«Ак чәчәкләр» фильмын киң җәмәгатьчелеккә тәкъдим ителде

Казанда «Родина» кинотеатрында Габдрахман Әпсәләмовның «Ак чәчәкләр» романы буенча төшерелгән фильм киң җәмәгатьчелеккә тәкъдим ителде. XI Казан халыкара мөселман киносы фестивале кысаларында фильм кинотеатрның берничә залында күрсәтелде. Шуңа да карамастан, һәр зал да тамашачылар белән шыгрым тулы иде.

Фильмда төп рольләрне Г. Камал исемендәге Татар дәүләт академия театры артисты Әзһәр Шакиров, К.Тинчурин исемендәге Татар дәүләт драма һәм комедия театры артисты Резеда Сәлахова, Әлмәт Татар дәүләт драма театры артисты Динар Хөснетдинов башкара. Шулай ук фильмда Г. Кариев исемендәге Казан Татар дәүләт яшь тамашачылар театры, К.Тинчурин театрының башка артистларын, Качалов исемендәге Зур рус драма театры артисты Рамил Төхвәтуллинны да күрергә мөмкин. Экранда танылган җырчы Хәния Фәрхинең күренүе дә тамашачы күңеленә хуш килде.

Фильм тәмамланганнан соң, кинофорумның матбугат үзәгендә кинокартинаның режиссеры Ренат Әюпов, «Яңа гасыр» ТРКсы генераль продюсеры Миләүшә Айтуганова, артист Әзһәр Шакиров, «Ак чәчәкләр» романы авторының гаиләсе вәкиле - оныгы Альбина Әпсәламова катнашында матбугат конференциясе булды.

«Бу фильм сериалның бер өлеше генә. Без аны ел дәвамында төшердек һәм ул ноябрь аенда 10 сериалы булып телеэкранга чыгачак», - диде Миләүшә Айтуганова. Аның сүзләренчә, «Ак чәчәкләр»дә республиканың 11 театрыннан 37 артист катнашкан. Аларның һәркайсы кырыс кастинг аша узган. Гөлшаһидә роленә килгәндә, төп героиня роленә баштан яшь җырчы Айгөл Хәйри сайланган булган. Мансурны исә Г. Камал исемендәге Татар дүләт академия театры артисты Эмиль Талипов уйнаган. Берникадәр репетицияләрдән соң Айгөлне Резеда Сәлахова белән алыштырырга карар кылганнар. "Геройның матур җырлавы мөһим иде. Бу яктан Айгөл Хәйри Резедадан өстенрәк. Әмма Резеданың сәләте, бай эчке дөньясы Гөлшаһидәнекенә күбрәк туры килә төсле тоелды", - ди "Яңа гасыр" ТРКсы генераль продюсеры.

Ренат Әюпов сүзләренчә, аның кинода беренче тапкыр үзен сынап каравы, һәм бу эш аңа бик ошаган. «Фильмда театр артистлары уйнады. Алар сәхнәдә көчле тавыш белән сөйләргә, тамаша залының соңгы рәтләренә кадәр ишетелерлек итеп чыгыш ясарга өйрәнгән. Кинода исә һәрбер сүзне үлчәп, һәр хәрәкәтне салмак кына эшләү кирәк. Артистлар белән эшләгәндә шул яктан гына бераз кыенлыклар булды. Гомумән алганда исә, профессиональ төшерү төркеме, операторлар бик әйбәт иде», - диде ул.

Миләүшә Айтуганова сүзләренчә, фильм сентябрь аенда прокатка чыгачак. Кинокартинаны Казан, Яр Чаллы, Түбән Кама, Әтнә һ.б. җирлекләрдә яшәүчеләр күрә алачак. «Фильмның классикага нигезләнеп төшерелүе аны популяр итәчәгенә ышанам», - ди Миләүшә Айтуганова.

Резеда Сәләхова сүзләренчә, ул да кинода үзен беренче генә сынавы икән һәм бу аның күптәнге хыялы булган.

Альбина Әпсәләмова хәбәр иткәнчә, фильм «Ак чәчәкләр» романы сюжетка якын төшерелгән. «Фильмны төшерә башлаганда, билгеле инде, дулкынланулар булды һәм ул яхшы килеп чыгармы икән дип борчылдык. Романның сюжеты татар укучысына яхшы таныш. Артистлар да бик төгәл сайлап алынган. Быел роман басылып чыгуга 50 ел тулды һәм шул уңайдан бик күп чаралар уздырылды, шул исәптән Мәскәүдә дә. Романга кызыксыну урта буын вәкилләрендә генә түгел, ә яшьләрдә дә бар. Күптән түгел «Ак чәчәкләр» кабат бастырылды һәм нәшрият кибете кибетчеләре сүзләренчә, халык романны төргәкләп сатып ала икән. Бабам моңа бик шат булыр иде", - диде ул журналистлар белән очрашуда.

