Гармунга мәдхия

Йөрәкләрне җилкендергән, күңелләрне очындырган гармун моңнарын ишетәсегез килсә, көмеш телле талья тавышларын сагынсагыз, 30 август көнне Казанга рәхим итегез. Бу көнне Казан үзәге җаннарны җилкеткән гармун көенә күмеләчәк.

Гармунчылар парады, ә алар аз да түгел, күп тә түгел – 1 мең (!!!) кеше – көндезге 11 дә Батурин урамында җыела. «Уйнагыз, гармуннар!» фестивале башка елларда да узган булса да, моңарчы әле бөтен Кремль эчләрен яңгыратып йөргәннәре булмаган иде. Быел көндезге 12 дә гармунчылар саф-саф тезелеп, Тайницкий манарасы аша Кремльгә узып, беренче яртыда Муса Җәлил һәйкәле каршында җырлы-моңлы тукталыш ясаячаклар. Монда Айдар Фәйзрахманов җитәкчелегендәге Дәүләт фольклор музыка ансамбленең чыгышы һәм республиканың иң оста һәм иң яшь гармунчы балаларына гармуннар бүләк итү тантанасы булырга тиеш. Татарстан Мәдәният министрлыгы алар өчен махсус 10 гармун ясатып алган.

Казан урамнарын узып, флешмоб Камал театры каршындагы мәйданда дәвам итәчәк. Чараның максаты урам буйлап гармун уйнап кына йөрү түгел, ә татар халкы язмышында гармунның нинди урын тотканын да күрсәтә алу. Фестивальнең быелгысы ТАССРның 100 еллыгы тулуга багышлана.100 еллык тарих сәхнәсенең түренә кайгыда да, шатлыкта да татарның ышанычлы юлдашы булган гармун менәчәк. Театр артистлары катнашы белән тарих битләре берәм-берәм ачылып, үзебез узган юлларын тагын бер кат күзалларга мөмкинлек туачак.

Реклама

Быелгы чараның тагын бер яңалыгы: ул «Түгәрәк уен» фестивале белән бергә үрелеп уза. Беләсез булыр, татар халкының фольклорын барлау, халыкка кабат кайтару максатыннан оештырылган «Түгәрәк уен» фестиваленең беренчесе 2008 елда Кулаткы авылында узган иде. Быел, ТАССРның 100 еллыгы уңаеннан, ул Казанда узачак.

Камал театры каршындагы мәйданда бәйрәм көндезге өченче яртыда башлана. Рәхим итегез, килегез, йөрәкләрегезне җилкендереп, бер күңел ачып кайтыгыз.

 

Ошый
Поделиться:
Комментарийлар (0)
Cимвол калды:
Хәзер укыйлар
  • 6889
    9
    219
  • ТУГАН ЙОРТ БУСАГАСЫ  Җиңел велосипедының бер як мөгезенә аскан авыр сумкасын йорттан-йортка йөри-йөри бушатып бетергәч, Гүзәлия өенә табан атлады. Замана үзгәрү белән, кеше белән кеше арасындагы элемтә чаралары арта бара...
    7476
    7
    177
  • 7548
    5
    128
  • Бәхет шәүләсе ​​​​​​​Тиранның төрлесе була. Кул күтәреп, җәберләп кенә торучыны түгел, кешене рухи яктан басып, иреген чикләп яшәүчеләргә карата да әйтелә ул. Карап торышка менә дигән ир, кайгыртучан әти дип уйларлык кешеләр дә гаиләдә тиран булып чыгарга мөмкин.
    7561
    6
    118
  • Кардагы эзләргә ни булыр?!  Урамда кар-буран уйный. Әллә быелның беренче бураны инде?! Юл кырыйларында кар эскерте өелеп тормаганга шулай тоеламы соң, әллә яуганы да эреп бетә баргангамы. Һәр яуган кар, сукмакларны тутырып бөтерелгән буран бу кышның беренчесе сыман... 
    6248
    0
    97
Соңгы комментарийлар
  • 24 гыйнвар 2020 - 19:46
    Без имени
    Йөрәкне актара торган хикәя бер сулуда укып чыктым👍
    ​Инә
  • 24 гыйнвар 2020 - 19:46
    Без имени
    Бу гаилэгэ бэхетле тормыш телим
    Ике туй – бер ир
  • 24 гыйнвар 2020 - 19:46
    Без имени
    Хикэйэне укыным бик матур эйтелгэн, азагыла матур боткэн. Мин уземден язмышымды уйлап уйга калдым. Беззе улем айырзы, юкхыныу косло.
    Ике туй – бер ир
  • 24 гыйнвар 2020 - 19:46
    Без имени
    Барсына да кайнана гаепле.фануза.
    Гафу итәргәме?
  • 24 гыйнвар 2020 - 19:46
    Лилия Гараева
    Хәерле көннәр! Хикәя язу өчен берәр язучы белән танышасым килә, дигән автор, сезгә бу мәсьәлә буенча «Казан утлары» журналына мөрәҗәгать итү урынлырак булыр кебек. Язучылар союзы да гозерегезне кире какмастыр.
    Гаиләме, карьерамы? 
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...