Сәламәт муен бит матурлыгын, баш миенең яхшы эшчәнлеген тәэмин итә, кан басымын көйли. Гәүдәнең бу өлешенә массаж ясау үтә дә популяр. Әмма якын-тирәдә тәҗрибәле массажист йә гаилә бюджетында моның өчен акча булмаска мөмкин. Шуңа күрә өй шартларында үз-үзеңә массаж ясарга өйрәнү яхшы булыр. «Аның бер авырлыгы да юк, бары тик иренмәскә генә кирәк, ә нәтиҗәсе берничә күнегүдән үк сизелер», – ди матурлык экспертыбыз Ләйсән САБИТОВА. Өйрәнәбез!