​Кәефегезне үзегез күтәрегез!

Иртүк торырга күнеккән кешеләр, инде гел кирәге булмаса да, һаман шул гадәтләреннән арына алмыйлар. Хәер, хикмәт гадәттә генә микән соң? Америка психофизиологлары, мәсәлән, безнең кәеф йокыдан уяну сәгате белән турыдан-туры бәйләнгән дип исәпли. Эч пошу, күңел төшенкелеге, апатия, кара көч буларак, иртәнге яктлыктан курка икән. Кеше организмындагы кайбер гормоннар, канга эләгеп, баш миенең төшенкелек үзәкләренә тәэсир итә: төнлә бу гормоннар саны арта, ә кояшның беренче нурларыннан кими башлый. Шуңа күрә иртәрәк йокларга ятыгыз, таң ату белән торыгыз – кичкә кадәр шәп кәефтән йөрерсез.

Ә кышын, көн яктысы бик кыска булганда нишләргә, дип сорар кайберәүләр. Скептикларга Англия психотерапевтлары бик үзенчәлекле җавап әзерләгән. Чәчтарашка барганчы һәм аннан кайткач хатын-кыз үзен ничек тотканын күзәтеп, алар кызыклы нәтиҗәләр ясаган. Чәчләрен ясатканнан соң, матур булып кына күренмиләр, үзләрен тынычрак, ышанычлырак, шат күңеллерәк тоталар, тискәре эмоцияләрдән җиңелрәк арыналар икән гүзәл затлар. Британия белгечләре фикеренчә, өй шартларында да шушы халәткә ирешеп була. Чәчләрне юып, кабартып куегыз – сез инде бөтенләй башка кеше!

Моннан шундый кагыйдә: көзге каршында басып торган хатын-кызны һич  ашыктырырга ярамый. Ул анда юктан гына бөтерелми – ул яхшы кәеф тудыра!       

Фото:  www.pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан