Бәрәңгегә бәя ике тапкыр артырга мөмкин - Үзәк банк

Ел ахырында Россиядә бәрәңгегә инфляция шаукымы кагылырга мөмкин. Бу хакта Россия Банкы тикшеренү һәм фаразлау департаменты әзерләгән "Трендлар ни турында сөйли" бюллетенена сылтама белән  "Российская газета" хәбәр итә. 

Быел авыл хуҗалыгы өчен әйбәт саналмаган һава торышы бәрәңгенең сыйфатына тәэсир итә. Нәтиҗәдә, җитештерүчеләр продукциянең күпчелек өлешен кырлардан ук сатып җибәрергә мөмкин. Ә бу исә бәрәңгенең бәясен төшерә. Сакларга куеласы продукция дә кими дигән сүз. Ел ахырында исә бәрәңге бәясе, складларга түләү сәбәпле, кыйбатланырга мөмкин. Бюллетень авторлары шунлыктан бәрәңгегә инфляция дулкыны кагылуы ихтимал дип кисәтә.

Россия Бәрәңге берлегендә мондый вәзгыять туу ихтималын зур дип бәялиләр. “Быел бәрәңгенең күпчелек өлеше узган елгы калган орлыктан утыртылды, ул да бик әйбәт сыйфатлыдан түгел иде, - дип белдерә Бәрәңге берлеге аппараты җитәкчесе Татьяна Губина. – Һава шартлары да бик уңай килмәде; урыны белән корылык, урыны белән артык дым булды. Корылыкка каршы су сиптереп көрәшергә өйрәнсәк, артык дымны җирдән ала алмыйбыз шул әле, әлегә ул проблема булып кала бирә. Болар барысы да бәрәңгенең сыйфатында чагылыш таба һәм эре җитештерүчеләргә сатуда кыенлык тудыра”. Татьяна Губина бәрәңгене уңыш җыя башлауга ук - сентябрьдә сата башлаячаклар дип белдерде.

“Декабрь аенда бәрәңге бәясе ике тапкырга артырга мөмкин”, - дип искәртә ул.

Россия Банкының тикшеренү һәм фаразлау департаменты бюллетены авторлары быел бәрәңге җитештерү 2015 ел белән чагыштырганда 2,2 процентка кимер дип уйлыйлар. Былтыр Россиядә 33,6 млн. тонна бәрәңге җыелган. Быел бәрәңге уңышы якынча 32,8 млн. тонна тирәсе булыр дип көтелә.

Аграр базар конъюнктурасы институты генераль директор Дмитрий Рылько исә киресенчә, бәрәңге бәясе кинәт күтәрелмәс дип саный.

“Паникага бирелергә иртәрәк, уңыш җыелганны көтәргә кирәк, - дип белдерә Рылько. – Узган ел да бәрәңге уңышы рекордлы дип әйтерлек иде Быел да шулай булырга мөмкин, бәяләр төшмәсә дә кинәт артып китмәс дигән өмет бар.”

Россия статистикасы мәгълүматлары буенча июль аенда бәрәңгенең бер килограммы уртача 29,59 сум иде. Соңгы атнада исә икенче икмәк бәясе 3,9 процентка төште.  

чыганак: http://tat.tatar-inform.ru/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 22 октябрь 2020 - 09:04
    Без имени
    Март аенда язылган кимчелеклэр турында. А воз и ныне там!
    Ныклыкка сынау
  • 22 октябрь 2020 - 18:36
    Без имени
    Сер. Интер. кенэ. язмассыз. микэн. телефон. номерын?
    Күкләр кушкан эш
  • 22 октябрь 2020 - 18:38
    Без имени
    Иптэшемнен. Тез. Буыннары. сызлый,э. уземнеке. артроз
    Күкләр кушкан эш
  • 22 октябрь 2020 - 20:45
    Без имени
    Булдырдылар инде ул пенсия яшен бер тамаша!! 60-65 ир атлары 50-55 кэ чак житэ хатын кызлары...куп мисаллар ..ишетеп куреп белэм бугенге кондэ ялган бн донья тулган..янэсе кеше гэ хэзер техника ярдэмгэ килде алар жинел рэхэт яшилэр гомер озайды ..ялган..кеше хэзер натураль продукт ашамый ..туганнан смесь..и..т..д
    Хушлашмыйк, яшьлек
  • 21 октябрь 2020 - 20:45
    Без имени
    Бик яхшы эсэр дэвамын котэбез
    КУНАК АПА
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...