"Мин каршы килмəдем": Нурминский Элвин Грейга карата мөнəсəбəтен аңлатты

Татар рэперы саналучы Альберт Нурминский үз тамашаларында татарча ике генə җыр башкара. Азатлык хəбəрчесе аннан татарча нигə аз җырлавын, аны кемнəр тыңлавын, килəчəккə планнарын белеште.
2018 елның октябрендə билгеле автор-башкаручы (рэпер) Альберт Нурминский белəн Хəтер көне турында сөйлəшкəндə аның Инстаграмда 45 меңнəн артык укучы булса, хəзер бу сан 220 меңнəн арткан. Сəбəбе – урысча җырлар башкарып, рус телле тыңлаучыларны да җəлеп иткəн. Русия күлəмендə гастрольлəре башланды. Хəзер Альберт татарча бик аз җырлый, əле дə Татарстанның Балтач районы Норма авылында яши. Без аның белəн Казанда очрашып, татарча нигə аз җырлавы, Элвин Грей белəн дуслыгы, соңгы яңалыклары турында сөйлəшеп алдык.

– Татар рэперы булып саналсаң да, татарча бик аз башкарасың. Сəбəбе нидə?

– Чөнки русча җырлар хəзерге көндə актуальрəк. Аларны халык күбрəк тыңлый. Мин татарчаны ташладым дип əйтмим, ул булачак. Тагын да зуррак масштаблар алгач, татар егете булуымны əйтəчəкмен һəм татарча берничə җыр башкарачакмын.

– Репертуарыгызда ничə процент татар җырлары һəм ничə процент русча җырлар?

– Хəзер минем татарча җырларым якынча 1-3 процент тəшкил итə. Шуңа да карамастан, мин кайда гына булсам да, бөтен җирдə татарча ике иң əйбəт җырымны башкарам.

– Яшьлəр арасында гимн булырлык татарча берəр җырыгыз бармы? Салават Фəтхединовның "Мин яратам сине Татарстан"ы кебек.

– Белмим. Яхшы идея, тик ул бит бездəн тормый, кеше ничек кабул итүдəн тора.

– Сезнең өчен уңыш нəрсə ул?

– Менə кеше миңа яза тавышың матур, тематикаң ошый дип, кемгəдер көйлəр ошый. Чөнки алар заманча, ягъни кешелəрнең җырларымны тыңлавы минем өчен уңыш.

– Җырларыгызны үз студиягездə яздырасызмы?

– Без монда бөтенебез Казанда бер студиядə яздырабыз. Гомуми студия инде ул. Анда минем яздырганны кеше белгəч, шул студиягə кызыксыну арта.

– Җырчы Ришат Төхвəтуллин татар җырчыларына кыйммəтле тавыш яздыру техникасы җитми дип əйткəн иде.
Америка белəн чагыштырганда безнең техника арзанрак һəм сыйфаты ягыннан да начаррак дип саный ул. Сез
бу фикер белəн килешəсезме?

– Юк, сəлəт булса, бернинди техника кирəк түгел. Техника бар, гади булса да, менə бит ясыйбыз, нəтиҗə бар. Мине күтəргəн иң беренче русча җырым өйдəге гади микрофонга яздырылган иде. Аның бюджеты 500 сум. Əмма ул җыр, ике ел элек чыккан булса да, бүгенге көндə дə актуаль. Эш техникада түгел. Техниканы табып була, ə менə дөрес итеп тəкъдим итə белү авырырак. Иң мөһиме – сəлəт һəм аны дөрес куллана белү кирəк.

– Хейтерларгыз, ягъни сезне яратмаучылар күпме?

– Бар инде алар.

– Җавап кайтарасызмы аларга?

– Юк инде. Алар булсын, тормыш рəхəт булып тоелмасын өчен. Вакытында урынга бастыра белергə тиешлəр, аларсыз булмый.

– Яңа гына Элвин Грей белəн бергə башкарган "Сине сагынам" җырыгыз дөньяга чыкты, ничек популяр эстрада
җырчысы белəн дуэт җырларга булдыгыз?

– Без аның белəн дуслар. Кунакта чəй эчеп утырганда сөйлəшеп киттек тə инде, 12 ел элек язылган җырым бар, шуны
җырлыйк əле, диде Радик. Мин каршы килмəдем. Менə килеп тə чыкты. Бу сөйлəшү Радикның туган көне алдыннан (17 май) булды. Май азагында "Пирамида" залында аның туган көн тамашасында бергə бу җырны башкарып күп тыңлаучыларыбызны
шатландырдык.
– Ничек сиңа Элвин Грей, җырлавы ошыймы?

– Ул – молодец. Минем стильдə булмаса да кеше килə, кеше тыңлый, аларга ошый. Радикның (Элвин Грей) тыңлаучыларны башка, анда минем аудитория түгел.

– Сезнең аудитория –кемнəр? Ничə яшьтəгелəр?

– Минем тыңлаучыларым – күбесе егетлəр, яшүсмерлəр. Тематикам – "пацанский".

