Казанда Хәния ФӘРХИ исемендәге урам булачакмы?

Казандагы берәр урамга Татарстанның һәм Башкортстанның халык артисты Хәния Фәрхи исеме бирелергә мөмкин. Җырчының иҗатын яратучылар, шуны сорап, интернетта петиция ачкан. Якын арада тамашачылар башкала мэриясенә гариза белән мөрәҗәгать итәргә җыена. 

Бу эш белән шөгыльләнүчеләрнең берсе -  Булат Газизов «Татар-информ» хәбәрчесенә шул хакта сөйләде.

Булат - Башкортостанның Чакмагыш районы егете. Хәзерге көндә Екатеринбургта юрист булып эшли. Ул кечкенәдән Хәния Фәрхи иҗатын яраткан.

̶  Булат, Казанда Хәния Фәрхи урамын булдыру идеясе ничек барлыкка килде?

̶  Бу идея Хәния апаның тамашачыларыннан еш ишетелде. Ә интернетта петиция ачу эшен Азат Садиков башлап җибәрде. Азат  ̶  Хәния Фәрхинең «ВКонтакте» сайтындагы төркеменә нигез салучы. Хәния апаның фанаты буларак, мин дә читтә кала алмадым. Мондый эштә тәҗрибәм дә бар.

 

̶  Эшегездә нинди документларга һәм кагыйдәләргә таянасыз?

̶  Урамнар белән бәйле барлык эшләр шәһәр мэриясендә эшләнә. Иң элек инициатив төркем мэриягә гариза белән мөрәҗәгать итәргә тиеш. Казан мэрының 2015 елгы топонимика турындагы карары нигезендә, гариза белән мөрәҗәгать иткәндә, анда ун яки аннан күбрәк кешенең исеме һәм шәхси мәгълүматы язылырга тиеш. Без әлеге кешеләрне Хәния Фәрхинең «ВКонтакте» сайтындагы төркеме аша табарга уйлыйбыз.

̶  Ә петиция эшкә ничек тәэсир итә соң?

̶  Петицияне гаризаның кушымтасы дияргә була. Ул фикердәшләрнең күпме икәнен күрсәтә. Гариза белән бергә без петиция турында да мәгълүмат тапшырачакбыз. Хәзерге көндә аны 200 кеше имзалады. Бу сан тагын да күбрәк булыр иде, тик өлкән буын кешеләре петицияне имзалау тәртибен белеп бетерми. Хәзерге көндә дә Казанда Хәния Фәрхи урамын булдыру турында петициягә имзалар җыю дәвам итә. Җырчының «ВКонтакте» сайтындагы төркемендә барлык мәгълүмат та бар.

 

̶  Гаризаны кайчан тапшырачаксыз?

̶  Канун буенча, гражданнарның мөрәҗәгатьләре дәүләт органнары тарафыннан 30 көн карала. Гаризаны бу атнада тапшырачакбыз. Җавап ике атнадан да озак көттермәс, дип уйлыйм.

̶  Казанлылар сезгә теләктәшлек күрсәтер дип уйлыйсызмы?

̶  Әйе, дип уйлыйм. Күп тапкыр әйтелде инде, Хәния Фәрхи иҗаты  ̶  татар халкының милли мирасы. Үзенең җырлары белән ул татар телен һәм мәдәниятен саклауга зур өлеш керткән шәхес. Мин үзем аның концертлар графигын күреп шакката идем. Хәния апа Россия буенча иң күп татар концертлары куйган аз артистларның берсе. Ә иң мөһиме: Хәния апаның концертларына билетлар арзан иде. Ул акча өчен түгел, ә халык өчен җырлады. Андый шәхеснең гомеренең күп өлеше узган шәһәрендә үз урамы булырга тиеш.

 ̶  Хәния апаның Екатеринбургта тамашачылары күп идеме?

̶  Екатеринбургта аны һәрвакыт тулы зал каршы алды. Ул Екатеринбургны Башкортостанның Тәтешле, Борай, Аскын районнарына якын урнашканга күрә «башкала» дип атый иде. Хәния апа концертларын сәхнәдән түгел, ә залдан чыгып башлады. Бу да аның халыкка якын булганын күрсәтә. Екатеринбургта Хәния апа концертына аның күп туганнары, авылдашлары, укытучылары килә иде. Соңгы елларда ул Әлфия Авзалованың һәм үзенең 90 елларда җырлаган җырларын башкарды.

̶  Хәния апаның кайсы җырларын яратып тыңлыйсыз?

̶  «Үпкәләсәң, әйдә үпкәлә», «Гомер юлы» җырлары бик ошый.  

̶  Кайгылы хәбәрне сез ничек белдегез?

̶  Хәния апаның үлеме турында эштән кайтканда белдем. Апам шалтыратып, бу хакта радиодан ишеткәнен әйтте. Башта ышанмадык. Туганнар булмасак та күңелгә шундый авыр булды. Соңрак һәркөн аның җырларын тыңлап йоклап китә башладым.

 

 

чыганак: http://intertat.ru/society/kazanda-kh-niya-f-rkhi-isemend-ge-uram-bulachakmy/
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8898
    10
    104
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8982
    8
    72
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4694
    4
    55
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    5940
    2
    26
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан