Алсу Әбелханова турында 10 факт
1. Аны берьюлы дүрт шәһәр халкы үзләренеке дип саный. Алсу Воркутада туа, Ульяновскида үсә. Казанда укый, Самарага кияүгә китә.
2. Ире Радик аннан нәкъ 10 яшькә олырак. Икесенең дә әбиләре күршеләр булып гомер итә һәм Алсу белән Радик та балачактан ук бер-берсен белә. Радик кич клубка чыкканда, Алсу әле дус кызлары белән урамда уйнап кала торган була. Хәзер әнә ире гел генә, сине үземә дип карап үстердем, дип шаярта.
3. Алсуның тирән диңгезне хәтерләткән зәңгәр күзләре – әнисе Җәүһәриядән. Әнисе гомере буе балалар бакчасында пешекче булып эшли.
4. Алсу кечкенәдән баянда уйнарга өйрәнгәнен әлегә кадәр яшереп килгән, әле дә сөйләргә яратмый. «Баян кызлар уйный торган инструментмы инде? Уйнарга өйрәнә башлаганда үзем дә шул баян кадәр генә, урындыкка утырсам, баян артыннан хәтта күренми дә идем», – ди Алсу.
5. Иң курыкканы самолетта очу. Шуңа да машина белән барып җитеп булырдай җиргә җирдән генә барырга тырыша.
6. Ул кырыс әни. Уллары Әмир белән Солтанны бик кырыс тәрбиялим дип саный.
7. Хоббие – спорт. Инде егерме елдан артык якын дуслар алар спорт белән. Һәр иртәне йөгерергә чыга, спортзалга йөри. Тагын бер хоббие – гөлләр. Кемдә нниди матур гөл күрә, бер тармагын кыстырып кайта. Өе тулы гөл аның.
8. Аквамарин төсендәге беренче «тугызлы»ны 2000 елны «иярли». Машиналарны яратуы – әтисеннән.
9. Беркайчан да офиста утырып эшли алмас идем, ди. Хәрәкәт ярата.
10. Инглиз телен татар һәм рус телләре кебек үк белә. Гастрольләргә чыккач, инглиз телен белүе авыр хәлләрдән чыгарга булышканы да булган.
Следите за самым важным и интересным в Telegram-каналеТатмедиа
Лилия Гәрәева,
Комментарийлар
0
0
Кечкенэдэн ук Алсу Эбелханованы яратам, ул башкаларга охшамаган, татар эстрадасындагы куп жырчылардан аерылып тора
0
0
0
0
Алсунын культурасы югары булуы ошый. Аннан ижатында уз стиле бар. Ул затлы hэм куркэм йолдызларнын берсе.
0
0
0
0
Любимая наша Алсу приезжайте к нам в заинске в гости на день города 30 августа 2018 года мы вас очень любим я ваш поклонник раушан из заинского района
0
0
0
0
Бик затлы, куркэм син Алсу!!!
0
0
0
0
Бик матур затлы тэртипле.Сэхнэдэ узен бик матур Тота..Сэлэмэтлек ижади унышлар сина Алсу.
0
0