​Эшлекле ханымнар, форумга рәхим итегез!

14 сентябрьдә дүртенче тапкыр Татарстанның Эшлекле хатын-кызлары форумы узачак. Бу юлы Иннополис шәһәрендә үткәреләчәк форумда 300 эшлекле ханым катнашыр, дип көтелә.

Форум ел саен «Татарстанның эшлекле хатын-кызлары» төбәк иҗтимагый оешмасы тарафыннан оештырыла. Бу оешмага бизнес белән шөгыльләнүчеләр генә түгел, ә гомумән, эшлекле, актив иҗтимагый тормыш белән яшәүче хатын-кызлар берләшкән. Быелгы җыенның темасы «Җәмгыятьнең уңышлы үсеш шарты буларак хатын-кызның киңкырлы эшчәнлеге» дип билгеләнгән.



«Татарстанның эшлекле хатын-кызлары» оешмасы президенты Лиана Сәетова хәбәр иткәнчә, форум өч секциядә эшләячәк. «Кризис вакытындагы мөмкинлекләр: идеяләр, проектлар, финанслар» дип исемләнгән беренче секциядә сүз бизнесны үстерү мөмкинлекләре турында барачак. Гүзәл затлар инновацион проектлар, дәүләт һәм шәхси эшуарлар арасындагы хезмәттәшлек хакында фикер алышачак. «Гаилә һәм бизнес. Рухи бердәмлек» секциясендә заманча җәмгыятьтә гаилә кыйммәтләрен саклау мәсьәләләре күтәреләчәк. «Социаль өлкәдә хатын-кызлар инициативасы» секциясендә хатын-кызларның тормышка ашырырга көченнән килгән социаль проектлар барланачак. «Без эшлекле хатын-кызлар өчен быел идарә итү серләренә өйрәтүче тренинг та үткәрергә булдык», – ди Лиана Сәетова форумның программасы белән таныштырып.

Форумда катнашырга теләүчеләр «Татарстанның эшлекле хатын-кызлары» иҗтимагый оешмасының dgrt.ru рәсми сайтында теркәлергә тиеш. Аларны 14 сентябрьдә Иннополис шәһәренә алып бару өчен Казанның «Тандем» сәүдә үзәге янында иртәнге сәгать 8дә автобуслар көтәчәк. Гомумән, форум, гадәттәгечә, эшлекле җыен итеп кенә түгел, ә бәйрәмчә уздырылачак. Форумда катнашучыларны Иннополис буенча кызыклы экскурсия көтә: университет, балалар бакчасы, торак йортлар, тулай тораклар, спорт комплекслары, технопарк – берсе дә игътибарсыз калмаячак.

Җыенга эшлекле ханымнарга балалары белән килсә дә ярый, чөнки нәниләр өчен уен мәйданчыгы эшләячәк. Анда «Минем эшлекле әнием» дигән рәсем бәйгесе, күңелле эстафета үткәрергә, тәмле ризыклар белән чәй эчерергә вәгъдә итәләр. Эшлекле әниләргә исә зәркан эшләнмәләре, бизәнү-ясану әйберләре, сувенир продукцияләр белән тулы ярминкә-күргәзмә тәкъдим ителәчәк. «Татарстанның эшлекле хатын-кызлары» оешмасы даими рәвештә Казанның 1нче санлы махсус коррекция интернат-мәктәбенә ярдәм итә. Форум көнне әлеге мәктәп укучылары кулы белән ясалган декоратив-гамәли сәнгать эшләнмәләре күргәзмә-ярминкәсен оештырырга ниятлиләр. Бу ярминкәдән җыелган акча мәктәпнең көндәлек чыгымнарына китәчәк. Көн азагында форумның химаячеләре бүләкләр өләшәчәк: спа-салонга, балалар үзәгенә, туристик сәяхәткә билетлар уйнатылачак.




