Бурдан кала, уттан калмый: бер тәүлектә өч янгын, дүрт мәет

Мөслим, Саба, Мамадыш районнарында чыккан янгын дүрт кешенең гомерен өзде. 
“Әҗәле йөрткәндер, 11 тулуга өйгә кайтып яткан”

Бурдан - кала, уттан – берни калмый, ди татар халык мәкале. Әмма зәһәр ялкын телләре еш кына берәмтекләп җыйган мал-мөлкәтне генә түгел, кеше гомерен дә аямый.
Мөслим районының Түбән Табын авылында 2 декабрь төнендә янгын чыга. Авыл җирлеге башлыгы Рүзәл Хафизов “Татар-информ”га менә ниләр сөйләде.

– Шимбә, төнге берләр тирәсе иде, “Янгын” дип хәбәр иттеләр, – ди җитәкче. – Бу вакытта инде авыл йоклый. Янгын чыккан йорт хуҗалары да – ир белән хатын, кунакка кайткан кызлары белән кияүләре дә йоклаган була. Төтен исен сизеп булса кирәк, Шәйдуллинарның кызлары – Гөлгенә уянып китә. Шуннан соң ул барысын да йокыдан уята. Нәтиҗәдә, Гөлгенә үзен, әти-әнисен үлем тырнагыннан саклап кала. Әмма ире – 21 яшьлек Илһам Авзалов өйдән үз аяклары белән чыкмый. Аның өйдә калганын белеп, бабасы – Гөлгенәнең әтисе бер-ике тапкыр өйгә дә керә, соңгысында йокы бүлмәсенең тәрәзәсен ватып, “прихожая”га кадәр үтә, әмма киявен таба алмый.

Авыл җирлеге башлыгы сүзләренчә, Илһамның йокысы каты булган. Шулай ук аның караваттан кинәт торгач, кан басымы төшеп, аңын җуя торган гадәте дә бар, диләр.
Илһам белән Гөлгенә
 
– Гөлгенә белән Илһам бер ел элек гаилә корганнар иде. Бик озак очрашып йөрделәр. Гөлгенә Чаллыда медицина белгечлегенә укый, Илһам инде солдат хезмәтен үтәп кайтты. Илһам – бик тырыш егет, ел саен зират өстенең печәнен чабып, чистартып, карап торды. Быел җәй буе комбайнчы булып эшләде, – ди Рүзәл Хафизов.

Үлем үкенечсез булмый, диләр. “Эх, шулай булса” дип, терсәк тешләрлек вакытлар булса да, барысы да Ходай кулында шул.

– Яшьләр гел очрашып, күрешеп торалар бит инде. Ялларда авылга кайткач, Илһам да яшьтәшләре, дуслары белән гел күрешеп торган. Фаҗига буласы кичтә дә ул, дуслары белән мунча кергән. Кешене әҗәле йөртә диләр бит. Илһам 11ләр тулып китүгә өйгә кайтып яткан. Башка вакытларда исә болай иртә таралышмый торган була алар, – ди авыл җирлеге башлыгы.

21 яшьлек Илһам Авзаловны бүген туган авылы Тугашта җирләячәкләр.


Аракы+тәмәке=фаҗига
Саба район үзәгендә дә 29 яшьлек хатын белән 38 яшьлек ир янгын корбаны була. 2 декабрьдә, кичке 11 ләр тирәсендә Тукай урамында йорт яну турында хәбәр килеп ирешә янгын сүндерү бүлегенә. Янгын сүндерелеп, 20 минут үтүгә өйдә кешеләр калуы билгеле була.

– Нинди кешеләр дисәм, “салдым белән шаярдылар”, – диде Саба бистәсе башлыгы урынбасары Расыйх Хәсәнов. – Айсылуга 29 яшь, тумыштан инвалид. 38 яшьлек “сожителе” Илнар Зиннәтуллин – Язлы Арташ авылыннан. Гаилә булып яши башлауларына 5-6 еллап бар, әмма язылышмадылар. Каядыр эшләүләрен дә белмим, Айсылуның пенсия акчасына, Айсылуның әти-әнисе йортында яшәделәр. Алар исә, олы кызларының ире үлгәч, шунда күченеп яши башлаганнар иде.

Янгында ир дә, хатын да зыян күрә. Ирнең чәчләре янып көлгә әйләнә хәтта, хатынның да бите, куллары пешә. Айсылуның әти-әнисенең шыгырдаган агач өе эчке яктан янып бетә.

–Ел әйләнәсе баш ташлап эчәләр димәс идем. Шулай да елга бер-ике тапкыр “ычкынып” алалар иде. Менә шул ялгышлык нинди аяныч нәтиҗәләргә китерде дә инде, – диде Расыйх Хәсәнов.

Ир белән хатын бу көнне дә салган була. Ир исә тәмәке тарта-тарта йокыга китә. Ә бу исә аның соңгы йоклавы була.


“Биш минуттан әйләнеп керсә, әтисе инде исән булмый”
Үлемне каш белән күз арасы ераклыгында диләр. Мамадыш районының Түбән Тәкәнеш авылында да 68 яшьлек Гарифҗан Гәрәев үз мунчасында, мунча ягарга кергән җирдән җан-тәслим кыла.

Түбән Тәкәнеш авыл җирлеге башлыгы Рөстәм Хәмизуллин сүзләренчә, шимбә көнне әти-әнисе янына кызы белән кияве кайта. Әти кеше алар кайткач, мунча ягарга була. Урамга алар өчәүләп чыгалар. Әмма әтиләре мунча яккач та, шунда кала. Биш минуттан соң кызы кабат мунчага әйләнеп килсә, әтисе инде үлгән була. Мунчага ут та каба башлый, әмма аны күмәк көч белән, тиз арада сүндерәләр.

– Гарифҗан абый гомере буе колхозда эшләде, икенче төркем инвалид иде. Авылда хатыны белән гомер иттеләр. Йөрәк авырулары да булган дип сөйлиләр. Яшәмәслек кеше түгел иде, аянычлы үлем, – диде авыл җирлеге башлыгы.

чыганак: http://intertat.ru/society/ber-t-lekt-ch-yangyn-d-rt-m-et-21-yashlek-kiya-29-m-38-yashlek-ir-bel-n-khatyn-68-yashlek-babay-kyzy/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7163
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4461
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2935
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9609
    6
    35
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4776
    0
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда