Кайгылы хәбәр

Татарстан Республикасы җәмәгатьчелеге зур югалту кичерә. Кичә, 2016 елның 3 гыйнварында Галимҗанов Әсгать Галимҗан улы кинәт вафат булды. Аның хәйриячелекне гамәлгә кую һәм үстерүгә керткән өлешен бәяләп бетергесез.
Әсгать Галимҗан улы Галимҗанов 1936 елның 2 мартында ТАССРның Апас районы Болын Балыкчы авылында туган. Ә.Г.Галимҗанов сигез еллык белем алуы турында аттестат алгач колхозда эшли башлаган. Аннары 4 ел армиядә хезмәт иткәч Казанга килгән һәм колхоз базарында олаучы булып урнашкан. Казанда эшләп, үзенең абзарында терлек асраган, барлык эшләгән акчасын хәйриячелеккә сарыф иткән.

Әсгать Галимҗановның  изге эшләрен Татарстаннан читтә дә беләләр. Ул даими рәвештә Башкортстан, Чувашия, Иванов өлкәсе, Украина балалар йортларына ярдәм иткән. Шулай ук Чернобыль афәте, Армениядә җир тетрәү, Грузияда кар ташкыны, “Курск” су асты көймәсе бату, Көньяк Осетиядә хәрби чуалышлар кебек фаҗигаләрне кичергән кешеләргә ярдәм иткән. Ул туган авылында үз акчасына кипкән күлне торгызган, балалар бакчасы төзегән, укучыларга автбус алган, мәчет төзелешендә ярдәм иткән. Хәзер аның мохтаҗларга, картларга, ятимнәргә, бәлагә тарыган кешеләргә күпме ярдәм күрсәткәнен төгәл санау мөмкин түгел.
Әсгать Галимҗановка изге эшләре өчен Казан үзәгендә Хәйрияче һәйкәле куелды. “Мин изгелек кылыр өчен яшим”, - дип әйтә иде ул.

Ул ятим балаларга ярдәм фондының Мактаулы әгъзасы, Л.Толстойның "Балаларны яклау эшенә керткән өлеш өчен" алтын медаль иясе. Ә.Галимҗановның актив хәйрия эшчәнлеге югары дәүләт бүләкләре арасында "Хезмәт Кызыл Байрагы" ордены, Андрей Первозванныйның «За Веру и Верность» халыкара премиясе бар.

“Изгелек кылыр өчен яшәгән кеше турында якты истәлек безнең йөрәкләрдә мәңге сакланыр”, - диелгән Р.Н.Миңнеханов, М.Ш.Шәймиев, Ф.Х.Мөхәммәтшин, И.Ш.Халиков, А.А.Сәфәров, И.Р.Метшин, Р.Н.Заһидуллин имзалаган кайгынамәдә.
Әсгать Галимҗанов белән хушлашу 4 гыйнварда, 10:00 сәгатьтә Татарстан Республикасы буенча Эчке эшләр министрлыгының Мәдәният үзәгендә (Карл Маркс ур., 26) узды.

сылтама: http://tat.tatar-inform.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»