Әзһәр Шакиров фикеренчә, Казан халыкара мөселман киносы фестивале Татарстан башкаласында уздырылып та, анда Татарстан фильмы катнашмаса, дөрес булмас иде. «Минем Миләүшә ханымга зур рәхмәт әйтәсем килә. Бу фильм акча эшләү максатыннан төшерелмәгән. Аңа бик зур хезмәт куелган, - диде ул. - Кинокартинаны 1960 нчы елларда яшәгәннәр яхшы аңлаячак. Ул чагында кеше тормышының, яшәвенең мәгънәсе бар иде. Ул чор кешесе яхшы күңелле, чиста, намуслы булды. Акча - кеше идеалы түгел иде, яхшылык эшләгән кеше идеал саналды һәм бу мәгънә барлык фильмнарда да булырга тиеш», - диде халык артисты.

Фильм Казан мөселман киносы фестивален ябу фильмы буларак тәкъдим ителде һәм ул фестивальнең конкурс программасына кертелмәде. «Без кинокартина конкурс программасына керер дигән өмет белән катнашкан идек, чөнки ул Казан мөселман киносы фестиваленең бөтен таләпләренә дә туры килә: кешеләрне яхшылыкка, үз һөнәренә тугрылыкка өнди. Конкурс программасына кермәгәч, бераз кәеф төшкән иде, билгеле. Әмма кинотеатрның 5 залы да шыгрым тулы булуын, әле күпме халыкның урамда калуын күргәннән соң, шатланып бетә алмадым. Мондый хәл булыр дип көтмәгән дә идем», - диде Миләүшә Айтуганова һәм фестивальдә татар классик әдәбиятын чагылдыруны максат итеп куюны ассызыклады.

Ренат Әюпов исә, фестивальне конкурс рәвешендә үткәрергә кирәкми, дигән фикерен җиткерде. «Театр өлкәсендә «Алтын битлек» фестивале генә конкурс рәвешендә үткәрелә. Чөнки мондый бәйгеләр артистларның, режиссерның хезмәтен түбәнсетә дип саныйм. Шуңа да киләчәктә Казан мөселман киносы фестивале дә фестиваль буларак кына калыр һәм конкурс формасында үткәрелмәс дип ышанам», - диде ул.

«Ак чәчәкләр»не Нәҗип Җиһановның Казандагы музеенда һәм Габдрахман Әпсәләмовның үзе яшәгән фатирда төшергәннәр. 10 сериягә дәүләт тарафыннан 6 млн сум күләмендә акча бүлеп бирелгән. Ул «ТРда 2014-2020 елларда ТР дәүләт телләрен һәм башка телләрне саклау, өйрәнү программасы» кысаларында төшерелгән.  

сылтама: http://tat.tatar-inform.ru/news/2015/09/10/113390/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4677
    11
    118
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13406
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2929
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11689
    16
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    14044
    4
    73
Реклама
Соңгы комментарийлар
  • 3 октябрь 2022 - 22:11
    Без имени
    Фикеремне калдырган идем, нигэдер бик озак тикшерэлэр))). Дэвамын котэм. Зур рэхмэт Авторга! Татарча рэхэтлэнеп укыдым. Раушанияны жэллэдем. Нигэ ул шул хэтлем .... юаш булды икэн?!
    Гомерем усал кайнана, исерек ир белән үтте 11
  • 3 октябрь 2022 - 17:54
    Без имени
    Минем энкэем дэ шулай яшэгэн. Балага узгач(мин,а), энисе(минем эбием) кышкы буранга карамыйча, 100 километр ераклыгына карамыйча, ат ж,игеп чанага, узенен, кызын туган оенэ алып кайткан. Э минем "этием", 42 яшендэ исерек килеш кышкы суыкта, алачыкта тун,ып улгэн, "хатыны"(бергэ яшэгэн бичэсе) "исерек син"дип оенэ кертмэгэч....
    Гомерем усал кайнана, исерек ир белән үтте 11
  • 3 октябрь 2022 - 17:55
    Без имени
    Дэвамын котэм, кадерле Автор!
    Гомерем усал кайнана, исерек ир белән үтте 11
  • 30 сентябрь 2022 - 09:42
    Без имени
    Бер конне Ирегез егетегезгэ узе сойлэп бирэчэк сезнен кем икэнегезне. Ох ялгышасыз. Иргэ ышанма иделгэ таянма, тем более аерылганга
    Газаплы очрашу
  • 30 сентябрь 2022 - 16:56
    Без имени
    Зур рэхмэт сезгэ! Шундыйтэмне итеп язгансыз! Сезнекуреп сойлэшэсе, утырып чэй эчэсе килеп китте.
    «Ике ишек тишеп, икең ике якка чыгарга язмасын...»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда