Серле кеше

Алия йокысыннан күз яшьләренә чыланган килеш уянып китте. Үзе һаман нидер сөйләнә, кемгәдер дәшә, ачыргаланып чакыра. Нинди бәхетле иде ул төшендә!..

Җәйнең иң җылы кичләренең берсендә үзеннән ике яшькә яшьрәк, әле укуын да тәмамларга өлгермәгән Фаил белән танышты ул. Егет үзенекен итсә итте, ләкин кызның кесә телефонының номерын ул кичне кулына төшерде. Ә кыз Фаилгә артык игътибар бирмәде, аның каршында башка егетләр белән аралашуын, хәтта бу аралашуның күңелле булуын да егеткә сиздерергә онытмады. Ярсыды Фаил – аның бер күрүдән гашыйк булган Алиясен башкалар белән бүлешәсе, хәтта күрештерәсе дә килмәде.

Теләсә кемнең күзе төшәрдәй чибәр иде шул Алия. Ходай тутырып биргән аңа алсу таңдай гүзәллекне. Егетләрне матурлыгы белән генә түгел, җор теле, сөйкемле елмаюы белән дә таң калдыра белде ул. Егетләр дә игътибарсыз калдырмадылар үзен. Балга, майга төреп, матур сүзләрен дә, соңгы акчага алынган чәчәк бәйләмнәрен дә кочак-кочак китергәләделәр алар. Тик кыз үзен горур тотты, шулай тиеш кебек кабул итеп, кайчак рәхмәт сүзен дә ишеттермәде ул. Ә хыял диңгезендә йөзгән егетләр, ярга чыгарга ашыкмадылар. Алар, диңгез эченә кергән саен, матуррактыр, ниндидер серлелек бар, аны бүген булмаса, иртәгә үзебезнеке итәрбез дип уйладылар. Мәхәббәт сукырайта шул кешене. Уттан чыгып җитмичә, суга әйләндерә дә ташлый. Ярый ла, көймәләр якында булса...

Фаил бүген дә көнозын Алияне уйлады. Үзенчә аның белән дә сөйләште, көлеште. Бу сихри мизгелләр егеткә яңача көч, дәрт өстәде. Ул барысы да алда булуына ышанды. Алияне ничек яулау ысулларын кат-кат уйлады ул. Тик кызның үзен генә түгел, башка егетләрне дә ничек читкә этәргәнен искә алып, барлык уй-хыялларын сызып ташлады. Шулчак егет әбисе белән бабасының ничек танышканнарын искә төшерде. Бик серле аралашып киткән бит аның әби-бабасы. Ул вакытта телефонның «т» хәрефе дә булмаган, шуңа күрә яшьләр хат аркылы аралашканнар. Әбисе Нәгыймәне бабасы атна кич авылдашы Рәхилә белән җыенга җыелган вакытта ошатып калган. Шул кичтән соң, атна саен хат, ә хат эчендә мәхәббәткә төренгән татлы сүзләр юллаган Нәгыймәсенә. Нәтиҗәсе күзгә алдында: алар менә 53 ел бер-берсенә терәк булып, янәшә атлыйлар.

Барлык уй-фикерләрен дә бергә җыйнап, Алиянең телефонына матур итеп смс хәбәр, шигъри юллар җибәрә башлады Фаил. Тик үзенең кем булуын әйтмәде: бу аралашуга тагын да күбрәк серлелек өстәде. Күрешкәндә дә, Алияне читтәнрәк күзәтә ул. Туып килгән мәхәббәт учагына читтән генә утын өстәп, җил-давылдан саклый. Алиядә дә үзгәрешләр сизгәли Фаил. Кыз, үзе генә калырга ярата башлады, күренеп тора – уй-хыяллар диңгезендә йөзә...

Серле аралашу ярты ел дәвам итте. Фаил дә укуын яхшы гына тәмамлап, калага укырга чыгып китте. Читтән торып укырга кереп, эшкә урнашты. Кесәңдә кереп рәхәтләнеп ашап чыгарлык та акчаң булмау яшәүмени инде ул дип, керемле эш әзләп, тырышып-тырмашып теләгенә иреште.

