2017 елның «Татар кызы» мәгълүм булды

Ул Татарстан кызы – Гөлназ Гатина. Аның исемен сәхнәдән Татарстанның һәм Башкортстанның халык артисты, Башкортстан Дәүләт җыелышы-Корылтай депутаты Айдар Галимов яңгыратты,  Татарстан премьер-министры урынбасары, «Милли  Шура» рәисе Васил Шәйхразыев машина ачкычын тапшырды, ә Златоуст осталары ясаган җиңүче таҗын «Татар кызы» бәйгесенең узган елгы җиңүчесе, Башкортстан кызы Эдельвейс Ихсанова кидертте. 



Билгеле булганча, «Татар кызы – 2017» быел Уфаның мең кеше сыйдырышлы «Башкортстан» концертлар залында узды. Моңа кадәр, ягъни 2011 елдан башлап, «Татар кызы» бәйгесе Чиләбе шәһәрендә уздырыла иде. Уфада ул аерым «Нәүруз гүзәле» исеме белән үткәрелә килде, соңгы елларда «Татар кызын»ның зона туры буларак оештырыла иде. 2016 елда ул халыкара статус алды. Бәйгене Бөтендөнья татар конгрессы һәм Татарстан Республикасының мәдәният министрлыгы гамәлгә куя. 

Быел да традиция буенча, финалда Россиянең төрле төбәкләреннән һәм Казакъстаннан 12 кыз катнашты. Аларның һәркайсы бер номинациядә җиңүче булды. Тагын биш кыз кунак итеп чакырылган иде. Катнашучылар туган телне, гореф-гадәтләрне, татар халкының тарихын белгән, татарның иң асыл кызлары иде. Алар арасыннан иң гүзәл «Татар кызы»н сайлап алу эшен Бөтендөнья татар конгрессы рәисенең беренче урынбасары Данис Шакиров рәислегендәге жюри башкарды.

Финал тамашасының режиссеры – Гүзәл Акбердина, сценарий авторы – хезмәттәшебез Ландыш Әбүдәрова. Иҗат төркемендә шулай ук актерлык осталыгы буенча педагог Мәхмүт Фатыйхов, хореограф Рәмизә ханым, композитор Афәрим Акчурин, дефиле буенча педагог Елена Лукманова һ.б. бар. 

Җиңүче, «Сөембикә» образын тудырган һәм редакциябезнең махсус бүләгенә лаек булган Гөлназ Гатина – Казан федераль университеты студенты. Ул киләсе елгы бәйгене Татарстанда уздыру хокукын да китерде. 

«Татар кызы – 2017» бәйгесендә катнашкан барлык кызларны да җиңүләре белән котлыйбыз! Милләтебезнең асыл кыйммәтләрен саклап, үз йөзебезне саклап яшик! 




Фото: Рамил Гали. «Татар информ».

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2362
    28
    239
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    6155
    2
    89
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан