Ләвәштән чипсылар

Гадәттә, ләвәш чүпрәсез әзерләнә, анда бары тик су һәм он, шуңа күрә алар зарарсыз да, файдалы да. Аларны әзерләү бернинди дә мәшәкать тудырмый. Чипсы яратучылар өчен менә дигән!
 

Кирәк:

* 200 г әрмән ләвәше;
* ярты чәй кашыгы паприка;
* ярты чәй кашыгы корейча кишер өчен аш тәмләткече;
* тәменчә тоз;
* 1 аш кашыгы зәйтүн мае.
 

Эш барышы: 

1. Ләвәшне берничә кат итеп төрәбез дә кайчы белән шакмакларга тураклыйбыз.


2. Туракланган ләвәш шакмакларын полиэтилен капка салабыз, шунда ук паприка, тоз, башка төрле аш тәмләткечләре кушабыз.


3. Шул ук капка 1 аш кашыгы зәйтүн мае агызабыз. Пакетның авызын бәйләп, аш тәмләткечләр белән май бертигез сеңсен өчен, бик  әйбәтләп селеккәлибез.


4. Аннары шул ләвәш шакмакларын юка гына итеп «антипригарный коврикка» тезеп чыгабыз да 10-15 минутка 200 градуска кадәр кызган духовкага куябыз. Алай да үзегезнең духовкагызның җаена таяныгыз, чөнки шакмаклар бик тиз кибеп өлгерә.


5. Әзер чипсылар алсу төскә кереп, кетердәвекле, сынучан булалар.


Чипсыларны герметик савытта саклыйбыз.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...