Җиңгән кызга – автомобиль!

Казанда Бөтендөнья татар конгрессы Башкарма комитеты тарафыннан оештырылган «Татар кызы» матурлык һәм сәләт бәйгесенең ярымфиналы узды. Бәйге 2010 елдан башлап үткәрелә һәм быел ул федераль статуска ия булды. Финалга чыгу өчен республиканың төрле районнарыннан килгән 11 кыз көч сынашты.


– Татар кызларының чибәрлеген таныту белән бергә аларның күркәм сыйфатларын: тыйнаклык, халкыбызның гореф-гадәтләрен, телен һәм мәдәниятен саклау һәм үстерү сәләтен күрсәтү бәйгенең төп максаты булып тора. Ярымфиналда җиңү яулаячак кыз Чиләбе шәһәрендә узачак федераль бәйгедә Татарстанны тәкъдим итәчәк. Минемчә, без сынатмабыз, чөнки безнең кызларыбыз үз-үзләрен тотышы, матур сөйләме, чибәрлеге белән аерылып тора, – дип сөйләде жюри әгъзасы, Бөтендөнья татар яшьләре форумы рәисе Тәбрис Яруллин.

Мәртәбәле жюрида булган БТКның Казан бүлекчәсе җитәкчесе Фәрит Мифтахов, «Сөембикә» журналынының баш мөхәррире урынбасары Рәмзия Кашапова, «Ак калфак» Бөтендөнья татар хатын-кызлары оешмасы җитәкчесе Кадрия Идрисова, БТКның Башкарма комитеты ТР районнары белән эшләүче бүлек мөдире, шагыйрә Шәмсия Җиһангирова, БТЯФ рәисе Тәбрис Яруллин һәм БТЯФ җаваплы сәркатибе Ленария Мөслимова барлык катнашучыларга объектив бәя бирергә тырышты.


Бәйгедә Казаннан Әл-Әнси Ширин, Гөлназ Гатауллина, Гөлназ Гарифҗанова, Айзилә Нурмөхәммәтова, Лениза Сәгъдиева, Лаештан Нурзидә Вәлиуллина, Яшел Үзәннән Гүзәл Җиһаншина, Азнакайдан Эльвира Камалетдинова, Түбән Камадан Миләүшә Морзаханова, Кукмарадан Регина Хәкимҗанова, Алексеевскидан Лилия Шәйхетдинова, Арчадан Җәмилә Яруллина катнашты. Башта кызлар үзләре белән таныштырды, аннан соң иҗади номер белән чыгыш ясады. Кызларның иҗади чыгышлары аеруча таң калдырды: кайберләре җыр-бию осталыгын күрсәтсә, икенчеләре «Әлдермәштән Әлмәндәр», «Сүнгән йолдызлар» кебек легендар әсәрләрдән өзекләр күрсәтте. Соңгысын тәкъдим иткән Түбән Кама кызы Миләүшә Морзаханова җиңүгә лаек булды.

Бәйгедә катнашкан барлык кызларга дипломнар, чәчкә бәйләмнәре һәм «Татар кызы» дип язылган эксклюзив көмеш муенсалар бүләк ителде. «Татар кызы» матурлык һәм сәләт бәйгесенең финалы 16 октябрьдә Чиләбе шәһәренең 5 мең кеше сыйдырышлы «Трактор Арена» стадионында узачак. Анда җиңәчәк кызга төп приз – автомобиль бүләк ителер дип көтелә.

http://intertat.ru/tt/milli-tt/item/48752-t%D2%AFb%D3%99n-kama-kyizyi-chil%D3%99bed%D3%99-avtomobil-%D3%A9chen-k%D3%A9r%D3%99sh%D3%99ch%D3%99k.html
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 21 апрель 2021 - 07:00
    Без имени
    Бу ситуациядә сез үзегез гаепле бит. Дус кызыгызны гаилә арасында үзегез керткәнсез. Безгә гел әйтер киләләр иде. Кияүгә чыккач ир беренче урында булырга тиеш дип. Дус кызлар читтәрррәк. Ә сез икесен дә бер күргәнсез. Мондый ситуациядә киңәш бирергә бик авыр. Ләкин үзегезгә бикләнеп яту, шулай ук дөрес түгел. Ирегез белән сөйләшкәндә дөрес сүзләр кулланырга тырышыгыз.
    Дус кызымның баласы иремә охшаган...
  • 20 апрель 2021 - 22:40
    Без имени
    Балакаем, Аллах ярдэменнэн ташламасын сине. Минем дэ якын иптэш кызым иремне аздыра башлаган иде. Вакытында сиздем.
    Дус кызымның баласы иремә охшаган...
  • 19 апрель 2021 - 18:53
    Без имени
    Аллакаем бирса булыр без 15ел котэбез онык бердэ булмый диеп кул селтэмилэр хэзер эко бар. Унышлар сезгэ. Выше нос и алга.
    Мин бала таба алмаячакмын….
  • 18 апрель 2021 - 20:50
    Без имени
    Изге Рамазан айларында киткән, авыр туфрагы җиңел булсын.🤲🙏
     Габдерәхим соңгы сулышын намазлык өстендә алган
  • 17 апрель 2021 - 21:42
    Без имени
    Жалко, типсэ тимер озэрлек ир- атлар кырыла гына
    «Акчарлак» газетасы журналисты Габдерәхим вафат
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»