«Ләйләне тыңларга кирәк»

КЫЗЛАР МАТУР БУЛЫРГА ТИЕШ. Минем кебек. 

 Ә малайлар әтиләре кебек булсыннар. МЕНӘ БЕЗНЕҢ ӘТИ ЧЫН «КРАСАВЧИК». Әнвәр белән Гомәр дә шундый бит: әтигә охшаган. 

КЫЗЛАРНЫҢ БАШЫ ЭШЛӘМИ ИНДЕ АЛАРНЫҢ. Малайларныкы да. 
 
ҖӘЙНЕ БИГРӘК ЯРАТАМ ИНДЕ. Җәй көне су коенырга, су белән уйнарга була. Матур күлмәкләр кияргә була. 
 
Җәй көне кояш та бар, болытлар да бар. Кояшны бик яратмыйм, ул минем башымны кыздыра. Җәй көне яңгыр яуганны яратам. Юешләтә инде ул, тик барыбер ЯҢГЫР ЯУГАНДА, УРАМДА ЮЕШЛӘНЕП ЙӨРМИСЕҢ БИТ ИНДЕ. 
 
Су анасының чәче минеке кебек озын. Тик мин чәчемне кистем, күзгә төшеп интектерә. КАРАБОДАЙ АШАСАҢ, ҮСӘ УЛ. 
 
Әти белән әни мине бик ярата. МИН БИТ БЕР ГЕНӘ КЫЗ! 
 
МИН, ҮСКӘЧ, ТАБИБ БУЛАМ. Кешеләрне дәвалаячакмын. Мин булмасам, аларны кем дәвалар? 
 
МИН биергә яратмыйм, ҖЫРЛАРГА ЯРАТАМ. 
 
Торт, ҖИЛӘКЛЕ ТОРТ БИГРӘКЛӘР ДӘ ТӘМЛЕ ИНДЕ, аны әни дә ярата. 
 
МИҢА 4, 5, 6, 7, 8 ЯШЬ! 
 
Туган көнемә чәчәк, торт кирәк. Ә БҮЛӘК ИТЕП УЕНЧЫК АЛЫП КИЛСЕННӘР. 

 УЕНЧЫК БӘЛЕШ – ИҢ ЯРАТКАНЫМ. 
 
БӘЛЕШКӘ БӘРӘҢГЕ, ИТ, СУГАН САЛАЛАР. ТӘМЛЕ БУЛСЫН ӨЧЕН ШИКӘР ДӘ КУШАРГА КИРӘК! 
 
Авылда көнбагыш ашап утырганда, безгә таба сыер йөгерә башлады. Сөзәргә дип килә иде бугай. Курыктым инде, елый яздым. Сөзмәде әле ярый, котылып калдым. Аның каравы, БҮРЕДӘН, АЖДАҺАДАН, КОНДЫЗДАН КУРЫКМЫЙМ. 
 
ЭШЕМ КҮП МИНЕМ. Ашарга пешерәм, өй җыештырам, идән сөртәм, малайларны (Әнвәр белән Гомәр) карыйм. Авылда булганда, бозаулар карыйсы, аларны бәйлисе бар. Безнең бозаулар түгел инде алар, шулай да аларны карап торырга кирәк. Нишләп кенә бетәргә кирәк менә? 

 ӘНИ БУЛГАЧ, ТАГЫН ДА КҮБРӘК ЭШЛИСЕ БУЛА ӘЛЕ. 
 
КУНАКЛАР КИЛЕП КИТКӘЧ, ЭШ КҮП КАЛА ИКӘН УЛ. 
 
АШАГАНДА СОХАРИНЫ ЧӘЙГӘ МАНЫП АШАРГА КИРӘК. Югыйсә тешеңне сындырасың. Аннан соң бабай кебек буласыңмыни? 

 САЛКЫН СУДА МИКРОБЛАР ҮЛМИ, шуңа күрә кайнар суда юарга кирәк. 
 
АГАЧЛАР ЗУР БУЛЫП ҮСӘЛӘР, ЧӨНКИ АЛАР КҮП АШЫЙЛАРДЫР. 

 АГАЧ БАШЫНА МЕНСӘҢ, ОЧЫП КИТМИСЕҢ, ЕГЫЛЫП ТӨШӘСЕҢ. Зур агачлардан таудан шуган кебек, шуып уйныйсым килә. 
 
Ә мин зурмы? ЗУР ҮСКӘЧ, МИН МУНЧАНЫ ҮЗЕМ ЯГАЧАКМЫН. Аннан соң: «Әти, әни, Әнвәр, Гомәр! Мунча әзер!» – дип чакырачакмын. 
 
Әти, син молодец! Беседканы бик матур төзедең, тик ТӨНЛӘ ДӘ ЭШЛӘСӘҢ ТИЗРӘК БУЛЫР ИДЕ. 
 
P. S. Бу санның «Тормыш кагыйдәләре»н туплаганда, героинябызны фотога рубрика кысаларындагыча махсус урындыкка утыртып төшермәдек, чөнки нәни кызчыкның әле үз дөньясында үз гаме белән яши торган чагы. 
Белмәгәннәр өчен: Ләйлә – җырчылар Ландыш Нигъмәтҗанова һәм Фәрит Таишев кызы. 

 
Фикерләрне Ландыш ӘБҮДӘРОВА туплады. 

 

Реклама

Иң мөһим һәм кызыклы язмаларны Татмедиа Telegram-каналында укыгыз


Ошый
Поделиться:
Комментарийлар (2)
Cимвол калды:
  • 20 февраль 2020 - 05:03
    Без имени
    Искиткеч кызчык! Собхан Алла, бэхетле булып уссен.
  • 20 февраль 2020 - 05:03
    Без имени
    Сөбханалла кешесе. Күз тимәсен берүк! Үзебезнең якныкы бит, әллә шуңа күңелгә якын, әллә инде үзенең кабатланмас булуы белән бер күрүдә гашыйк итә. Сокланабыз, синең белән горурланабыз, Ләйлә. Бәхетең булсын, әти-әни тигезегендә үсәргә язсын сиңа.
Хәзер укыйлар
Соңгы комментарийлар
  • 18 февраль 2020 - 21:04
    Без имени
    Амэнэтнен азагы кайда
    Мине бабам янына күмәрсез
  • 18 февраль 2020 - 22:40
    Без имени
    Йорэккэ утэрлэк, елый елый укыдым ,язмыштан узмыш юк дилэр ,калганнарга туземлек бирсен ,ходай,
    Бу дөньяның бар чәчкәсе – сиңа
  • 18 февраль 2020 - 16:43
    Без имени
    Ландышнын яткан урыннары жэннэттэ булсын,калганнарга сабырлык бирсен аллахым. Тынычкына укый алмадым .бик авыр,;
    Бу дөньяның бар чәчкәсе – сиңа
  • 18 февраль 2020 - 16:02
    Без имени
    Люция ханым , балачакка кайтып килгэндэй булдым Чынлап та , ян,а тупнын, исе сихерли иде шул Рэхмэт , бик матур хикэя . Хэм инде шуный эйтэсем килэ Сез бик яхшы язучы !!! Ун,ышлар телим Сезгэ !!!
    “Ыштан” кыйссасы
  • 18 февраль 2020 - 12:38
    Без имени
    Мен рэхмэт! Эбэдкэ кайткан арада, Сезнен язманы укып балачакка да кайтып килдек. Бер беребезне яклап, ачу сакламый, учлэшми устек. Рэхэт чаклар..
    “Ыштан” кыйссасы
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...