Алсу да көндезләрен укыса, кичләрен официант булып эшкә урнашты. Моны белеп алган Фаил, иптәш егете белән Алия эшләгән ресторанга килгәли башлады. Кыз, әлбәттә, Фаилне таный, ләкин сер бирмәскә тырыша. Егет тамак ялгарга килгәндә, чәчәк бәйләме дә кыстырып килгәли, матур сүзләрен дә җәлләми. Смс белән шигъри юллар җибәрүен дә дәвам итә.

Ә Алия билгесез мәхәббәтенә инде күптән гашыйк... Ул аның хакында беркемгә дә сөйләми, сер чишми. Шуңа да башкаларны якын китерми, аралашмый. Шуңа күрә Фаилнең букетларын да теләр-теләмәс кенә ала.

Бер кичне Фаил Алияне озата кайтырга рөхсәт сорады. Соң булгач, кыз каршы килмәде: ара ерак булмаса да, сөйләшеп кайтырга кеше булыр дип уйлады.

Шул кичтән соң аралашып, дуслашып киттеләр алар. Дуслык озакка сузылып, мәхәббәт мәгънәсен югалтмасын өчен, Фаил үз серен бер кичтә чишәргә уйлады...

Гаҗәпкә калды кыз: сөенергә дә, көенергә дә белмәде. Ул бит ниләр генә уйлап хыялланмады. Ә аның бер елга сузылган мәхәббәте янәшәдә генә булган икән...

Тик бәхетләре генә озакка бармады шул. Фаил, төзелештә эшләгән вакытта бәхетсезлеккә тарды: егылып төшеп, комага китте. Алия аның яныннан көне-төне, атналар буе китмәде. Әмма Фаилне аның мәхәббәте дә, табиблар да саклап кала алмады...

Бүгенгедәй аның төшләрә һаман «серле егет» булып керә ул. Кызга шигъри юлларын җибәрә:

Икәү атлаган сукмаклар
Нигә аерылды икән?
Күпме көткән бәхетебез
Шулай югалыр микән?


Юк, юк, югалмый Алиянең Фаилгә карата булган мәхәббәте. Ул бит аның күңеленә үтеп кергән бердәнбер «серле кеше»!..

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    7331
    1
    104
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    5311
    1
    87
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    4617
    4
    74
  • Салават Илсөянең гомерен коткарып калган Җырчы Илсөя Бәдретдинова Салаватка: «Минем гомеремне коткарып калучым», – ди. Болай әйтүенең сәбәбе белән кызыксындык. 
    12824
    4
    65
  • Вәсилә Фәттахованың ире Илгиз: «Минем иң якын кешем... Мәңгелеккә!» Вәсилә Фәттахова арабыздан киткәнгә бүген 5 ел. «Әнисез 5 ел. (31.12.1979-26.01.2016)» дип язган бүген төнлә ире Илгиз үзенең инстаграмдагы битенә. Без яраткан җырчысыз калсак, ире Илгиз сөекле хатынсыз, балалары Кәрим белән Камилә әнисез калды. Вәсиләсез тормыш, җырчыга багышланган китап, тормыш турында уйнанулар Илгиз Әбдрәкыйпов белән әңгәмәдә. 
    23253
    2
    48
Реклама
Соңгы комментарийлар
  • 25 февраль 2021 - 18:08
    Без имени
    Урыска кияъгщ чыкмаган инде ул , чыкса . ьщллщп тормас иде . Щнисе хат язган бит , алып кайтма авылга диеп . Димщк , рус егетенщ чыкмыйча , икенче берщъгщ , яратмаган кешесенщ чыккан кияъгщ дщ . Яратмаган кешесе булгач . улында яратмый инде , оныгында . Щ язылышы , чыннан да , килделе - киттеле . икенче тцрлерщк . матур итеп язарга була иде .
    Язмыш җиле
  • 25 февраль 2021 - 19:23
    Без имени
    Мило
    «Әни, син мине әллә Парижда дип беләсеңме?!»
  • 25 февраль 2021 - 05:31
    Без имени
    Бик матур язылган. Нэжибэ апа шул. Э карт бик кызганыч. Ник балалары шулай михербансыз булган?!. Анлашылмый. Кузгэ яшьлэр килдеее.
     Тукталыш
  • 24 февраль 2021 - 11:47
    Без имени
    Еладым….
    Вәгъдә йөзеге
  • 24 февраль 2021 - 11:48
    Без имени
    Хэзер шарлатаннар куп, элек настоящийлар булган
    «Фәрештәләр төшемдә дога өйрәтте»
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...