Уңыш серләре

Карьера ясыйсыгыз киләме?(3)

автор, 4 апрель 2018 - 00:00
1832
0
0
Атаклы бизнесмен Том Маркет киңәшләрен бирүне дәвам итәбез.
 
Җитәкчегезне яхшылап өйрәнегез
Аңа мәгълүматны ничек җиткерергә? Бу сорауга җавапны яхшы белергә тиеш сез. Һәр җитәкче үзенчә кабатланмас, һәм һәркайсы нинди дә булса яңалыкка мөнәсәбәтен үзенчә белдерә. Мөһим әйбер турында хәбәр итәсегез булса, җитәкче аны нинди формада алырга теләгәнен ачыклагыз: кыска  меморандум рәвешендәме, телефоннан шалтыратыпмы, тавышлы почтаданмы, бәлки, ул СМС-хәбәргә дә ризадыр. Җитәкче белән эффектив аралашуның беренче кагыйдәсе: аңа ничек җайлы, информацияне шул формада җиткерергә! Мин, мәсәлән, үземә тиз һәм кыска итеп аңлатуларын телим. Техник белемем юк, шуңа күрә коллегаларым махсус терминология кулланып сөйләшмәү ягында. Мин ял көннәрендә шалтыратуларын яратмыйм. Якшәмбе командировкага җибәрүләрен җенем сөйми. Балык яратмыйм. Соңга калып әзерләнгән кичке ашлар миңа ошамый. Мин кечкенә автомобильгә сыймыйм... 
Шуның кебек, җитәкчегез турында да мөмкин кадәр күбрәк белегез. Аңа бик кирәкле клиент итеп карагыз. Җитәкчене үз ягыгызга авыштыру өчен кулдан килгәннең барысын да эшләгез. 
 
Җитәкченең хатыны белән дуслашыгыз
Боссның хатыны белән дусларча мөнәсәбәт тә әһәмияткә ия:  ул карьерагыз үсешендә хәлиткеч роль уйнарга да, сезне түбән тәгәрәтергә дә мөмкин. Җитәкче хатыны белән күп тапкырлар аралашырга туры килер. Сез һәрвакыт уңай тәэсир калдырырга тиеш. Барып чыкса – яхшы, нейтраль калу – шулай ук начар түгел, әгәр инде аңа ошамасагыз, җитәкчегез сезнең хакта күңелсез сүзләр дә ишетергә мөмкин. Боссның хатыны белән аралашканда эш турында сөйләшмәскә тырышыгыз. Берүк конфронтациягә бармагыз. Боссның хәләл җефетен ошатмасагыз, нейтраль позицияне сайлагыз.
Бу кагыйдәләрне мин үз тәҗрибәмдә өйрәндем. Хатыным белән машинада эштән кайтканда һәр хезмәткәр турында ярыйсы ук тулы һәм төгәл комментарийлар ишетә идем. Яшермим, миңа ошый иде. Ул кешеләрне таный белә. Озак еллар дәверендә ниләр генә ишетмәдем: берсе эчүчелеккә сабышкан, берсе бик тупас, кайсысыдыр интригаларга оста, кемдер минем исемне дә белми икән...
Әйтәсе сүзем: үзегезне яхшы яктан гына күрсәтергә тырышыгыз.
 
Дөрес киенегез
Карьера очышында сезнең ничек киенүегез дә хәлиткеч роль уйный. Әгәр сез күзгә босс кебек күренмәсәгез, босс була да алмаячаксыз. Протокол киеме дә, формаль булмаган киемнәр дә булсын гардеробыгызда. Акчагызны дөрес маркаларга тотыгыз – һәрчак стиль буенча киенегез. Гардеробыгызны кирәксез әйберләр белән тутырмагыз, ләкин анда һәрчак караңгы-зәңгәр костюмыгыз эленеп торырга тиеш. Хатын-кызның да, ир-атның да һичьюгы бер «отышсыз варианты» – ак күлмәк йә блузка белән караңгы-зәңгәр төстәге шәп сыйфатлы костюмыгыз, шуңа туры килеп торган туфлиләрегез булсын. Югары даирәдәгеләр белән очрашканда менә шуларны кияргә кирәк! Визуаль тәэсирләр хәтергә уелып кала. 

Карьерам башланган гына чакта мин гардеробка кагылышлы сорауларны дөрес хәл итә белми идем әле. Менеджерым мине киенүдәге бөтен нечкәлекләргә өйрәтте. Бервакыт ул мине кабинетына чакырды һәм утырып торырга кушты. Өстәлендә модалы киемнәр каталогы ята иде. Телефоннан үзе өчен алты костюмга заказ бирде. Сөйләшү ахырында миңа: «Бу зәңгәр костюмга заказ бир үзеңә», – ди. Ул чактагы акчам өчен шактый кыйммәт иде. Соңыннан гына аңладым: заказлар биргәндә тикмәгә генә кабинетына чакырмаган инде. Дөрес киенмәвемә бер ишарә булган ул. 
 
Соңгы штрих турында онытмагыз
Тышкы кыяфәтегезне яхшырак күрсәтү өчен бер-ике штрих та җитә. Сыйфатлы фирма сәгатен тагып йөрегез (ул арзан була алмый). Классик стильне сайлагыз: алтын йә көмеш чылбыры теләсә нинди каеш, туфлиләр белән туры килеп торсын. 
Алтын каләмле ручкагыз булсын. «Уотермен» йә «Монблан» фирмасы булса, яхшырак. 
 
Ирләргә берничә пар стильле күлмәк җиңе каптырмалары булдыру зарур. Дизанерлар эшләгән каешыгыз аяк киемегез белән туры килеп торсын. Кара туфли – кара каеш. Көрән туфли – көрән каеш. Кара туфли көрән каеш белән сезне чын ахмак итеп күрсәтәчәк.              

фото: https://pixabay.com

Теги: карьера

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Төркәлү
Cимвол калды:
Шушы ук темага
Хәзер укыйлар
  • Язмыш
    Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9460
    10
    114
  • Күңелеңә җыйма
    Бәхетле булырга хакым бар!  Мин кияүгә 25 яшемдә чыктым. Яратып чыктым...
    9589
    8
    78
  • Күңелеңә җыйма
    Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    5273
    4
    62
  • Проза
    Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    4055
    0
    44
  • Проза
    Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6474
    2
    30
Реклама
Соңгы комментарийлар
Реклама
Фотогалерея
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
Барлык язмалар
© 2011 - 2021. Сөембикә. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Сөембикә
№ свидетельства о регистрации СМИ, дата: Эл № ФС77-67913 от 6.12.2016 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Маликова Лариса Николаевна
Адрес редакции: 420066, г. Казань, ул. Декабристов, д. 2
Телефон редакции: (843) 222-09-77
E-mail редакции: suumbike@tatmedia.com, ssuum@yandex.ru
Для сообщений о фактах коррупции suumbike.dir@tatmedia.com
Учредитель СМИ: АО «ТАТМЕДИА»
Политика о персональных данных
Антикоррупционная политика
Телефон АО «ТАТМЕДИА»: (843) 222 09 84
Яндекс.Метрика
16+