Ольга Павлова, Татарстан Дәүләт Советы депутаты:

– Бүген җәмгыятьтә хатын-кызларның роле үзгәрә, аларга үзләренең эшлекле сыйфатларын үстерергә мөмкинлекләр ачыла. Һәм бигрәк тә  хатын-кызларның сизгер йөрәге кискен социаль проблемаларны тоеп, аларның чишү юлларын табарга ярдәм итә. Татарстанда соңгы елда Гаилә сәясәте концепциясен төзү, мәктәпләрдә гаилә белеме дәресен кертү, хатын-кызларга өстәмә белем бирү, хәйриячелек традицияләрен таныту – нәкъ менә эшлекле ханымнар, шул исәптән депутат хатын-кызлар күтәреп чыккан мәсьәләләр. 

intertat.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  •  Гомерем усал кайнана, исерек ир белән үтте 5 Бер көнне иртән торып бәлеш пешерергә уйладым. Бәрәңге турадым, суган әрчедем, камыр бастым. Духовкада кургаш кәгазь астында ике сәгать ярым эчендә бәлешем изелеп пеште. Ләкин хуш исе урамга кадәр чыккан итле бәлешемне ашарга насыйп булмады.
    13151
    4
    112
  •  Исерек ир, усал кайнана белән гомерем узды 3 Рәфис белән 3 ел очрашып йөрсәк тә, мәхәббәтебез үбешүдән ары узмаган иде. Беренче зөфаф төнебезне мин куркып, дулкынланып көттем.
    11995
    5
    80
  • Исерек ир, усал кайнана белән гомерем узды 2 Рәфискә кияүгә чыгарга җыенуымны әнием ошатмады, ул мине кабаттан үгетләргә кереште: «Кызым, тагын бер тапкыр уйлап кара әле! Габдулла белән Сания авылда иң усал гаилә булып санала, Санияне тиккә генә «юха елан» дип йөртмиләр. Алай гынамы, бу гаиләдә эшнең бетәсе юк: 50 сутый бакчалары, абзарларында өч сыер, кырыкка якын сарык...
    9693
    1
    55
  • Юлда кем очрамас... Кичә яшүсмер кызым эштән кайтты да, «Әни, син хәзер мине ачуланачаксың», – ди. Сагайдым. Ачуланасымны алдан ук белеп торгач, нинди ярамаган эш эшләде икән? 
    9016
    1
    55
  • Уеннан уймак Барысы да бәхәсләшүдән башланды. Хатын-кызлар, бигрәк тә йөрәкләре янып торган яшь кызлар бәхәсләшмәсен икән ул. Аларның яшьлек дәрте егетләрне үзләренә карату гына түгел, дөньяны әйләндереп бастыра ала... 
    4537
    0
    49
Реклама
Соңгы комментарийлар
  • 17 август 2022 - 08:30
    Без имени
    Гел дорес сузлэр генэ сойлисен
    Илсөя Бәдретдинова әйтсә, каты әйтә!
  • 16 август 2022 - 17:54
    Без имени
    Мин сезнең өчен бик шатмын, бер-берегезне кабат тапкансыз.
    Ике туй – бер ир
  • 15 август 2022 - 20:31
    Без имени
    Уземнең телем сынып бетте моны укыганда.
    Баланы сөйләшергә өйрәтәбез! 
  • 14 август 2022 - 12:38
    Без имени
    Менә болай яшәү сабырлык дип аталмый,куркаклык,хакларыңны өйрәнмиче таптату дип атала Гөмер бер генә,тазалык бер генә,бала хакы бер генә яшәү хакы бер генә бирелә.тормышыңда авырлыкны да,җиңеллекне дә только кеше үзе сайлый,славыйлыгын күрсәткән килмиче,кемнедер гаеп итеп күрсәтә, ә башы бары үзендә дөрес сайламаган өчен ,болар барысыда ТҮЛӘҮле АЛЛАһ каршында котылгысыз хакларны таптаткан өчен.Акыл алырдай хәлләр дә, гыйлемен (психология)дә биреп тора,гел шулай тормоз да торучыларны куатләп иии мескенем,түз инде,нишлатәсең язмышыңдыр диеп,чыгыш юлы барлыгын күрсәтмичә тилмереп үлүен көтеп торган кебек.Хатыннар исегезгә төшерәм тиран авыру, ирләр б н тору катгый тыела КОРЬӘНдә.Талак сүрәсен АЛЛАһ,бу хәлләр буласын белеп, кешеларне кисәтү өчен җибарде.Бу темага китеп язып була,язганнардан да мәгьнә эзләп гыйбрәт алып бик була.
     Исерек ир, усал кайнана белән гомерем узды 3
  • 13 август 2022 - 23:40
    Без имени
    Искиткеч. Үземнең әтием күз алдыма килеп басты. Бик сагынам әтиемне
    Әткәем
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда