“Иң яхшы абыстай-2015” республика конкурсы җиңүчесе билгеле булды

Казанда “Иң яхшы абыстай-2015” республика конкурсы уздырылды. Конкурска Татарстанның мәчет-мәдрәсәләрендә белем бирүче мөгаллимәләр, ислам дине кыйммәтләрен таратуда илас хезмәт иткән мөслимәләр чакырулы иде.

Бәйге ТР мөселманнары диния нәзарәтенең хатын-кызлар белән эшләү бүлеге, Татарстан мөслимәләре берлеге тарафыннан, Ислам мәдәнияте, фән һәм белем бирүгә ярдәм Фонды ярдәме белән уздырылды.

Проектның программасы дини белем бирүчеләрнең имиджын үстерү һәм абруен күтәрү, җәмгыятьтә мәдәни традицияләрне яңарту, республика яшьләрен рухи-әхлакый яктан сәламәтләндерүгә юнәлдерелгән тәҗрибәне системага салу һәм бүлешү, хатын-кызлар арасында әхлакый климатны үзгәртүне күздә тота. Шулай ук традицион мөнәҗәтләр әйтү, татар гореф-гадәтләренә тарту, өлкәннәргә, кул эшләренә, аш-суга хөрмәт уяту, хатын-кызлар һәм балалар өчен ислам динен өйрәнү курсларын оештыруга өйрәтүгә дә басым ясалды.

Жюри әгъзалары катнашуларның халык алдында оста сөйләү сәләтен, ислам дәресләрен укыту методикасын, төрле юнәлешләрдә кулланылган кызыклы алымнарын бәяләде. “Иң яхшы абыстай” конкурсы җиңүчесе исеменә Вәсилә ханым Рәхимова лаек дип табылды.

Татар халкында абыстайлар элек-электән мөһим роль үтәгән. Тирән дини белемле абыстайлар мәхәллә халкына Коръән һәм намаз укырга, ислам нигезләрен өйрәткән. Шул ук вакытта алар хатын-кызлар өчен төрле мәсьәләләр буенча киңәшче, остаз һәм теләсә нинди сорауга җавап бирә алырлык алыштыргысыз кеше булган.

сылтама: http://tat.tatar-inform.ru/news/2015/10/28/115022/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»