Фестивальдә очрашырбыз!

Онытмадыгызмы: 1 июнь көнне «Казан» гаилә үзәге янында (С. Хәким урамы, 4) йөкле ханымнар һәм яшь әниләр өчен шәһәр фестивале узачак. 
Программа шактый бай һәм кызык: бәби көтүче әниләр өчен йога-марафон, төрле мастер-класслар, йөкле ханымнар өчен мода күрсәтү һәм концерт... Кечкенә балалар өчен дә күңел ачу чаралары байтак булыр дип көтелә. 
Бәйрәмне оештыручылар арасында «Сөембикә» журналы да бар. Редакциянең якын дуслары – «7 нче шәһәр клиник хастахәнәсе»нең бала тудыру йорты акушеры, югары категорияле табиб Энҗе Сәүбән кызы Исмәгыйлева һәм  «7 нче шәһәр клиник хастахәнәсе»нең хатын-кызлар консультациясе мөдире, югары категорияле табиб Инна Владиславовна Шошокина бәйрәм кунакларына  
йөклелек һәм педиатрия буенча бушлай киңәшләр бирәчәкләр.

Киләсе яртыеллыкка «Сөембикә» журналына язылган һәркемне исә «Натура Сиберика»дан бүләк көтә! 

Көтәбез сезне!