Бәйрәмчә балыктан койка

6 өлеш өчен: 

* 600 г кета балыгы;
* бер пешкән кишер;
* бер баш суган;
* ике-өч пешкән йомырка;
* өч аш кашыгы желатин;
* дәфнә яфраклары, борыч, тоз, канәфер, яшел тәмләткечләр;
* консервланган яшел борчак яки зәйтүн;
* лимон.

 Әлеге ризыкны бәйрәм алды кичендә ясап кую уңайлы. Мәшһүр «Ирония судьбы, или С легким паром» фильмы геройлары кебек төкеренеп утырмас өчен, балыкны кыл­-чыклардан бик җентекләп арындырабыз. 


Эш барышы:
Алдан желатинны бер стакан суда 40 минут җебетәбез.

Балыкны салкын сулы кәстрүлгә куеп пешерә башлыйбыз. Су кайнап чыккач, турамыйча гына суган, кишер, борыч, тәмләткечләр салып, 20-25 минут кайнатабыз. Тозлыйбыз. Балыкны кәстрүлдән алып, шулпаны сөзәбез. Бер аш кашыгы лимон суы агызабыз. Кәстрүлне утка куеп, әкрен генә желатин өстибез, болгатабыз да уттан алабыз.

Балыкны кылчыкларыннан арындырып,  савытка тигезләп салабыз да шулпа агызабыз. Савытны 2 сәгатькә суыткычка куябыз. Желе катканнан соң, түгәрәкләп туралган кишер, йомырка, борчак, яшелчә салып, әкрен генә калган шулпаны агызабыз да яңадан суыткычка куябыз.

 Лимон суы шулпага үзенә аерым бер тәм өстәячәк.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан