Логотип
Камыр ашлары

​Нарат җиләге белән пирог



Бу тәмле пирог Сургут шәһәрендә яшәүче Рәйсә абыстай САМАТОВАдан журнал укучыларыбызга күчтәнәч.

Камыр өчен кирәк:

- 80 г. сыер мае;

- 1 йомырка;

- 4 аш кашыгы каймак;

-​ лимон белән сүндерелгән чәй содасы;

-​ 4 аш кашыгы шикәр комы;

-​ он.

Сыек кына итеп (әмма коймак камырыннан шактый куе итеп) камыр басабыз. Аны кул белән табага җәябез. Мичтә пешереп алабыз.

Камыр пешкән арада эчлек әзерлибез. Ярты стакан каймакка ярты стакан шикәр комы салып бутыйбыз. Бер стакан нарат җиләген алдын юып киптереп куябыз. Камыр пешкәч, аны мичтән алып, өстенә нарат җиләген салабыз. Җиләк өстенә шикәр комы бутаган каймакны яккач, 10 минутка гына яңадан мичкә куеп алабыз.

Без, себерләр, бу пирогны нарат җиләге белән пешерергә гадәтләнгән. Сез исә аны алма яки башка җиләк белән дә алыштыра аласыз.

Тәмле булсын!

Галерея

Следите за самым важным и интересным в Telegram-каналеТатмедиа

Комментарий юк

Хәзер укыйлар