Бүген «Татар-информ» мәгълүмат агентлыгы ТР буенча Эчке эшләр министрлыгының ЮХИДИ идарәсе җитәкчесе урынбасары, полиция полковнигы Радик Рамазанов, лицензия-рөхсәт бирү эшләре үзәге җитәкчесе вазыйфасын вакытлыча башкаручы Сергей Воротилин, мәгълүмат үзәге җитәкчесе вазыйфаларын вакытлыча башкаручы Алла Тянулина катнашында Дәүләт хезмәтләре порталыннан файдалану хакында матбугат конференциясе уздырды. Анда Дәүләт хезмәтләре порталы аша Эчке эшләр министрлыгы тәкъдим иткән электрон хезмәтләр хакында сөйләшенде. Әлегә безнең республика халкы uslugi.tatarstan.ru порталын якынрак күрә, мөрәҗәгатьләрнең дә күбесе шушы портал аша башкарыла икән. 1 октябрьдән Эчке эшләр министрлыгының электрон хезмәтләреннән фәкать gosuslugi.ru порталына теркәлү узып кына файдаланып булачак. Бу порталда штрафларны да түләргә, шулай ук хөкем ителгәнлек хакындагы белешмә (эшкә урнашканда күп җирдә сорыйлар аны) яки корал саклау өчен бирелә торган рөхсәт кәгазен, репрессия корбаннары булган туганнарыгыз хакында архив белешмәләре соратып алырга мөмкин. Машина йөртү таныклыгын алыштыру, машинаны дәүләт автоинспекциясенә исәпкә кую яки төшерү, машина номерларының дубликатын ясатып алу –болар Эчке эшләр министрлыгы тәкъдим иткән электрон хезмәтләрнең берничәсе генә.
Следите за самым важным и интересным в Telegram-каналеТатмедиа
Комментарий юк