– Кызлар да тыңлый дип белə идек...

– Əйе, алар да тыңлый. Концертта да җырларымны белəлəр. Əмма мин бик үк килешеп бетмимдер кебек алар өчен. Əмма күрəсез, аларга да ошый.
– Казанда Элвин Грей кебек берничə көн "Пирамида" залында концертыгызны оештырыр идегезме?
– Əйе, Алла бирсə, барысы да алда дип уйлыйм.

– Димəк телəк бар?

– Əйе, əлбəттə. Ə ник булмасын ди? Менə 1 мартта Казанның Люксор төнге клубында чыгыш ясадым, анда кеше сыймады.

900дəн артык кеше булды. Чират урамның теге ягыннан ук башланган иде.
– Ə стадионнар турында уйламыйсызмы?

– Əле иртəрəктер дип уйлыйм. Килəчəктə ансы да булыр.

– Планда тагын татар җырларын язу бармы?

– Планда бар, язылмаган гына. Əлегə фикерлəр генə бар.

– Нинди темага?

– Хəзер үк əйтə алмыйм. Гадəти темалар булыр. Җырдагы шикелле “кайчан да булса булачак” дип җавап бирə алам. Əлегə рус аудиториясе белəн эшлибез. Татарча да яза алам, əмма яздым да бетте түгел бит. Аның өчен күп эшлəргə кирəк. Минем базам бар, шуңа күрə барысы да булачак, Алла боерса.

тулырак: http://matbugat.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Гөр-гөр килеп яшәү «Бар әле...» дигән эш барлыгын беләсезме? Без белми идек, Актаныш районы Пучы авылында аңлаттылар.
    3180
    5
    122
  • Сихерләнгән йөзек Лилиананы бүлмә уртасындагы урындыкка утыртты Һаҗәр апа. Үзе, уң кулын кызның башына куеп, дога укый башлады. Биш минут чамасы үтте бугай. Шул вакытта кеше ышанмаслык хәл булды...
    10703
    5
    103
  • Җизнәм Көнозын елап ятам, миндә берәрсенең эше булсачы! Чынында еламыйм да инде хәзер, туйдым, күз яшьләре дә чыкмый, көчәнсәм дә.
    10229
    5
    67
  • «Бүтән әнием юк...» – Әнием Картлар йортында минем...
    8790
    11
    61
  • Дуслыкның чиге бармы? Искән җил аның күлмәген тәненә сылады да, түгәрәкләнеп килгән корсагы сизелде. Ир моны күреп, тетрәнеп китте. Ул сүз әйтә алмаслык дәрәҗәгә җитте. Хатынының корсагыннан күзен ала алмады.
    5507
    0
    57
Реклама
Соңгы комментарийлар
  • 26 ноябрь 2021 - 17:41
    Без имени
    Ришат бэхетле булыгыз концертынны карадым тетевизордан семья белэн искиткеч мэгнэле матур Мишэрский эйтсэм натуральный булды Унышлар балам сина хэр яклап бик матур жырлыйсыз!!!
    Ришат Фазлыйәхмәтов: “Начар сүз әйтүчеләр Тәтишкәмне белми...”    
  • 26 ноябрь 2021 - 19:18
    Без имени
    Ришат,хатынын,а Тэтишкэм дип эйтмэ,ярармы? Ул бит уенчык тугел.Татар телендэ яраткан хатынына эйтэ торган матур сузлэр бик куп:ж,аным,куз нурым,былбылым...
    Ришат Фазлыйәхмәтов: “Начар сүз әйтүчеләр Тәтишкәмне белми...”    
  • 26 ноябрь 2021 - 08:49
    Без имени
    Элбэттэ, мондый очракта хатын-кыз бик авыр хэлгэ юлыга. Кунакларны хезмәтләндерү хатын-кызга тошэ, эзерлэу, юу, якты йөз курсэту. Ботен кеше дә алай булдырылмый. Монда аңлашу юлын эзләргә кирэк. Болай хисләренә ирек биргәндә, узенне алама кеше итеп курсэтергэ момкинсен. Мондый очракта ир кеше дә башын эшлэтергэ тиеш. Кэусэр
    Иремнең туганнары...
  • 24 ноябрь 2021 - 17:17
    Без имени
    Безнен авылга мед училишаны бетереп яшь фельдшер килде каядыр бер 60 елларда.Без элдя балаларгына идек Узе урыс идеТося апа дия идек. Гомере буе эшляде ,кон или тон дими иде.Безнен авылда иргядя чыкты ике баласыда булды. Бик матур тормош иттеляр.Тося апа бик яхшыкеше..Бик куплярне улемнян коткарды эчудян калдырды.Эле инде анарга каядыр 86 яшендя ул.Тагын сауляклы бяхетле аллахы умер бирсену узеня.Без аны эледя яратабыз и хормят итябез.А
    Кайтаваз
  • 24 ноябрь 2021 - 13:13
    Без имени
    🙏👍
    Кышкы былбыллар. № 2.
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан