7 майда Казанда юллар ябыла

7 май көнне «Казан-Арена» стадионында безнең «Рубин» командасы белән Башкортстанның «Уфа» командалары арасында футбол матчы була. Әлеге матч, берочтан, Дөнья чемпионатына әзерлекне сынау да булып торачак. Стадионның, якын-тирә территориянең, волонтерларның, стадион хезмәткәрләре, иминлек хезмәтләренең дә әзерлеген тикшерү булачак бу.
Беләсез инде, быел җәй Казанда футбол буенча Дөнья Чемпионаты узачак. Андый зур чараларны уздыру бик зур әзерлек тә, халыктан берникадәр түземлек тә сорый.

«Соңгы миль» кагыйдәләре буенча (бу термин белән стадионга якын тирәләр атала), әлеге территория транспорт хәрәкәтеннән азат булырга тиеш. Шунлыктан 7 май көнне  көндезге 16 сәгатьтән төнге 10 га кадәр башкаланың «Казан-Арена» стадионы янындагы юллар ябык булачак. Бу тирәдә урнашкан йортларда яшәүчеләр үз ишегалларына кадәр машиналарында уза алсын өчен, йорт белән идарә итүче компанияләреннән пропусклар алырга тиеш. Бер фатирга бер генә пропуск бирелә.
Ә матчка килгәндә, анда керү бушлай билетлар белән. Билетларны матч узасы көнне стадион кассасыннан алырга мөмкин.

Кайсы юл чатларының ябыласын, җәмәгать транспорты маршрутларындагы үзгәрешләрне Казан мэриясенең рәсми сайтыннан белергә була.

фото: https://pixabay.com/
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»