Мәкле пилмән (вареники)

Пилмәннең нинди генә төрләре юк. Аны барыбыз да бик ярата. Пилмәннәрнең эчлеге дә төрле-төрле була. Ә менә мәкле пилмәнне ашаганыгыз булды микән әле? Аның хуш исе чикләвек белән хәлвә тәмен хәтерләтә. Пешерүе дә бер дә кыен түгел. Камыры йомшак, сузылып торучан булырга тиеш. Иң мөһиме: каты булмасын.
 

Кирәк:

* 100 г мәк орлыгы;
* 290 мл сөт;
* 1 аш кашыгы бал;
* 2 аш кашыгы орлыксыз йөзем;
* пычак очында гына бер чеметем ванилин.


Камыр өчен:
* 1 кечерәк йомырка;
* 1 чеметем генә тоз;
* 1/4 стакан су;
* 1-1,5 стакан он.
 


Эш барышы:

  1. Калын стеналы кәстрүлгә мәк орлыкларын салып, өстенә сөт агызып, утка куябыз. Кайный башлаганчы тотабыз.



2. Өстен капкач белән каплап, сөте парга эйләнгәнче бер сәгать чамасы сүрән генә утта тотабыз. Менә бу этапта мәк инде тәмләнә.



3. Бүрткән мәкне изгәлибез (растираем в ступе) яки блендерда ваклатабыз.



4. Әлеге катнашмага йөзем, 1 аш кашыгы бал, ванилин өстәп, болгатабыз. Хуш иснең татлы мизгелләре менә шушы минутта инде! Әйтергә кирәк: эчлек юеш булырга тиеш түгел, ә киресенчә – таралып торырга тиеш.


5. Пилмәнгә баскан кебек камыр басабыз. Аның өчен иләнгән он өстенә бер күкәй сытабыз, су салабыз, бер чеметем генә тоз өстибез һәм әйбәтләп болгатканнан соң, камырны басабыз.



6. Әзер камыр ярты сәгать торырга тиеш. Аннан,  2-3 мм калынлыкта җәймә җәеп, шуннан түгәрәкләр ясап, уртасына берәр чәй кашыгы эчлек салып чыгабыз да кырыйларын матур итеп бөреп куябыз.


7. Иркен кырлы кәстрүлдә су салып, тоз өстибез. Кайнап чыккач, суны уртадан кашык белән болгатып, су дулкын сыман булгач, тиз генә шунда пилмәннәрне салып җибәрәбез. Күпереп чыкканнан соң, 2 минутлап кайнатабыз.


8. Әзер пилмәннәрне эретелгән атланмайлы табага салып, селкеткәли-селкеткәли, бер минут чамасы утка куеп алабыз.Бәйрәм күрке булган бу пилмәннәрне табынга кесәл белән чыгарабыз. 


Ашларыгыз тәмле булсын!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 7 июль 2022 - 00:42
    Без имени
    Вкусно получилось!
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    8192
    2
    55
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2486
    0
    40
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4791
    0
    38
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3898
    1
    33
  • Айгөл + Линар Бу язма – Татарстанның атказанган артисты Айгөл Бариеваның көндәлекләре. Аларда – ире Линар белән танышу тарихы, әнисен югалту ачысы, татар кызының ерак себердә дә үз юлына тугрылык саклавы, туган якка бөтенләйгә кайту шатлыгы. Ихлас, самими хатирәләр...
    4357
    2
    29
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда