Форельле яңа ел салаты





Яңа ел табынындагы кызыл балык салатына беркем дә игътибар итмичә калмас, мөгаен. 

 

Кирәк: 

 

150 г тозлы форель яисә семга балыгы; 

кабыгы белән пешкән 3 бәрәңге; 

250 г «Черри» помидоры; 

100 г (5 данэ) яшел кыяклы суган; 

3 аш кашыгы майонез; 

тәменчә – тоз, төелгән кара борыч; 

бизәр өчен укроп үләне. 

 

Эш барышы: 

 

Бәрәңгене кабыгыннан чистартып, эре булмаган шакмакларга турыйбыз. Йомырка кискечегез булса, шуның белән генә киссәгез дә була.

 

Яшел суганны вак итеп турыйбыз. 200 г «Черри» помидорын дүрткә бүләбез (калганын бизәлеш өчен калдырабыз). Боларның барысын да бер савытка салабыз. 



Балыкның 2/3 өлешен шул ук савытка салабыз, ә калган 1/3 өлешен бизәлеш өчен калдырабыз. Тоз, борыч, 2 кашык майонез өстәп, туглыйбыз. 



Кырыйлары ачыла торган форманы да, банканы да пленка белән тарттырабыз. Банканы уртага куеп, чәнечке белән форма кырыйларына салатны бушатабыз. 



Банканы алып, яссы төпле табага салатны әйләндереп куябыз. Салатның өстен яртылаш киселгән помидорлар, калган балык кисәкләре һәм укроп белән бизибез. 



Целлофан пакетка 1 аш кашыгы майонез салып, почмагын әз генә кисеп алабыз да юка гына буйлар ясап, салат өстен бизибез. 



Тәмле булсын! 

Реклама
Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 15 сентябрь 2019 - 16:55
    Без имени
    Аллам сакласын! Дошманына курергэ дэ язмасын!
    ​Үрмәкүч
  • 15 сентябрь 2019 - 16:55
    Без имени
    ,,Йэрэгемне уч тэбемдэ тотып"-дигэндэй укыдым.
    Мең дә бер... кичә?
  • 15 сентябрь 2019 - 16:55
    Без имени
    Котычкыч, Аллам сакласын, бик авыр осадок калдыра кунелдэ. Курэчэк булмасын бер кемгэ дэ.
    ​Үрмәкүч
  • 15 сентябрь 2019 - 16:55
    Без имени
    Елап укыдым, Рэхмэт.
    Бер сәгать һәм бер гомер
  • 15 сентябрь 2019 - 16:55
    Без имени
    Бик дорес язгансыз
    Ярату белән яши
Реклама
Кешелек хакында фәлсәфи уйланулар, робот София һәм ипи
Балачак – уйнар чак...