Чиләбедә «Татар кызы-2015» Бөтенроссия конкурсының финалы була

9-16 октябрь көннәрендә Чиләбедә Татар мәдәнияте көннәре уздырылачак.
Шуның кысаларында 9 октябрь көнне Троицкидан булган шагыйрь Басыйр Рәфыйковның «Шаги будущего»/«Киләчәк адымнары» балалар өчен шигырьләр китабы презентацияләнәчәк. Китап татар һәм рус телләрендә бастырылган.

16 октябрьдә Чиләбе үзәгендә Советлар Союзы Герое, татар шагыйре Муса Җәлилгә скульптура ачылачак. Ул Көньяк Уралга Татарстан тарафыннан бүләк итеп бирелгән. Скульптура Бакый Урманченың «Таштагы портретлар» сериясеннән. «Манекен» театры янындагы скверда буласы шушы тантанага Мәскәүдән шагыйрьнең кызы Чулпан Җәлилова да килер дип көтелә.

Шул ук көнне «Трактор» Боз аренасында Көньяк Урал һәм Татарстан һөнәрчеләренең кул эшләнмәләре сәүдә ярминкәсе ачылачак. Моннан тыш, кызлар арасында биредә беренче тапкыр «Татар кызы-2015» Бөтенроссия конкурсының финал өлешен уздыру да күздә тотыла һәм аны ачу хокукы Татарстан Республикасы Президенты Рөстәм Миңнеханов белән Чиләбе өлкәсе губернаторы Борис Дубровскийга ышанып тапшырыла. Бәйрәмне милли сәхнә сәнгате әһелләре музыкаль яктан бизәргә җыена. Алар арасында Ринат Ибраһимов, Эльмира Кәлимуллина, Сәидә Мөхәммәтҗанова, «Артур һәм Марат дуэты», ТР Дәүләт җыр һәм бию ансамбле һ.б. бар.

9-16 октябрь көннәрендә Чиләбе Рәссамнар берлегендә «Дөнья — хатын-кызлар кулы белән» дигән күргәзмә эшләячәк. 

сылтама: http://tat.tatar-inform.ru/news/2015/10/06/114329/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»