гитарачы Илнар Фатыйхов, барабанчы Тимур Сапаров бар. Музыкантлар үзләрен "SUPER TATAR Rhythm & Etno Band" дип йөртә.

Белешмә өчен. Дәниз Бәдретдин узган гасырның 60 нчы елларыннан ук музыка дөньясында гизә, гитарачы һәм вокалист, "Bashkarma" төркеменә нигез салган, соңрак ул Казанның "Акт" төркеме музыкантлары белән таныла - KGB проекты.

Казан егете Муса Маликов узган гасырның 90 нчы елларында ук үзеннән зур гармунда уйнап, җырлап, бәләкәй йолдыз булып танылган егет. Аны татарның Робертино Лореттие дип атадылар. Саксафон, родес (электромеханик музыка уен коралы), фортепиано, вокал - аның стихиясе. Музыкант, җырчы, композитор буларак иҗади хезмәтләре шактый. Германиядә дирижер булу теләге белән озак еллар музыкаль белем эсти.

Илнар Фатыйхов - "Yummy Music Band" һәм "Һава торышы" проектлары буенча билгеле музыкант.

Иркә Гайнемөхәммәтова Казан клубларында скрипкачы һәм җырчы буларак мәгълүм. 
сылтама: http://tat.tatar-inform.ru/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1475
    22
    185
  •  Алиментка бирсәң...  Мине әнием тәрбияләп үстерде. Миңа 3 яшь булган вакытта, әти башка хатынга өйләнгән. Ничек кенә авыр булмасын, әни зарланмады, сыкранмады.
    5807
    4
    77
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5113
    2
    70
Реклама
Соңгы комментарийлар
  • 14 октябрь 2021 - 20:56
    Без имени
    Бик куркэм, эчтэлекле язма. Анда эйтелгэнчэ бэхет сезнен бн янэшэ йорсен.
    Оясында ни күрсә...
  • 14 октябрь 2021 - 20:30
    Без имени
    Бик матур унган, булган, топле гаилэ. Килэсе коннэре гез аяз, тыныч бэхет э утсен. Шундый язмалар килэчэк тэ дэ туып торсын.
    Оясында ни күрсә...
  • 15 октябрь 2021 - 08:28
    Без имени
    дус кызларны иялэштерергэ кирэкми икэн ул.
    Нигә мине чүпрәк итәләр?!.
  • 14 октябрь 2021 - 23:07
    Без имени
    "бала өчен дип" үзегезнең ахмаклыгызны гына бала бәхетеннән (һәм үзегезнең бәхетегездән дә) алда куймагыз. балага кирәк әти. балага кирәкми әтигә охшаган хәйван.
    Мәхәббәттән нәфрәткә бер адым икән
  • 14 октябрь 2021 - 22:31
    Без имени
    Огромное спасибо за информацию. Крурсы валют
    Бәхетле очрак-2
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан