Шәл бәйләдем, шәл бәйләдем...

Кирәк: 

1200 м озынлыкта бик калын булмаган бәйләү җебе, 2,5 номерлы ыргак (нинди ыргак кирәге җепнең кәгазенә дә язылган була).


Эш барышы:

Шәлне өске ягыннан, уртадан бәйли башлыйбыз. 10 күзәнәк җыеп, әйләнәгә тоташтырабыз.

1 нче рәт: 5 күзәнәктән чылбыр үрәбез (рәтне башлаганда һәрвакыт 5 күздән торган чылбыр бәйлибез, шәлебез шул күзләр исәбенә киңәя), 2 тапкыр чалулы 5 багана, 4 күзәнәкле чылбыр, 2 чалулы 5 багана, 4 күзле чылбыр, 2 чалулы 5 багана, 4 күзле чылбыр, 2 чалулы 6 багана (рәтне чыкканда баганаларның 6 булуы кирәк). Бәйләүне сул ягына әйләндереп тотабыз.

2 нче рәт: 5 күзәнәкле чылбыр, аскы рәттәге 2 чалулы 5 багана өстенә 1 чалулы 5 кабартылган багана, 4 күзәнәкле чылбыр, 1 чалулы 5 кабартылган багана, 4 күзәнәкле чылбыр, 1 чалулы 5 кабартылган багана, 4 күзәнәкле чылбыр, 1 чалулы 6 кабартылган багана бәйләп, рәтне чыгып бетерәбез.

3 нче рәт: 5 күзәнәкле чылбыр үрәбез, ыргакны аскы рәтнең 6 нчы һәм 5 нче баганалары арасыннан тыгып, 2 чалулы биш багана бәйлибез, 4 күзле чылбыр, ыргакны аскы рәтнең 3 нче баганасы аша чыгарабыз да, җепне тартып алабыз, ыргакта 2 күз булды. Хәзер бер күзне икенчесе аша чыгарып, күзләр санын 1 гә калдырабыз, тагын 4 күзле чылбыр үрәбез һәм аскы рәттәге чылбыр өстенә (ул бәй­ләмдә зур тишек хасил итә) 2 чалулы 5 багана бәйлибез. 4 күзле чылбыр үреп, анысын икенче «кабыр­чыкның» (шәл кабырчыкка охшаш бизәкләрдән тора) 3 нче баганасына беркетәбез. Тагын 4 күзле чылбыр үрәбез һәм аскы рәтнең чылбыры өстенә 2 чалулы 5 багана бәйлибез. 4 күзле чылбыр үреп (бу – шәлнең уртасы), янә 2 чалулы 5 багана бәй­либез, рәтне шул эзлеклелекне саклап, бәйләп чыгабыз (схемадагыча). 

4 нче рәт: 5 күзле чылбыр, аскы рәттәге баганалар өстенә 1 чалулы 5 кабартылган багана бәйлибез, 4 күзле чылбыр, 1 чалулы 5 кабартылган багана, 4 күзле чылбыр үрәбез, шул рәвешле кабатлап, рәтне бәйлибез. 

5 нче рәт: 3 нче рәтне кабатлыйбыз.

6 нчы рәт: 4 нче рәтне кабатлыйбыз.

Шәлне үзегез теләгән зурлыкка җиткергәнче, шушы ике рәтне гел чиратлаштырып бәйләгез.

Хәзер шәлне төгәлләп, чуклар бер­кетәсе бар. Моның өчен башта 10 күзле чылбыр үреп, ыргакны беренче «кабырчыкның» өченче баганасы аша тыгып алабыз, икенче һәм калган барлык чылбырны 15 күздән бәйләп, икенче «кабырчыкның» өченче баганасына беркетәбез, шул рәвешле шәлнең ике ягын да 3 рәт әйләнде­реп чыгабыз. Чукларның озынлыгы 10 см (аны ясау өчен биеклеге 20 см булган каты тышлы берәр китапка җепне кат-кат урыйбыз, җитәрлек урагач, бер ягыннан кисәбез һәм өчәр бөртек җепне урталай бөкләп, шәлнең читенә элеп чыгабыз.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    7847
    0
    81
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7149
    2
    72
  • Кайту Безне ташлап киткән иремнең сөяркәсе шалтыратты...
    6033
    2
    39
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3431
    1
    38
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    3791
    1
    37
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда