«Татар гаиләсе / үрнәк алыгыз» бәйгесендә катнашу шартлары

Татарстан Республикасы Президенты каршындагы Татар телен саклау һәм үстерү мәсьәләләре комиссиясе һәм «Сөембикә» журналы «Татар гаиләсе / үрнәк алыгыз» дигән конкурс оештыра. 

Бәйгенең бурычлары: татар гаиләсендә әби-бабалардан күчкән традицияләрне саклау, аларны киләчәк буыннарга тапшыру, гаилә институтын ныгыту, туган телне, йолаларны, гореф-гадәтләрне, рухи кыйммәтләрне, динне ничек саклап калу мөмкин икәнен күрсәтү, балаларда туган телгә мәхәббәт уяту серләрен ачу, татар гаиләсенең үрнәк моделен сурәтләү. 

Конкурс 2021 елның 1 гыйнварыннан 2021 елның 16 декабренә кадәр дәвам итәчәк. Республикабыз авылларында яшәүче, бөтен татар дөньясына үрнәк булырдай татар гаиләләре турындагы язмалар «Сөембикә» сайтында һәм журнал битләрендә урын алачак. 

Бәйгедә катнашу шартлары: 

• гаиләнең барлык әгъзалары да туган телдә сөйләшү, 
• әби-бабалардан күчкән традицияләрне саклану, 
• буыннар бәйләнеше ачык күренү, 
• туган ягын яшәтү, таныту, үстерүгә гаиләнең үз өлешен кертү.  

Язмаларда язылган гаиләләрне җиде кешедән торган жюри бәяләячәк. Җиңүчеләр шушы уңайдан оештырылган фотокүргәзмәдә тантаналы шартларда бүләкләнәчәк. Ун гаиләгә 50 шәр мең сум күләмендә акчалата бүләк һәм дипломнар биреләчәк. Бәйгедә катнашкан гаиләләрнең барысына да «Рәхмәт хаты» тапшырылачак.

Мондый гаиләләр турындагы мәгълуматны 2021 елның 1 августына кадәр түбәндәге ысуллар белән җиткереп була:

• почта аша: 420066, Казан, Декабристлар ур., 2 нче йорт, «Сөембикә» журналы редакциясе;
• телефон аша: 8 (843) 222-09-77;
• электрон адрес: ssuum@yandex.ru. 

Бәйгенең нигезләмәсе