Булат Бәйрәмовны кызык иткәннәр


Булат Бәйрәмовның хәләле Ләйсән Гыймаеваның Мөслим ягыннан икәнен беләсез инде. Ә Булат үзе – Әгерҗедән. Өйләшенеп, бергә яши башлагач, яшь кияү белән яшь киленне Мөслим якларына кунакка чакырганнар. Татар халкында бу матур гадәт әле дә яши: туган-тумача яшьләрне кунакка чакырып, рәхәтләндереп бер сыйлый, кунак итә. 
«Тәкә пешерәбез», – дигәнне ишеткәч, Булат бигрәк тә кызыгып куйган. Яшь тәкә итеннән шашлыгы да тәмле була, учакта пешкән хашламасы, пылавы... Кыскасы, авызыннан сулар килгән егетнең. 
Кайтканнар, бераз кунак булганнар. Ниһаять, тәкә турында да сүз чыккан. «Бүген тәкә пешерербез әле», – дигәнне ишетеп, Булат инде җиңнәрен үк сызгана башлаган. Үзегез беләсез, сугым булган көнне өйдә эш һәркемгә җитәрлек. Тәкәне тотасы, егасы да бар бит әле. Пычакларын да алдан ук кайрап, үткенләп куясы, дигәндәй... Ләкин күпме генә көтсә дә, тәкәне тотып егучы күренмәгән. Аптыраган Булат. «Үзләре тәкә пешерәбез, диләр, үзләре һаман кымшанмыйлар...» Хатын-кызлар гына кухня якта чыш-пыш килеп нидер пешерә икән үзе. Өйгә тәмле таба ризыгы исе таралган. Инде бүген тәкә булмады, ахрысы, дип утырганда, Булатны табынга дәшкәннәр. 
Өстәл уртасындагы тәлинкәгә хуш исле пар бөркеп торучы сумсалар өелгән. Аны урталайга ярып, өстенә эретелгән атланмайны мулдан салып ашыйсы икән. 
Бәрәңге белән суганны вак кына итеп турап, әнис орлыклары кушып пешерелгән бу сумсалар шулкадәр тәмле, авызда эреп китәрлек булган! 
Сумсаларны сыпыртып, амин тотып куйгач, «Йә, кияү, ничек сиңа безнең «тәкә», ошаттыңмы?» – дип сораганнар. «Кайда тәкә? Әле тәкәдән авыз иткән булмады бит?!» – ди икән Булат. «Ничек булмады? Әле генә бер тәлинкә «тәкә»не ялт иттердек!» – дип көлешкән табындагылар. 
Баксаң-күрсәң, Мөслим якларында мондый сумсаларны «тәкә» дип атыйлар икән. 
Сезнең якларда сумса-пирожкиларны ничек атыйлар? Еш пешерәсезме «тәкә»не? 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (2)
Cимвол калды:
  • 16 гыйнвар 2021 - 09:16
    Без имени
    Төрмэ, тэкэ дилэр, Башкортостан, Илеш районы.
  • 15 гыйнвар 2021 - 13:15
    Без имени
    кэкре дилэр Туймазыда Башкортостан
Хәзер укыйлар
Реклама
Соңгы комментарийлар
  • 19 сентябрь 2021 - 21:40
    Без имени
    Нишләп гариза бирмәскә, һичшиксез бирергә!!! Бер йөргән кеше гел йөреячәк.Хатыны шуңа күнә икән, әле мыскыл итеп яшәячәк.
    Хыянәтне кичермәгез!
  • 19 сентябрь 2021 - 18:59
    Без имени
    Рәхмәт... тетрәндерде!🌹🌹🌹
    Кәләш
  • 19 сентябрь 2021 - 22:03
    Без имени
    Нәкъ минем тарих.... Иремнең хыянәтен кичерә алмыйча, 6 ел туплаган дөньябызны калдырыр, балаларым белән чыгып киттем.Минем караватта хәзер башка хатын.Мин утырткан бакчабызның җимешләрен ул җыя... Шулай тиеш булган дип яшим, үпкә сакламаска тврышам.Аллаһе тәгала шул югалту хисабына үземә һам балаларыма сәламәтлек, бәрәкәтле гомер бирсен дип яшим.
    Теләк
  • 20 сентябрь 2021 - 11:25
    Без имени
    йәшлекте иҫкә төшөрҙөгөҙ,рәхмәт. Әле "варёнка ""банан "салбарҙары иҫкә төштө . Баҡсаға төшөү ,ламбадаға бейеүҙәр ,өйгә һиҙҙермәй инеп ятыуҙар.
    Дискотека
  • 17 сентябрь 2021 - 07:08
    Без имени
    Астагы фикерләрне укыдым да, язарга булдым әле. Әни кешене бит беренче чиратта кызының никахсыз яшәве борчый. Өйләнмичә генә яшәуне гадәти хәл итеп карый купчелек хатын-кыз. Гражданский брак, дигән булалар. Сожительство ул. Гражданский брак - ЗАГСта теркәлу ул. Дин буенча өйләнешуне тыйган Совет заманында туган суз. Ничек кенә булмасын, официаль рәвештә өйләнмәгән егет уз өстенә җаваплылык алмый бит. Димәк, теләсә кайсы вакытта ташларга мөмкин. Әнине шул борчый. Кызык, , балага узганмын бугай, дисә, егет нәрсә дияр иде икән? Гаилә корырга риза булыр микән? Әллә төшер, диярме?
    Кызыбызны югалтабыз...
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан